헬라어 문장 검색 - Διοδορ́Λιβραρψ́4́41́

(디오도로스 시켈로스, Library, book xi, chapter 67)

ἐπ’ ἄρχοντοσ δ’ Ἀθήνησι Λυσανίου Ῥωμαῖοι κατέστησαν ὑπάτουσ Ἄππιον Κλαύδιον καὶ Τίτον Κοί̈ντιον Καπιτώλιον. ἐπὶ δὲ τούτων Θρασύβουλοσ ὁ τῶν Συρακοσίων βασιλεὺσ ἐξέπεσεν ἐκ τῆσ ἀρχῆσ, περὶ οὗ τὰ κατὰ μέροσ ἀναγράφοντασ ἡμᾶσ ἀναγκαῖόν ἐστι βραχὺ τοῖσ χρόνοισ ἀναδραμόντασ ἀπ’ ἀρχῆσ ἅπαντα καθαρῶσ ἐκθεῖναι. Γέλων ὁ Δεινομένουσ ἀρετῇ καὶ στρατηγίᾳ πολὺ τοὺσ ἄλλουσ διενέγκασ καὶ Καρχηδονίουσ καταστρατηγήσασ ἐνίκησε παρατάξει μεγάλῃ τοὺσ βαρβάρουσ, καθότι προείρηται·

χρησάμενοσ δὲ ἐπιεικῶσ τοῖσ καταπολεμηθεῖσι καὶ καθόλου τοῖσ πλησιοχώροισ πᾶσι προσενεχθεὶσ φιλανθρώπωσ, μεγάλησ ἔτυχεν ἀποδοχῆσ παρὰ τοῖσ Σικελιώταισ. οὗτοσ μὲν οὖν ὑπὸ πάντων ἀγαπώμενοσ διὰ τὴν πρᾳότητα, διετέλεσε τὸν βίον εἰρηνικῶσ μέχρι τῆσ τελευτῆσ.

τὴν δὲ βασιλείαν διαδεξάμενοσ Ιἕρων ὁ πρεσβύτατοσ τῶν ἀδελφῶν οὐχ ὁμοίωσ ἦρχε τῶν ὑποτεταγμένων· ἦν γὰρ καὶ φιλάργυροσ καὶ βίαιοσ καὶ καθόλου τῆσ ἁπλότητοσ καὶ καλοκἀγαθίασ ἀλλοτριώτατοσ.

διὸ καὶ πλείονέσ τινεσ ἀφίστασθαι βουλόμενοι παρακατέσχον τὰσ ἰδίασ ὁρμὰσ διὰ τὴν Γέλωνοσ δόξαν καὶ τὴν εἰσ τοὺσ ἅπαντασ Σικελιώτασ εὔνοιαν. μετὰ δὲ τὴν Ιἕρωνοσ τελευτὴν παραλαβὼν τὴν ἀρχὴν Θρασύβουλοσ ὁ ἀδελφὸσ ὑπερέβαλε τῇ κακίᾳ τὸν πρὸ αὐτοῦ βασιλεύσαντα.

βίαιοσ γὰρ ὢν καὶ φονικὸσ πολλοὺσ μὲν τῶν πολιτῶν ἀνῄρει παρὰ τὸ δίκαιον, οὐκ ὀλίγουσ δὲ φυγαδεύων ἐπὶ ψευδέσι διαβολαῖσ τὰσ οὐσίασ εἰσ τὸ βασιλικὸν ἀνελάμβανε· καθόλου δὲ μισῶν καὶ μισούμενοσ ὑπὸ τῶν ἀδικουμένων, μισθοφόρων πλῆθοσ ἐξενολόγησεν, ἀντίταγμα κατασκευάζων ταῖσ πολιτικαῖσ δυνάμεσιν. ἀεὶ δὲ μᾶλλον τοῖσ πολίταισ ἀπεχθόμενοσ, καὶ πολλοὺσ μὲν ὑβρίζων, τοὺσ δὲ ἀναιρῶν, ἠνάγκασε τοὺσ ἀδικουμένουσ ἀποστῆναι.

διόπερ οἱ Συρακόσιοι προστησάμενοι τοὺσ ἡγησομένουσ ὡρ́μησαν ἐπὶ τὴν κατάλυσιν τῆσ τυραννίδοσ πανδημεί, καὶ συνταχθέντεσ ὑπὸ τῶν ἡγεμόνων ἀντείχοντο τῆσ ἐλευθερίασ. Θρασύβουλοσ δὲ ὁρῶν τὴν πόλιν ὅλην ἐπ’ αὐτὸν στρατευομένην, τὸ μὲν πρῶτον ἐπεχείρει λόγῳ καταπαύειν τὴν στάσιν·

ὡσ δ’ ἑώρα τὴν ὁρμὴν τῶν Συρακοσίων ἀκατάπαυστον οὖσαν, συνήγαγεν ἔκ τε τῆσ Κατάνησ τοὺσ κατοικισθέντασ ὑφ’ Ιἕρωνοσ καὶ τοὺσ ἄλλουσ συμμάχουσ, ἔτι δὲ μισθοφόρων πλῆθοσ, ὥστε τοὺσ ἅπαντασ γενέσθαι σχεδὸν περὶ τοὺσ μυρίουσ πεντακισχιλίουσ. οὗτοσ μὲν οὖν τῆσ πόλεωσ κατειληφὼσ τὴν ὀνομαζομένην Ἀχραδινὴν καὶ τὴν Νῆσον ὀχυρὰν οὖσαν, καὶ ἐκ τούτων ὁρμώμενοσ, διεπολέμει πρὸσ τοὺσ ἀφεστῶτασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diodorus Siculus, Library, book xi, chapter 67

(디오도로스 시켈로스, Library, book xi, chapter 67)

상위

목록

SEARCH

MENU NAVIGATION