헬라어 문장 검색 - ΗεροδόΤηεΗιστ́4́155́

(헤로도토스, The Histories, book 4, chapter 155)

ἐνθεῦτεν δὲ τὴν Φρονίμην παραλαβὼν πολύμνηστοσ, ἐὼν τῶν Θηραίων ἀνὴρ δόκιμοσ, ἐπαλλακεύετο. χρόνου δὲ περιιόντοσ ἐξεγένετό οἱ παῖσ ἰσχόφωνοσ καὶ τραυλόσ, τῷ οὔνομα ἐτέθη Βάττοσ, ὡσ Θηραῖοι τε καὶ Κυρηναῖοι λέγουσι, ὡσ μέντοι ἐγὼ δοκέω, ἄλλο τι· Βάττοσ δὲ μετωνομάσθη, ἐπείτε ἐσ Λιβύην ἀπίκετο, ἀπό τε τοῦ χρηστηρίου τοῦ γενομένου ἐν Δελφοῖσι αὐτῷ καὶ ἀπὸ τῆσ τιμῆσ τὴν ἔσχε τὴν ἐπωνυμίην ποιεύμενοσ.

Λίβυεσ γὰρ βασιλέα βάττον καλέουσι, καὶ τούτου εἵνεκα δοκέω θεσπίζουσαν τὴν Πυθίην καλέσαι μιν Λιβυκῇ γλώσσῃ, εἰδυῖαν ὡσ βασιλεὺσ ἔσται ἐν Λιβύῃ. ἐπείτε γὰρ ἠνδρώθη οὗτοσ, ἦλθε ἐσ Δελφοὺσ περὶ τῆσ φωνῆσ·

ἐπειρωτῶντι δέ οἱ χρᾷ ἡ Πυθίη τάδε. Βάττ’ ἐπὶ φωνὴν ἦλθεσ. ἄναξ δέ σε Φοῖβοσ Ἀπόλλων ἐσ Λιβύην πέμπει μηλοτρόφον οἰκιστῆρα, ὥσπερ εἰ εἴποι Ἑλλάδι γλώσσῃ χρεωμένη "ὦ βασιλεῦ, ἐπὶ φωνὴν ἦλθεσ. " ὃ δ’ ἀμείβετο τοῖσιδε.

"ὦναξ, ἐγὼ μὲν ἦλθον παρὰ σὲ χρησάμενοσ περὶ τῆσ φωνῆσ, σὺ δέ μοι ἄλλα ἀδύνατα χρᾷσ, κελεύων Λιβύην ἀποικίζειν τέῳ δυνάμι, κοίῃ χειρί; ταῦτα λέγων οὐκὶ ἔπειθε ἄλλα οἱ χρᾶν· ὡσ δε κατὰ ταὐτὰ ἐθέσπιζέ οἱ καὶ πρότερον, οἴχετο μεταξὺ ἀπολιπὼν ὁ Βάττοσ ἐσ τὴν Θήρην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 155

(헤로도토스, The Histories, book 4, chapter 155)

상위

목록

SEARCH

MENU NAVIGATION