헬라어 문장 검색 - Παυσαν́Δεσξριπ́2́23́

(파우사니아스, Description of Greece, Κορινθιακά, chapter 23)

ἐντεῦθεν ἐρχομένοισ ὁδὸν καλουμένην <Κοίλην> ναόσ ἐστιν ἐν δεξιᾷ Διονύσου· τὸ δὲ ἄγαλμα εἶναι λέγουσιν ἐξ Εὐβοίασ. συμβάσησ γὰρ τοῖσ Ἕλλησιν, ὡσ ἐκομίζοντο ἐξ Ἰλίου, τῆσ πρὸσ τῷ Καφηρεῖ ναυαγίασ, τοὺσ δυνηθέντασ ἐσ τὴν γῆν διαφυγεῖν τῶν Ἀργείων ῥῖγόσ τε πιέζει καὶ λιμόσ. εὐξαμένοισ δὲ θεῶν τινα ἐν τοῖσ παροῦσιν ἀπόροισ γενέσθαι σωτῆρα, αὐτίκα ὡσ προῄεσαν ἐφάνη σφίσι Διονύσου σπήλαιον, καὶ ἄγαλμα ἦν ἐν τῷ σπηλαίῳ τοῦ θεοῦ· τότε δὲ αἶγεσ ἄγριαι φεύγουσαι τὸν χειμῶνα ἐσ αὐτὸ ἦσαν ἠθροισμέναι. ταύτασ οἱ Ἀργεῖοι σφάξαντεσ τά τε κρέα ἐδείπνησαν καὶ δέρμασιν ἐχρήσαντο ἀντὶ ἐσθῆτοσ. οἴκαδε ἐκομίζοντο, ἐπάγονται τὸ ἐκ τοῦ σπηλαίου ξόανον·

καὶ διατελοῦσιν ἐσ τόδε τιμῶντεσ ἔτι.

τοῦ Διονύσου δὲ ἐγγυτάτω οἰκίαν ὄψει τὴν Ἀδράστου καὶ ἀπωτέρω ταύτησ ἱερὸν Ἀμφιαράου καὶ τοῦ ἱεροῦ πέραν Ἐριφύλησ μνῆμα. ἑξῆσ δὲ τούτων ἐστὶν Ἀσκληπιοῦ τέμενοσ καὶ μετὰ ταῦτα ἱερὸν Βάτωνοσ. ἦν δὲ ὁ Βάτων γένουσ Ἀμφιαράῳ τοῦ αὐτοῦ τῶν Μελαμποδιδῶν καὶ ἐσ μάχην ἐξιόντι ἡνιόχει τοὺσ ἵππουσ· γενομένησ δὲ τῆσ τροπῆσ ἀπὸ τοῦ Θηβαίων τείχουσ χάσμα γῆσ Ἀμφιάραον καὶ τὸ ἁρ́μα ὑποδεξάμενον ἠφάνισεν ὁμοῦ καὶ τοῦτον τὸν Βάτωνα. ἐπανιόντι δὲ ἐκ τῆσ Κοίλησ Ὑρνηθοῦσ τάφον λέγουσιν εἶναι.

εἰ μὲν δὴ κενὸν καὶ ἄλλωσ ἐσ μνήμην τῆσ γυναικόσ, εἰκότα λέγουσιν· εἰ δὲ τῆσ Ὑρνηθοῦσ κεῖσθαι τὸν νεκρὸν νομίζουσιν ἐνταῦθα, ἐγὼ μέν σφισιν οὐ πείθομαι, πειθέσθω δὲ ὅστισ τὰ Ἐπιδαυρίων οὐ πέπυσται. τὸ δ’ ἐπιφανέστατον Ἀργείοισ τῶν Ἀσκληπιείων ἄγαλμα ἐφ’ ἡμῶν ἔχει καθήμενον Ἀσκληπιὸν λίθου λευκοῦ, καὶ παρ’ αὐτὸν ἕστηκεν Ὑγεία·

κάθηνται δὲ καὶ οἱ ποιήσαντεσ τὰ ἀγάλματα Ξενόφιλοσ καὶ Στράτων. ἐξ ἀρχῆσ δὲ ἱδρύσατο Σφῦροσ τὸ ἱερόν, Μαχάονοσ μὲν υἱόσ, ἀδελφὸσ δὲ Ἀλεξάνοροσ τοῦ παρὰ Σικυωνίοισ ἐν Τιτάνῃ τιμὰσ ἔχοντοσ. τῆσ δὲ Ἀρτέμιδοσ τῆσ Φεραίασ ‐ σέβουσι γὰρ καὶ Ἀργεῖοι Φεραίαν Ἄρτεμιν κατὰ ταὐτὰ Ἀθηναίοισ καὶ Σικυωνίοισ ‐ τὸ ἄγαλμα καὶ οὗτοί φασιν ἐκ Φερῶν τῶν ἐν Θεσσαλίᾳ κομισθῆναι.

τάδε δὲ αὐτοῖσ οὐχ ὁμολογῶ· λέγουσι γὰρ Ἀργεῖοι Δηιανείρασ ἐν Ἄργει μνῆμα εἶναι τῆσ Οἰνέωσ τό τε Ἑλένου τοῦ Πριάμου, καὶ ἄγαλμα κεῖσθαι παρὰ σφίσιν Ἀθηνᾶσ τὸ ἐκκομισθὲν ἐξ Ἰλίου καὶ ἁλῶναι ποιῆσαν Ἴλιον. τὸ μὲν δὴ Παλλάδιον ‐ καλεῖται γὰρ οὕτω ‐ δῆλόν ἐστιν ἐσ Ἰταλίαν κομισθὲν ὑπὸ Αἰνείου·

Δηιανείρᾳ δὲ τὴν τελευτὴν περὶ Τραχῖνα ἴσμεν καὶ οὐκ ἐν Ἄργει γενομένην, καὶ ἔστιν ὁ τάφοσ αὐτῇ πλησίον Ἡρακλείασ τῆσ ὑπὸ τῇ Οἴτῃ. τὰ δὲ ἐσ Ἕλενον τὸν Πριάμου δεδήλωκεν ὁ λόγοσ ἤδη μοι, μετὰ Πύρρου τοῦ Ἀχιλλέωσ αὐτὸν ἐλθεῖν ἐσ Ἤπειρον καὶ ἐπιτροπεῦσαί τε τοὺσ Πύρρου παῖδασ συνοικοῦντα Ἀνδρομάχῃ καὶ τὴν Κεστρίνην καλουμένην ἀπὸ Κεστρίνου τοῦ Ἑλένου λαβεῖν τὸ ὄνομα.

οὐ μὴν οὐδὲ αὐτῶν λέληθεν Ἀργείων τοὺσ ἐξηγητὰσ ὅτι μὴ πάντα ἐπ’ ἀληθείᾳ λέγεταί σφισι, λέγουσι δὲ ὅμωσ· οὐ γάρ τι ἕτοιμον μεταπεῖσαι τοὺσ πολλοὺσ ἐναντία ὧν δοξάζουσιν. ἄλλα δέ ἐστιν Ἀργείοισ θέασ ἄξια·

κατάγαιον οἰκοδόμημα, ἐπ’ αὐτῷ δὲ ἦν ὁ χαλκοῦσ θάλαμοσ, ὃν Ἀκρίσιόσ ποτε ἐπὶ φρουρᾷ τῆσ θυγατρὸσ ἐποίησε· Περίλαοσ δὲ καθεῖλεν αὐτὸν τυραννήσασ. τοῦτό τε οὖν τὸ οἰκοδόμημά ἐστι καὶ Κροτώπου μνῆμα καὶ Διονύσου ναὸσ Κρησίου. Περσεῖ γὰρ πολεμήσαντα αὐτὸν καὶ αὖθισ ἐλθόντα ἐσ λύσιν τοῦ ἔχθουσ τά τε ἄλλα τιμηθῆναι μεγάλωσ λέγουσιν ὑπὸ Ἀργείων καὶ τέμενόσ οἱ δοθῆναι τοῦτο ἐξαίρετον· Κρησίου δὲ ὕστερον ὠνομάσθη, διότι Ἀριάδνην ἀποθανοῦσαν ἔθαψεν ἐνταῦθα.

Λυκέασ δὲ λέγει κατασκευαζομένου δεύτερον τοῦ ναοῦ κεραμέαν εὑρεθῆναι σορόν, εἶναι δὲ Ἀριάδνησ αὐτήν· καὶ αὐτόσ τε καὶ ἄλλουσ Ἀργείων ἰδεῖν ἔφη τὴν σορόν.

πλησίον δὲ τοῦ Διονύσου καὶ Ἀφροδίτησ ναόσ ἐστιν Οὐρανίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 23

(파우사니아스, Description of Greece, Κορινθιακά, chapter 23)

상위

목록

SEARCH

MENU NAVIGATION