헬라어 문장 검색 - Διοδορ́Λιβραρψ́4́35́

(디오도로스 시켈로스, Library, book xi, chapter 56)

διὰ δὲ ταῦτα, καθάπερ προειρήκαμεν, ἔφυγεν ἐξ Ἄργουσ πρὸσ Ἄδμητον τὸν Μολοττῶν βασιλέα· καταφυγὼν δὲ πρὸσ τὴν ἑστίαν ἱκέτησ ἐγένετο. ὁ δὲ βασιλεὺσ τὸ μὲν πρῶτον προσεδέξατο αὐτὸν φιλοφρόνωσ καὶ παρεκάλει θαρρεῖν καὶ τὸ σύνολον ἐπηγγέλλετο φροντιεῖν αὐτοῦ τῆσ ἀσφαλείασ· ἐπεὶ δὲ οἱ Λακεδαιμόνιοι τοὺσ ἐπιφανεστάτουσ Σπαρτιατῶν πρέσβεισ ἀποστείλαντεσ πρὸσ τὸν Ἄδμητον ἐξῄτουν αὐτὸν πρὸσ τιμωρίαν, ἀποκαλοῦντεσ προδότην καὶ λυμεῶνα τῆσ ὅλησ Ἑλλάδοσ, πρὸσ δὲ τούτοισ μὴ παραδιδόντοσ αὐτὸν πολεμήσειν ἔφασαν μετὰ πάντων τῶν Ἑλλήνων, τὸ τηνικαῦθ’ ὁ βασιλεὺσ φοβηθεὶσ μὲν τὰσ ἀπειλάσ, ἐλεῶν δὲ τὸν ἱκέτην καὶ τὴν ἐκ τῆσ παραδόσεωσ αἰσχύνην ἐκκλίνων, ἔπειθε τὸν Θεμιστοκλέα τὴν ταχίστην ἀπιέναι λάθρᾳ τῶν Λακεδαιμονίων, καὶ χρυσοῦ πλῆθοσ ἐδωρήσατο αὐτῷ ἐφόδιον τῆσ φυγῆσ.

ὁ δὲ Θεμιστοκλῆσ πάντοθεν ἐλαυνόμενοσ καὶ τὸ χρυσίον δεξάμενοσ ἔφυγε νυκτὸσ ἐκ τῆσ τῶν Μολοττῶν χώρασ, συμπράττοντοσ αὐτῷ πάντα τὰ πρὸσ φυγὴν τοῦ βασιλέωσ·

εὑρὼν δὲ δύο νεανίσκουσ Λυγκηστὰσ τὸ γένοσ, ἐμπορικαῖσ δὲ ἐργασίαισ χρωμένουσ, καὶ διὰ τοῦτο τῶν ὁδῶν ἐμπείρωσ ἔχοντασ, μετὰ τούτων ἔφυγε. χρώμενοσ δὲ νυκτεριναῖσ ὁδοιπορίαισ ἔλαθε τοὺσ Λακεδαιμονίουσ, καὶ διὰ τῆσ τῶν νεανίσκων εὐνοίασ τε καὶ κακοπαθείασ κατήντησεν εἰσ τὴν Ἀσίαν·

ἐνταῦθα δ’ ἔχων ἰδιόξενον, ὄνομα μὲν Λυσιθείδην, δόξῃ δὲ καὶ πλούτῳ θαυμαζόμενον, πρὸσ τοῦτον κατέφυγεν. ὁ δὲ Λυσιθείδησ ἐτύγχανε φίλοσ ὢν Ξέρξου τοῦ βασιλέωσ καὶ κατὰ τὴν διάβασιν τοῦ Ξέρξου τὴν δύναμιν τῶν Περσῶν ἅπασαν εἱστιακώσ.

διόπερ συνήθειαν μὲν ἔχων πρὸσ τὸν βασιλέα, τὸν δὲ Θεμιστοκλέα διὰ τὸν ἔλεον σῶσαι βουλόμενοσ, ἐπηγγείλατο αὐτῷ πάντα συμπράξειν. ἀξιοῦντοσ δὲ τοῦ Θεμιστοκλέουσ ἀγαγεῖν αὐτὸν πρὸσ τὸν Ξέρξην, τὸ μὲν πρῶτον ἀντεῖπεν, ἀποφαινόμενοσ ὅτι κολασθήσεται διὰ τὰσ κατὰ τῶν Περσῶν αὐτῷ γεγενημένασ πράξεισ, μετὰ δὲ ταῦτα μαθὼν τὸ συμφέρον ὑπήκουσε, καὶ παραδόξωσ καὶ ἀσφαλῶσ αὐτὸν διέσωσεν εἰσ τὴν Περσίδα.

ἔθουσ γὰρ ὄντοσ παρὰ τοῖσ Πέρσαισ τὸν ἄγοντα παλλακὴν τῷ βασιλεῖ κομίζειν ταύτην ἐπὶ ἀπήνησ κεκρυμμένησ, καὶ τῶν ἀπαντώντων μηδένα πολυπραγμονεῖν μηδὲ κατ’ ὄψιν ἀπαντῆσαι τῇ ἀγομένῃ, ἀφορμῇ ταύτῃ συνέβη χρήσασθαι πρὸσ τὴν ἐπιβολὴν τὸν Λυσιθείδην.

παρασκευασάμενοσ γὰρ τὴν ἀπήνην πολυτελέσι παραπετάσμασι κεκοσμημένην, εἰσ ταύτην ἐνέθηκε τὸν Θεμιστοκλέα, καὶ μετὰ πάσησ ἀσφαλείασ διασώσασ ἐνέτυχε τῷ βασιλεῖ, καὶ πεφυλαγμένωσ ὁμιλήσασ ἔλαβε παρ’ αὐτοῦ πίστεισ μηδὲν ἀδικήσειν τὸν ἄνδρα.

εἰσαγαγὼν δὲ αὐτὸν πρὸσ τὸν βασιλέα, κἀκείνου δόντοσ τῷ Θεμιστοκλεῖ λόγον καὶ μαθόντοσ ὡσ οὐδὲν ἠδίκησεν, ἀπελύθη τῆσ τιμωρίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 56

(디오도로스 시켈로스, Library, book xi, chapter 56)

상위

목록

SEARCH

MENU NAVIGATION