헬라어 문장 검색 - ΗεροδόΤηεΗιστ́4́081́

(헤로도토스, The Histories, book 4, chapter 81)

πλῆθοσ δὲ τὸ Σκυθέων οὐκ οἱο͂σ τε ἐγενόμην ἀτρεκέωσ πυθέσθαι, ἀλλὰ διαφόρουσ λόγουσ περὶ τοῦ ἀριθμοῦ ἤκουον· καὶ γὰρ κάρτα πολλοὺσ εἶναι σφέασ καὶ ὀλίγουσ ὡσ Σκύθασ εἶναι. τοσόνδε μέντοι ἀπέφαινόν μοι ἐσ ὄψιν.

ἔστι μεταξὺ Βορυσθένεόσ τε ποταμοῦ καὶ Ὑπάνιοσ χῶροσ, οὔνομα δέ οἱ ἐστὶ Ἐξαμπαῖοσ· τοῦ καὶ ὀλίγῳ τι πρότερον τούτων μνήμην εἶχον, φάμενοσ ἐν αὐτῷ κρήνην ὕδατοσ πικροῦ εἶναι, ἀπ’ ἧσ τὸ ὕδωρ ἀπορρέον τὸν Ὕπανιν ἄποτον ποιέειν. ἐν τούτῳ τῷ χώρῳ κέεται χαλκήιον, μεγάθει καὶ ἑξαπλήσιον τοῦ ἐπὶ στόματι τοῦ Πόντου κρητῆροσ, τὸν Παυσανίησ ὁ Κλεομβρότου ἀνέθηκε.

ὃσ δὲ μὴ εἶδε κω τοῦτον, ὧδε δηλώσω.

ἑξακοσίουσ ἀμφορέασ εὐπετέωσ χωρέει τὸ ἐν Σκύθῃσι χαλκήιον, πάχοσ δὲ τὸ Σκυθικὸν τοῦτο χαλκήιον ἐστὶ δακτύλων ἕξ. τοῦτο ὦν ἔλεγον οἱ ἐπιχώριοι ἀπὸ ἀρδίων γενέσθαι. βουλόμενον γὰρ τὸν σφέτερον βασιλέα, τῶ οὔνομα εἶναι Ἀριάνταν, τοῦτον εἰδέναι τὸ πλῆθοσ τὸ Σκυθέων κελεύειν μιν πάντασ Σκύθασ ἄρδιν ἕκαστον μίαν ἀπὸ τοῦ ὀιστοῦ κομίσαι.

ὃσ δ’ ἄν μὴ κομίσῃ, θάνατον ἀπείλεε. κομισθῆναι τε δὴ χρῆμα πολλὸν ἀρδίων καί οἱ δόξαι ἐξ αὐτέων μνημόσυνον ποιήσαντι λιπέσθαι.

ἐκ τουτέων δή μιν τὸ χαλκήιον ποιῆσαι τοῦτο καὶ ἀναθεῖναι ἐσ τὸν Ἐξαμπαῖον τοῦτον. ταῦτα δὲ περὶ τοῦ πλήθεοσ τοῦ Σκυθέων ἤκουον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Herodotus, The Histories, book 4, chapter 81

(헤로도토스, The Histories, book 4, chapter 81)

상위

목록

SEARCH

MENU NAVIGATION