헬라어 문장 검색 - Διοδορ́Λιβραρψ́4́24́

(디오도로스 시켈로스, Library, book xi, chapter 39)

κατὰ δὲ τὴν Ἑλλάδα Ἀθηναῖοι μὲν μετὰ τὴν ἐν Πλαταιαῖσ νίκην μετεκόμισαν ἐκ Τροιζῆνοσ καὶ Σαλαμῖνοσ τέκνα καὶ γυναῖκασ εἰσ τὰσ Ἀθήνασ, εὐθὺσ δὲ καὶ τὴν πόλιν ἐπεχείρησαν τειχίζειν καὶ τῶν ἄλλων τῶν πρὸσ ἀσφάλειαν ἀνηκόντων ἐπιμέλειαν ἐποιοῦντο. Λακεδαιμόνιοι δ’ ὁρῶντεσ τοὺσ Ἀθηναίουσ ἐν ταῖσ ναυτικαῖσ δυνάμεσι περιπεποιημένουσ δόξαν μεγάλην, ὑπώπτευσαν αὐτῶν τὴν αὔξησιν, καὶ διέγνωσαν κωλύειν τοὺσ Ἀθηναίουσ ἀνοικοδομεῖν τὰ τείχη.

εὐθὺσ οὖν πρέσβεισ ἐξέπεμψαν εἰσ τὰσ Ἀθήνασ τοὺσ λόγῳ μὲν συμβουλεύσοντασ κατὰ τὸ παρὸν μὴ τειχίζειν τὴν πόλιν διὰ τὸ μὴ συμφέρειν κοινῇ τοῖσ Ἕλλησι·

τὸν γὰρ Ξέρξην, εἰ πάλιν παραγενηθείη μετὰ μειζόνων δυνάμεων, ἕξειν ἑτοίμουσ πόλεισ τετειχισμένασ ἐκτὸσ Πελοποννήσου, ἐξ ὧν ὁρμώμενον ῥᾳδίωσ καταπολεμήσειν τοὺσ Ἕλληνασ. οὐ πειθομένων δ’ αὐτῶν, οἱ πρέσβεισ προσιόντεσ τοῖσ οἰκοδομοῦσι προσέταττον ἀφίστασθαι τῶν ἔργων τὴν ταχίστην. ἀπορουμένων δὲ τῶν Ἀθηναίων ὅ,τι χρὴ πράττειν, Θεμιστοκλῆσ, ἀποδοχῆσ τότε παρ’ αὐτοῖσ τυγχάνων τῆσ μεγίστησ, συνεβούλευεν ἔχειν ἡσυχίαν·

ἐὰν γὰρ βιάζωνται, ῥᾳδίωσ τοὺσ Λακεδαιμονίουσ μετὰ τῶν Πελοποννησίων στρατεύσαντασ κωλύσειν αὐτοὺσ τειχίζειν τὴν πόλιν. ἐν ἀπορρήτοισ δὲ τῇ βουλῇ προεῖπεν, ὡσ αὐτὸσ μὲν μετά τινων ἄλλων πορεύσεται πρεσβευτὴσ εἰσ Λακεδαίμονα, διδάξων τοὺσ Λακεδαιμονίουσ περὶ τοῦ τειχισμοῦ, τοῖσ δὲ ἄρχουσι παρήγγειλεν, ὅταν ἐκ Λακεδαίμονοσ ἔλθωσι πρέσβεισ εἰσ τὰσ Ἀθήνασ, παρακατέχειν αὐτούσ, ἑώσ ἂν αὐτὸσ ἐκ τῆσ Λακεδαίμονοσ ἀνακάμψῃ, ἐν τοσούτῳ δὲ πανδημεὶ τειχίζειν τὴν πόλιν, καὶ τούτῳ τῷ τρόπῳ κρατήσειν αὐτοὺσ ἀπεφαίνετο τῆσ προθέσεωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Library, book xi, chapter 39

(디오도로스 시켈로스, Library, book xi, chapter 39)

상위

목록

SEARCH

MENU NAVIGATION