헬라어 문장 검색 - Παυσαν́Δεσξριπ́2́24́

(파우사니아스, Description of Greece, Κορινθιακά, chapter 24)

τὴν δὲ ἀκρόπολιν Λάρισαν μὲν καλοῦσιν ἀπὸ τῆσ Πελασγοῦ θυγατρόσ· ἀπὸ ταύτησ δὲ καὶ δύο τῶν ἐν Θεσσαλίᾳ πόλεων, ἥ τε ἐπὶ θαλάσσῃ καὶ ἡ παρὰ τὸν Πηνειόν, ὠνομάσθησαν. ἀνιόντων δὲ ἐσ τὴν ἀκρόπολιν ἔστι μὲν τῆσ Ἀκραίασ Ἥρασ τὸ ἱερόν, ἔστι δὲ καὶ ναὸσ Ἀπόλλωνοσ, ὃν Πυθαεὺσ πρῶτοσ παραγενόμενοσ ἐκ Δελφῶν λέγεται ποιῆσαι. τὸ δὲ ἄγαλμα τὸ νῦν χαλκοῦν ἐστιν ὀρθόν, Δειραδιώτησ Ἀπόλλων καλούμενοσ, ὅτι καὶ ὁ τόποσ οὗτοσ καλεῖται Δειράσ. ἡ δέ οἱ μαντικὴ ‐ μαντεύεται γὰρ ἔτι καὶ ἐσ ἡμᾶσ ‐ καθέστηκε τρόπον τοῦτον. γυνὴ μὲν προφητεύουσά ἐστιν, ἀνδρὸσ εὐνῆσ εἰργομένη· θυομένησ δὲ ἐν νυκτὶ ἀρνὸσ κατὰ μῆνα ἕκαστον, γευσαμένη δὴ τοῦ αἵματοσ ἡ γυνὴ κάτοχοσ ἐκ τοῦ θεοῦ γίνεται. τοῦ Δειραδιώτου δὲ Ἀπόλλωνοσ ἔχεται μὲν ἱερὸν Ἀθηνᾶσ Ὀξυδερκοῦσ καλουμένησ, Διομήδουσ ἀνάθημα, ὅτι οἱ μαχομένῳ ποτὲ ἐν Ἰλίῳ τὴν ἀχλὺν ἀφεῖλεν ἡ θεὸσ ἀπὸ τῶν ὀφθαλμῶν·

ἔχεται δὲ τὸ στάδιον, ἐν ᾧ τὸν ἀγῶνα τῷ Νεμείῳ Διὶ καὶ τὰ Ἡραῖα ἄγουσιν. ἐσ δὲ τὴν ἀκρόπολιν ἰοῦσίν ἐστιν ἐν ἀριστερᾷ τῆσ ὁδοῦ τῶν Αἰγύπτου παίδων καὶ ταύτῃ μνῆμα. χωρὶσ μὲν γὰρ ἀπὸ τῶν σωμάτων ἐνταῦθα αἱ κεφαλαί, χωρὶσ δὲ ἐν Λέρνῃ σώματα τὰ λοιπά· ἐν Λέρνῃ γὰρ καὶ ὁ φόνοσ ἐξειργάσθη τῶν νεανίσκων, ἀποθανόντων δὲ ἀποτέμνουσιν αἱ γυναῖκεσ τὰσ κεφαλὰσ ἀπόδειξιν πρὸσ τὸν πατέρα ὧν ἐτόλμησαν. ἐπ’ ἄκρᾳ δέ ἐστι τῇ Λαρίσῃ Διὸσ ἐπίκλησιν Λαρισαίου ναόσ, οὐκ ἔχων ὄροφον·

τὸ δὲ ἄγαλμα ξύλου πεποιημένον οὐκέτι ἑστηκὸσ ἦν ἐπὶ τῷ βάθρῳ.

καὶ Ἀθηνᾶσ δὲ ναόσ ἐστι θέασ ἄξιοσ· ἐνταῦθα ἀναθήματα κεῖται καὶ ἄλλα καὶ Ζεὺσ ξόανον, δύο μὲν ᾗ πεφύκαμεν ἔχον ὀφθαλμούσ, τρίτον δὲ ἐπὶ τοῦ μετώπου. τοῦτον τὸν Δία Πριάμῳ φασὶν εἶναι τῷ Λαομέδοντοσ πατρῷον ἐν ὑπαίθρῳ τῆσ αὐλῆσ ἱδρυμένον, καὶ ὅτε ἡλίσκετο ὑπὸ Ἑλλήνων Ἴλιον, ἐπὶ τούτου κατέφυγεν ὁ Πρίαμοσ τὸν βωμόν. ἐπεὶ δὲ τὰ λάφυρα ἐνέμοντο, λαμβάνει Σθένελοσ ὁ Καπανέωσ αὐτόν, καὶ ἀνάκειται μὲν διὰ τοῦτο ἐνταῦθα· τρεῖσ δὲ ὀφθαλμοὺσ ἔχειν ἐπὶ τῷδε ἄν τισ τεκμαίροιτο αὐτόν.

Δία γὰρ ἐν οὐρανῷ βασιλεύειν, οὗτοσ μὲν λόγοσ κοινὸσ πάντων ἐστὶν ἀνθρώπων. ὃν δὲ ἄρχειν φασὶν ὑπὸ γῆσ, ἔστιν ἔποσ τῶν Ὁμήρου Δία ὀνομάζον καὶ τοῦτον· Ζεύσ τε καταχθόνιοσ καὶ ἐπαινὴ Περσεφόνεια. Αἰσχύλοσ δὲ ὁ Εὐφορίωνοσ καλεῖ Δία καὶ τὸν ἐν θαλάσσῃ. τρισὶν οὖν ὁρῶντα ἐποίησεν ὀφθαλμοῖσ ὅστισ δὴ ἦν ὁ ποιήσασ, ἅτε ἐν ταῖσ τρισὶ ταῖσ λεγομέναισ λήξεσιν ἄρχοντα τὸν αὐτὸν τοῦτον θεόν. ὁδοὶ δὲ ἐξ Ἄργουσ καὶ κατ’ ἄλλα εἰσὶ τῆσ Πελοποννήσου καὶ πρὸσ Ἀρκαδίασ ἐπὶ Τεγέαν.

ἐν δεξιᾷ δὲ ὄροσ ἐστὶν ἡ Λυκώνη, δένδρα κυπαρίσσου μάλιστα ἔχουσα. ᾠκοδόμηται δὲ ἐπὶ κορυφῇ τοῦ ὄρουσ Ἀρτέμιδοσ Ὀρθίασ ἱερόν, καὶ ἀγάλματα Ἀπόλλωνοσ καὶ Λητοῦσ καὶ Ἀρτέμιδοσ πεποίηται λευκοῦ λίθου· Πολυκλείτου δέ φασιν εἶναι ἔργα. καταβάντων δὲ ἐκ τοῦ ὄρουσ αὖθίσ ἐστιν ἐν ἀριστερᾷ τῆσ λεωφόρου ναὸσ Ἀρτέμιδοσ. ὀλίγον δὲ ἀπωτέρω ἐν δεξιᾷ τῆσ ὁδοῦ Χάον ἐστὶν ὄροσ ὀνομαζόμενον, ὑπὸ δὲ αὐτῷ δένδρα πέφυκεν ἥμερα καὶ ἄνεισι τοῦ Ἐρασίνου φανερὸν ἐνταῦθα δὴ τὸ ὕδωρ·

τέωσ δὲ ἐκ Στυμφάλου ῥεῖ τῆσ Ἀρκάδων ὥσπερ ἐξ Εὐρίπου κατὰ Ἐλευσῖνα καὶ τὴν ταύτῃ θάλασσαν οἱ Ῥειτοί. πρὸσ δὲ τοῦ Ἐρασίνου ταῖσ κατὰ τὸ ὄροσ ἐκβολαῖσ Διονύσῳ καὶ Πανὶ θύουσι, τῷ Διονύσῳ δὲ καὶ ἑορτὴν ἄγουσι καλουμένην Τύρβην. ἐπανελθοῦσι δὲ ἐσ τὴν ἐπὶ Τεγέασ ὁδόν ἐστιν ἐν δεξιᾷ τοῦ ὀνομαζομένου Τρόχου Κεγχρεαί.

τὸ δὲ ὄνομα ἐφ’ ὅτῳ τῷ χωρίῳ γέγονεν, οὐ λέγουσι, πλὴν εἰ μὴ καὶ τοῦτο ἄρα ὠνομάσθη διὰ τὸν Πειρήνησ παῖδα Κεγχρίαν. καὶ πολυάνδρια ἐνταῦθά ἐστιν Ἀργείων νικησάντων μάχῃ Λακεδαιμονίουσ περὶ Ὑσιάσ. τὸν δὲ ἀγῶνα τοῦτον συμβάντα εὑρ́ισκον Ἀθηναίοισ ἄρχοντοσ Πεισιστράτου, τετάρτῳ δὲ ἔτει τῆσ <ἑβδόμησ καὶ εἰκοστῆσ> Ὀλυμπιάδοσ ἣν Εὐρύβοτοσ Ἀθηναῖοσ ἐνίκα στάδιον. καταβάντοσ δὲ ἐσ τὸ χθαμαλώτερον ἐρείπια Ὑσιῶν ἐστι πόλεώσ ποτε ἐν τῇ Ἀργολίδι, καὶ τὸ πταῖσμα Λακεδαιμονίοισ ἐνταῦθα γενέσθαι λέγουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 24

(파우사니아스, Description of Greece, Κορινθιακά, chapter 24)

상위

목록

SEARCH

MENU NAVIGATION