헬라어 문장 검색 - Παυσαν́Δεσξριπ́2́36́

(파우사니아스, Description of Greece, Κορινθιακά, chapter 36)

κατὰ δὲ τὴν ἐπὶ Μάσητα εὐθεῖαν προελθοῦσιν ἑπτά που σταδίουσ καὶ ἐσ ἀριστερὰν ἐκτραπεῖσιν, ἐσ Ἁλίκην ἐστὶν ὁδόσ. ἡ δὲ Ἁλίκη τὰ μὲν ἐφ’ ἡμῶν ἐστιν ἔρημοσ, ᾠκεῖτο δὲ καὶ αὕτη ποτέ, καὶ Ἁλικῶν λόγοσ ἐν στήλαισ ἐστὶ ταῖσ Ἐπιδαυρίων αἳ τοῦ Ἀσκληπιοῦ τὰ ἰάματα ἐγγεγραμμένα ἔχουσιν· ἄλλο δὲ σύγγραμμα οὐδὲν οἶδα ἀξιόχρεων, ἔνθα ἢ πόλεωσ Ἁλίκησ ἢ ἀνδρῶν ἐστιν Ἁλικῶν μνήμη. ἔστι δ’ οὖν ὁδὸσ καὶ ἐσ ταύτην, τοῦ τε Πρωνὸσ μέση καὶ ὄρουσ ἑτέρου Θόρνακοσ καλουμένου τὸ ἀρχαῖον· ἀπὸ δὲ τῆσ Διὸσ ἐσ κόκκυγα τὸν ὄρνιθα ἀλλαγῆσ λεγομένησ ἐνταῦθα γενέσθαι μετονομασθῆναι τὸ ὄροσ φασίν. ἱερὰ δὲ καὶ ἐσ τόδε ἐπὶ ἄκρων τῶν ὀρῶν, ἐπὶ μὲν τῷ Κοκκυγίῳ Διόσ, ἐν δὲ τῷ Πρωνί ἐστιν Ἥρασ·

καὶ τοῦ γε Κοκκυγίου πρὸσ τοῖσ πέρασι ναόσ ἐστι, θύραι δὲ οὐκ ἐφεστήκασιν οὐδὲ ὄροφον εἶχεν οὐδέ οἵ τι ἐνῆν ἄγαλμα· εἶναι δὲ ἐλέγετο ὁ ναὸσ Ἀπόλλωνοσ. παρὰ δὲ αὐτὸν ὁδόσ ἐστιν ἐπὶ Μάσητα τοῖσ ἐκτραπεῖσιν ἐκ τῆσ εὐθείασ. Μάσητι δὲ οὔσῃ πόλει τὸ ἀρχαῖον, καθὰ καὶ Ὅμηροσ ἐν Ἀργείων καταλόγῳ πεποίηκεν, ἐπινείῳ καθ’ ἡμᾶσ ἐχρῶντο Ἑρμιονεῖσ. ἀπὸ Μάσητοσ δὲ ὁδὸσ ἐν δεξιᾷ ἐστιν ἐπὶ ἄκραν καλουμένην Στρουθοῦντα.

στάδιοι δὲ ἀπὸ τῆσ ἄκρασ ταύτησ κατὰ τῶν ὀρῶν τὰσ κορυφὰσ πεντήκοντά εἰσι καὶ διακόσιοι ἐσ Φιλανόριόν τε καλούμενον καὶ ἐπὶ Βολεούσ· οἱ δὲ Βολεοὶ οὗτοι λίθων εἰσὶ σωροὶ λογάδων. χωρίον δὲ ἕτερον, ὃ Διδύμουσ ὀνομάζουσι, στάδια εἴκοσιν αὐτόθεν ἀφέστηκεν·

ἐνταῦθα ἔστι μὲν ἱερὸν Ἀπόλλωνοσ, ἔστι δὲ Ποσειδῶνοσ, ἐπὶ δὲ αὐτοῖσ Δήμητροσ, ἀγάλματα δὲ ὀρθὰ λίθου λευκοῦ. τὸ δὲ ἐντεῦθέν ἐστιν Ἀργείων ἥ ποτε Ἀσιναία καλουμένη, καὶ Ἀσίνησ ἐστὶν ἐρείπια ἐπὶ θαλάσσῃ.

Λακεδαιμονίων δὲ καὶ τοῦ βασιλέωσ Νικάνδρου τοῦ Χαρίλλου τοῦ Πολυδέκτου τοῦ Εὐνόμου τοῦ Πρυτάνιδοσ τοῦ Εὐρυπῶντοσ ἐσ τὴν Ἀργολίδα ἐσβαλόντων στρατιᾷ συνεσέβαλόν σφισιν οἱ Ἀσιναῖοι, καὶ ἐδῄωσαν σὺν ἐκείνοισ τῶν Ἀργείων τὴν γῆν. ὡσ δὲ ὁ στόλοσ τῶν Λακεδαιμονίων ἀπῆλθεν οἴκαδε, στρατεύουσιν ἐπὶ τὴν Ἀσίνην οἱ Ἀργεῖοι καὶ ὁ βασιλεὺσ αὐτῶν Ἔρατοσ. καὶ χρόνον μέν τινα ἀπὸ τοῦ τείχουσ ἠμύναντο οἱ Ἀσιναῖοι καὶ ἀποκτείνουσιν ἄλλουσ τε καὶ Λυσίστρατον ἐν τοῖσ δοκιμωτάτοισ ὄντα Ἀργείων·

ἁλισκομένου δὲ τοῦ τείχουσ οὗτοι μὲν γυναῖκασ ἐσ τὰ πλοῖα ἐνθέμενοι καὶ παῖδασ ἐκλείπουσι τὴν αὑτῶν, Ἀργεῖοι δὲ ἐσ ἔδαφοσ καταβαλόντεσ τὴν Ἀσίνην καὶ τὴν γῆν προσορισάμενοι τῇ σφετέρᾳ Πυθαέωσ τε Ἀπόλλωνοσ ὑπελίποντο <τὸ> ἱερὸν ‐ καὶ νῦν ἔτι δῆλόν ἐστι ‐ καὶ τὸν Λυσίστρατον πρὸσ αὐτῷ θάπτουσιν. ἀπέχει δὲ Ἀργείων τῆσ πόλεωσ τεσσαράκοντα καὶ οὐ πλείω στάδια ἡ κατὰ Λέρναν θάλασσα.

κατιόντων δὲ ἐσ Λέρναν πρῶτον μὲν καθ’ ὁδόν ἐστιν ὁ Ἐρασῖνοσ, ἐκδίδωσι δὲ ἐσ τὸν Φρίξον, ὁ Φρίξοσ δὲ ἐσ τὴν θάλασσαν τὴν μεταξὺ Τημενίου καὶ Λέρνησ. ἀπὸ δὲ Ἐρασίνου τραπεῖσιν ἐσ ἀριστερὰ σταδίουσ ὅσον ὀκτώ, Διοσκούρων ἱερόν ἐστιν Ἀνάκτων· πεποίηται δέ σφισι κατὰ ταὐτὰ καὶ ἐν τῇ πόλει τὰ ξόανα.

ἀναστρέψασ δὲ ἐσ τὴν εὐθεῖαν τόν τε Ἐρασῖνον διαβήσῃ καὶ ἐπὶ τὸν Χείμαρρον ποταμὸν ἀφίξῃ.

πλησίον δὲ αὐτοῦ περίβολόσ ἐστι λίθων, καὶ τὸν Πλούτωνα ἁρπάσαντα ὡσ λέγεται Κόρην τὴν Δήμητροσ καταβῆναι ταύτῃ φασὶν ἐσ τὴν ὑπόγεων νομιζομένην ἀρχήν. ἡ δὲ Λέρνα ἐστίν, ὡσ καὶ τὰ πρότερα ἔχει μοι τοῦ λόγου, πρὸσ θαλάσσῃ, καὶ τελετὴν Λερναίᾳ ἄγουσιν ἐνταῦθα Δήμητρι. ἔστι δὲ ἄλσοσ ἱερὸν ἀρχόμενον μὲν ἀπὸ ὄρουσ ὃ καλοῦσι Ποντῖνον, τὸ δὲ ὄροσ ὁ Ποντῖνοσ οὐκ ἐᾷ τὸ ὕδωρ ἀπορρεῖν τὸ ἐκ τοῦ θεοῦ, ἀλλὰ ἐσ αὑτὸ καταδέχεται·

ῥεῖ δὲ καὶ ποταμὸσ ἀπ’ αὐτοῦ Ποντῖνοσ. καὶ ἐπὶ κορυφῇ τοῦ ὄρουσ ἱερόν τε Ἀθηνᾶσ Σαί̈τιδοσ, ἐρείπια ἔτι μόνα, καὶ θεμέλια οἰκίασ ἐστὶν Ἱππομέδοντοσ, ὃσ Πολυνείκει τῷ Οἰδίποδοσ τιμωρήσων ἦλθεν ἐσ Θήβασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 36

(파우사니아스, Description of Greece, Κορινθιακά, chapter 36)

상위

목록

SEARCH

MENU NAVIGATION