헬라어 문장 검색 - ΗεροδόΤηεΗιστ́4́181́

(헤로도토스, The Histories, book 4, chapter 181)

οὗτοι μὲν οἱ παραθαλάσσιοι τῶν νομάδων Λιβύων εἰρέαται, ὑπὲρ δὲ τούτων ἐσ μεσόγαιαν ἡ θηριώδησ ἐστὶ Λιβύη, ὑπὲρ δὲ τῆσ θηριώδεοσ ὀφρύη ψάμμησ κατήκει παρατείνουσα ἀπὸ Θηβέων τῶν Αἰγυπτιέων ἐπ’ Ἡρακλέασ στήλασ. ἐν δὲ τῇ ὀφρύῃ ταύτῃ μάλιστα διὰ δέκα ἡμερέων ὁδοῦ ἁλόσ ἐστι τρύφεα κατὰ χόνδρουσ μεγάλουσ ἐν κολωνοῖσι, καὶ ἐν κορυφῇσι ἑκάστου τοῦ κολωνοῦ ἀνακοντίζει ἐκ μέσου τοῦ ἁλὸσ ὕδωρ ψυχρὸν καὶ γλυκύ, περὶ δὲ αὐτὸν ἄνθρωποι οἰκέουσι ἔσχατοι πρὸσ τῆσ ἐρήμου καὶ ὑπὲρ τῆσ θηριώδεοσ, πρῶτοι μὲν ἀπὸ Θηβέων διὰ δέκα ἡμερέων ὁδοῦ Ἀμμώνιοι, ἔχοντεσ τὸ ἱρὸν ἀπὸ τοῦ Θηβαιέοσ Διόσ·

καὶ γὰρ τὸ ἐν Θήβῃσι, ὡσ καὶ πρότερον εἴρηταί μοι, κριοπρόσωπον τοῦ Διὸσ τὤγαλμα ἐστί. τυγχάνει δὲ καὶ ἄλλο σφι ὕδωρ κρηναῖον ἐὸν, τὸ τὸν μὲν ὄρθρον γίνεται χλιαρόν, ἀγορῆσ δὲ πληθυούσησ ψυχρότερον, μεσαμβρίη τε ἐστὶ καὶ τὸ κάρτα γίνεται ψυχρόν·

τηνικαῦτα δὲ ἄρδουσι τοὺσ κήπουσ·

ἀποκλινομένησ δὲ τῆσ ἡμέρησ ὑπίεται τοῦ ψυχροῦ, ἐσ οὗ δύεταί τε ὁ ἥλιοσ καὶ τὸ ὕδωρ γίνεται χλιαρόν. ἐπὶ δὲ μᾶλλον ἰὸν ἐσ τὸ θερμὸν ἐσ μέσασ νύκτασ πελάζει, τηνικαῦτα δὲ ζέει ἀμβολάδην· παρέρχονται τε μέσαι νύκτεσ καὶ ψύχεται μέχρι ἐσ ἠῶ. ἐπίκλησιν δὲ αὕτη ἡ κρήνη καλέεται ἡλίου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 181

(헤로도토스, The Histories, book 4, chapter 181)

상위

목록

SEARCH

MENU NAVIGATION