헬라어 문장 검색 - ΗεροδόΤηεΗιστ́4́203́

(헤로도토스, The Histories, book 4, chapter 203)

τοὺσ ὦν δὴ λοιποὺσ τῶν Βαρκαίων οἱ Πέρσαι ἀνδραποδισάμενοι ἀπήισαν ὀπίσω· καὶ ἐπείτε ἐπὶ τῇ Κυρηναίων πόλι ἐπέστησαν, οἱ Κυρηναῖοι λόγιόν τι ἀποσιεύμενοι διεξῆκαν αὐτοὺσ διὰ τοῦ ἄστεοσ. διεξιούσησ δὲ τῆσ στρατιῆσ Βάδρησ μὲν ὁ τοῦ ναυτικοῦ στρατοῦ στρατηγὸσ ἐκέλευε αἱρέειν τὴν πόλιν, Ἄμασισ δὲ ὁ τοῦ πεζοῦ οὐκ ἐά·

ἐπὶ Βάρκην γὰρ ἀποσταλῆναι μούνην Ἑλληνίδα πόλιν· ἐσ ὃ διεξελθοῦσι καὶ ἱζομένοισι ἐπὶ Διὸσ Λυκαίου ὄχθον μετεμέλησέ σφι οὐ σχοῦσι τὴν Κυρήνην. καὶ ἐπειρῶντο τὸ δεύτερον παριέναι ἐσ αὐτήν· οἱ δὲ Κυρηναῖοι οὐ περιώρων. τοῖσι δὲ Πέρσῃσι οὐδενὸσ μαχομένου φόβοσ ἐνέπεσε, ἀποδραμόντεσ τε ὅσον τε ἑξήκοντα στάδια ἵζοντο·

ἱδρυθέντι δὲ τῷ στρατοπέδῳ ταύτῃ ἦλθε παρὰ Ἀρυνάνδεω ἄγγελοσ ἀποκαλέων αὐτούσ. οἱ δὲ Πέρσαι Κυρηναίων δεηθέντεσ ἐπόδιά σφι δοῦναι ἔτυχον, λαβόντεσ δὲ ταῦτα ἀπαλλάσσοντο ἐσ τὴν Αἴγυπτον. παραλαβόντεσ δὲ τὸ ἐνθεῦτεν αὐτοὺσ Λίβυεσ τῆσ τε ἐσθῆτοσ εἵνεκα καὶ τῆσ σκευῆσ τοὺσ ὑπολειπομένουσ αὐτῶν καὶ ἐπελκομένουσ ἐφόνευον, ἐσ ὃ ἐσ τὴν Αἴγυπτον ἀπίκοντο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 203

(헤로도토스, The Histories, book 4, chapter 203)

상위

목록

SEARCH

MENU NAVIGATION