헬라어 문장 검색 - ΗεροδόΤηεΗιστ́4́053́

(헤로도토스, The Histories, book 4, chapter 53)

τέταρτοσ δὲ Βορυσθένησ ποταμόσ, ὃσ ἐστί τε μέγιστοσ μετὰ Ἴστρον τούτων καὶ πολυαρκέστατοσ κατὰ γνώμασ τὰσ ἡμετέρασ οὔτι μοῦνον τῶν Σκυθικῶν ποταμῶν ἀλλὰ καὶ τῶν ἄλλων ἁπάντων, πλὴν Νείλου τοῦ Αἰγυπτίου· τούτῳ γὰρ οὐκ οἱᾶ́ τε ἐστὶ συμβαλεῖν ἄλλον ποταμόν· τῶν δὲ λοιπῶν Βορυσθένησ ἐστὶ πολυαρκέστατοσ, ὃσ νομάσ τε καλλίστασ καὶ εὐκομιδεστάτασ κτήνεσι παρέχεται ἰχθύασ τε ἀρίστουσ διακριδὸν καὶ πλείστουσ, πίνεσθαι τε ἥδιστοσ ἐστί, ῥέει τε καθαρὸσ παρὰ θολεροῖσι, σπόροσ τε παρ’ αὐτὸν ἄριστοσ γίνεται, ποίη τε, τῇ οὐ σπείρεται ἡ χώρη, βαθυτάτη·

ἅλεσ τε ἐπὶ τῷ στόματι αὐτοῦ αὐτόματοι πήγνυνται ἄπλετοι·

κήτεά τε μεγάλα ἀνάκανθα, τὰ ἀντακαίουσ καλέουσι, παρέχεται ἐσ ταρίχευσιν, ἄλλα τε πολλὰ θωμάσαι ἄξια. μέχρι μέν νυν Γερρέων χώρου, ἐσ τὸν τεσσεράκοντα ἡμερέων πλόοσ ἐστί, γινώσκεται ῥέων ἀπὸ βορέω ἀνέμου·

τὸ δὲ κατύπερθε δι’ ὧν ῥέει ἀνθρώπων οὐδεὶσ ἔχει φράσαι· φαίνεται δὲ ῥέων δι’ ἐρήμου ἐσ τῶν γεωργῶν Σκυθέων τὴν χώρην· οὗτοι γὰρ οἱ Σκύθαι παρ’ αὐτὸν ἐπὶ δέκα ἡμερέων πλόον νέμονται. μούνου δὲ τούτου τοῦ ποταμοῦ καὶ Νείλου οὐκ ἔχω φράσαι τὰσ πηγάσ, δοκέω δέ, οὐδὲ οὐδεὶσ Ἑλλήνων.

ἀγχοῦ τε δὴ θαλάσσησ ὁ Βορυσθένησ ῥέων γίνεται καὶ οἱ συμμίσγεται ὁ Ὕπανισ ἐσ τὠυτὸ ἕλοσ ἐκδιδούσ. τὸ δὲ μεταξὺ τῶν ποταμῶν τούτων, ἐὸν ἔμβολον τῆσ χώρησ, Ἱππόλεω ἄκρη καλέεται, ἐν δὲ αὐτῷ, ἱρὸν Δήμητροσ ἐνίδρυται·

πέρην δὲ τοῦ ἱροῦ ἐπὶ τῷ Ὑπάνι Βορυσθενεῖ̈ται κατοίκηνται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Herodotus, The Histories, book 4, chapter 53

(헤로도토스, The Histories, book 4, chapter 53)

상위

목록

SEARCH

MENU NAVIGATION