헬라어 문장 검색 - Διοδορ́Λιβραρψ́4́31́

(디오도로스 시켈로스, Library, book xi, chapter 50)

ἐπ’ ἄρχοντοσ δ’ Ἀθήνησι Δρομοκλείδου Ῥωμαῖοι μὲν κατέστησαν ὑπάτουσ Μάρκον Φάβιον καὶ Γναῖον Μάλλιον. ἐπὶ δὲ τούτων Λακεδαιμόνιοι τὴν τῆσ θαλάττησ ἡγεμονίαν ἀποβεβληκότεσ ἀλόγωσ, βαρέωσ ἔφερον· διὸ καὶ τοῖσ ἀφεστηκόσιν ἀπ’ αὐτῶν Ἕλλησι χαλεπῶσ ἔχοντεσ, ἠπείλουν ἐπιθήσειν αὐτοῖσ τὴν προσήκουσαν τιμωρίαν. συναχθείσησ δὲ τῆσ γερουσίασ ἐβουλεύοντο περὶ τοῦ πολέμου τοῦ πρὸσ τοὺσ Ἀθηναίουσ ὑπὲρ τῆσ κατὰ θάλατταν ἡγεμονίασ.

ὁμοίωσ δὲ καὶ τῆσ κοινῆσ ἐκκλησίασ συναχθείσησ, οἱ μὲν νεώτεροι καὶ τῶν ἄλλων οἱ πολλοὶ φιλοτίμωσ εἶχον ἀνακτήσασθαι τὴν ἡγεμονίαν, νομίζοντεσ, ἐὰν αὐτὴν περιποιήσωνται, χρημάτων τε πολλῶν εὐπορήσειν καὶ καθόλου τὴν Σπάρτην μείζονα ποιήσεσθαι καὶ δυνατωτέραν, τούσ τε τῶν ἰδιωτῶν οἴκουσ πολλὴν ἐπίδοσιν λήψεσθαι πρὸσ εὐδαιμονίαν.

ἀνεμιμνήσκοντο δὲ καὶ τῆσ ἀρχαίασ μαντείασ, ἐν ᾗ προσέταξεν αὐτοῖσ ὁ θεὸσ σκοπεῖν, ὅπωσ μὴ χωλὴν ἔχωσι τὴν ἡγεμονίαν, καὶ τὸν χρησμὸν ἔφασαν εἰσ οὐδὲν ἕτερον ἢ τὸ παρὸν λέγειν·

χωλὴν γὰρ αὐτοῖσ ὑπάρξειν τὴν ἀρχήν, ἐὰν οὐσῶν δυεῖν ἡγεμονιῶν τὴν ἑτέραν ἀποβάλωσι. πάντων δὲ σχεδὸν τῶν πολιτῶν πρὸσ ταύτην τὴν ὑπόθεσιν ὡρμημένων, καὶ τῆσ γερουσίασ συνεδρευούσησ περὶ τούτων, οὐδεὶσ ἤλπισεν οὐδένα τολμήσειν συμβουλεῦσαι ἕτερόν τι.

τῶν δὲ ἐκ τῆσ γερουσίασ τισ, ὄνομα μὲν Ἑτοιμαρίδασ, τὸ δὲ γένοσ ἀφ’ Ἡρακλέουσ ὢν καὶ δι’ ἀρετὴν ἀποδοχῆσ τυγχάνων παρὰ τοῖσ πολίταισ, ἐπεχείρησε συμβουλεύειν ἐᾶν τοὺσ Ἀθηναίουσ ἐπὶ τῆσ ἡγεμονίασ·

μὴ συμφέρειν γὰρ τῇ Σπάρτῃ τῆσ θαλάττησ ἀμφισβητεῖν· πρὸσ παράδοξον δὲ ὑπόθεσιν εἰπεῖν εὐπορήσασ λόγουσ ἁρμόζοντασ, παρὰ τὴν προσδοκίαν ἔπεισε τὴν γερουσίαν καὶ τὸν δῆμον. τέλοσ δὲ οἱ Λακεδαιμόνιοι κρίναντεσ τὸν Ἑτοιμαρίδαν συμφέροντα λέγειν ἀπέστησαν τῆσ περὶ τὸν πόλεμον πρὸσ τοὺσ Ἀθηναίουσ ὁρμῆσ.

Ἀθηναῖοι δὲ τὸ μὲν πρῶτον προσεδόκων μέγαν πόλεμον ἕξειν πρὸσ τοὺσ Λακεδαιμονίουσ περὶ τῆσ κατὰ θάλατταν ἡγεμονίασ, καὶ διὰ τοῦτο τριήρεισ κατεσκεύαζον πλείουσ καὶ χρημάτων πλῆθοσ ἐπορίζοντο καὶ τοῖσ συμμάχοισ ἐπιεικῶσ προσεφέροντο·

ὡσ δὲ τὰ δοχθέντα τοῖσ Λακεδαιμονίοισ ἐπύθοντο, τοῦ μὲν φόβου τοῦ κατὰ τὸν πόλεμον ἀπελύθησαν, περὶ δὲ τὴν αὔξησιν τῆσ ἰδίασ πόλεωσ ἠσχολοῦντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 50

(디오도로스 시켈로스, Library, book xi, chapter 50)

상위

목록

SEARCH

MENU NAVIGATION