헬라어 텍스트

Diodorus Siculus, Library, book xi, chapter 49

(디오도로스 시켈로스, Library, book xi, chapter 49)

Ιἕρων δὲ τούσ τε Ναξίουσ καὶ τοὺσ Καταναίουσ ἐκ τῶν πόλεων ἀναστήσασ, ἰδίουσ οἰκήτορασ ἀπέστειλεν, ἐκ μὲν Πελοποννήσου πεντακισχιλίουσ ἀθροίσασ, ἐκ δὲ Συρακουσῶν ἄλλουσ τοσούτουσ προσθείσ· καὶ τὴν μὲν Κατάνην μετωνόμασεν Αἴτνην, τὴν δὲ χώραν οὐ μόνον τὴν Καταναίαν, ἀλλὰ καὶ πολλὴν τῆσ ὁμόρου προσθεὶσ κατεκληρούχησε, μυρίουσ πληρώσασ οἰκήτορασ. τοῦτο δ’ ἔπραξε σπεύδων ἅμα μὲν ἔχειν βοήθειαν ἑτοίμην ἀξιόλογον πρὸσ τὰσ ἐπιούσασ χρείασ, ἅμα δὲ καὶ ἐκ τῆσ γενομένησ μυριάνδρου πόλεωσ τιμὰσ ἔχειν ἡρωικάσ.

τοὺσ δὲ Ναξίουσ καὶ τοὺσ Καταναίουσ ἐκ τῶν πατρίδων ἀνασταθέντασ μετῴκισεν εἰσ τοὺσ Λεοντίνουσ, καὶ μετὰ τῶν ἐγχωρίων προσέταξε κατοικεῖν τὴν πόλιν. Θήρων δὲ μετὰ τὴν Ἱμεραίων σφαγὴν ὁρῶν τὴν πόλιν οἰκητόρων δεομένην, συνῴκισεν εἰσ ταύτην τούσ τε Δωριεῖσ καὶ τῶν ἄλλων τοὺσ βουλομένουσ ἐπολιτογράφησεν.

οὗτοι μὲν οὖν μετ’ ἀλλήλων καλῶσ πολιτευόμενοι διετέλεσαν ἔτη πεντήκοντα καὶ ὀκτώ·

τότε δὲ τῆσ πόλεωσ ὑπὸ Καρχηδονίων χειρωθείσησ καὶ κατασκαφείσησ, διέμεινεν ἀοίκητοσ μέχρι τῶν καθ’ ἡμᾶσ καιρῶν.