헬라어 문장 검색 - Παυσαν́Δεσξριπ́2́04́

(파우사니아스, Description of Greece, Κορινθιακά, chapter 4)

τάδε μὲν οὕτωσ ἔχοντα ἐπελεξάμην, τοῦ μνήματοσ δέ ἐστιν οὐ πόρρω Χαλινίτιδοσ Ἀθηνᾶσ ἱερόν· Ἀθηνᾶν γὰρ θεῶν μάλιστα συγκατεργάσασθαι τά τε ἄλλα Βελλεροφόντῃ φασὶ καὶ ὡσ τὸν Πήγασόν οἱ παραδοίη χειρωσαμένη τε καὶ ἐνθεῖσα αὐτὴ τῷ ἵππῳ χαλινόν. τὸ δὲ ἄγαλμα τοῦτο ξόανόν ἐστι, πρόσωπον δὲ καὶ χεῖρεσ καὶ ἀκρόποδεσ εἰσὶ λευκοῦ λίθου. Βελλεροφόντην δὲ οὐκ αὐτοκράτορα ὄντα βασιλεύειν, εἶναι δὲ ἐπὶ Προίτῳ καὶ Ἀργείοισ ἐγώ τε πείθομαι καὶ ὅστισ τὰ Ὁμήρου μὴ πάρεργον ἐπελέξατο.

φαίνονται δὲ καὶ Βελλεροφόντου μετοικήσαντοσ ἐσ Λυκίαν οὐδὲν ἧσσον οἱ Κορίνθιοι τῶν ἐν Ἄργει δυναστῶν ἢ Μυκήναισ ὑπακούοντεσ· ἰδίᾳ τε οὐδένα παρέσχοντο ἄρχοντα τῆσ ἐπὶ Τροίαν στρατιᾶσ, συντεταγμένοι δὲ Μυκηναίοισ καὶ ὅσων ἄλλων Ἀγαμέμνων ἡγεῖτο μετέσχον τοῦ στόλου.

Σισύφῳ δὲ οὔτι Γλαῦκοσ μόνον ὁ Βελλεροφόντου πατὴρ ἀλλὰ καὶ ἕτεροσ υἱὸσ ἐγένετο Ὀρνυτίων, ἐπὶ δὲ αὐτῷ Θέρσανδρόσ τε καὶ Ἄλμοσ.

Ὀρνυτίωνοσ δὲ ἦν Φῶκοσ, Ποσειδῶνοσ δὲ ἐπίκλησιν. καὶ ὁ μὲν ἀπῴκησεν ἐσ Τιθορέαν τῆσ νῦν καλουμένησ Φωκίδοσ, Θόασ δὲ Ὀρνυτίωνοσ υἱὸσ νεώτεροσ κατέμεινεν ἐν τῇ Κορίνθῳ. Θόαντοσ δὲ Δαμοφῶν, Δαμοφῶντοσ δὲ ἦν Προπόδασ, Προπόδα δὲ Δωρίδασ καὶ Υἁνθίδασ. τούτων βασιλευόντων Δωριεῖσ στρατεύουσιν ἐπὶ Κόρινθον· ἡγεῖτο δὲ Ἀλήτησ Ἱππότου <τοῦ> Φύλαντοσ τοῦ Ἀντιόχου τοῦ Ἡρακλέουσ. Δωρίδασ μὲν οὖν καὶ Υἁνθίδασ παραδόντεσ τὴν βασιλείαν Ἀλήτῃ καταμένουσιν αὐτοῦ, τῶν δὲ Κορινθίων ὁ δῆμοσ ἐξέπεσεν ὑπὸ Δωριέων κρατηθεὶσ μάχῃ. Ἀλήτησ δὲ αὐτόσ τε καὶ οἱ ἀπόγονοι βασιλεύουσιν ἐσ μὲν Βάκχιν τὸν Προύμνιδοσ ἐπὶ γενεὰσ πέντε, ἀπὸ τούτου δὲ οἱ Βακχίδαι καλούμενοι πέντε ἄλλασ γενεὰσ ἐσ Τελέστην τὸν Ἀριστοδήμου.

καὶ Τελέστην μὲν κατὰ ἔχθοσ Ἀριεὺσ καὶ Περάντασ κτείνουσι, βασιλεὺσ δὲ οὐδεὶσ ἔτι ἐγένετο, πρυτάνεισ δὲ ἐκ Βακχιδῶν ἐνιαυτὸν ἄρχοντεσ, ἐσ ὃ Κύψελοσ τυραννήσασ ὁ Ηἐτίωνοσ ἐξέβαλε τοὺσ Βακχίδασ· ἀπόγονοσ δὲ ἦν ὁ Κύψελοσ Μέλανοσ τοῦ Ἀντάσου. Γονούσσησ τῆσ ὑπὲρ Σικυῶνοσ στρατεύοντα σὺν Δωριεῦσιν ἐπὶ Κόρινθον Ἀλήτησ τὸ μὲν παραυτίκα ἀπειπόντοσ τοῦ θεοῦ παρ’ ἄλλουσ τῶν Ἑλλήνων ἐκέλευσεν ἀποχωρεῖν, ὕστερον δὲ ἁμαρτὼν τοῦ χρησμοῦ δέχεται σύνοικον.

τοιαῦτα μὲν ἐσ τοὺσ Κορινθίων βασιλέασ συμβάντα εὑρ́ισκον·

τὸ δὲ ἱερὸν τῆσ Ἀθηνᾶσ τῆσ Χαλινίτιδοσ πρὸσ τῷ θεάτρῳ σφίσιν ἐστὶν καὶ πλησίον ξόανον γυμνὸν Ἡρακλέουσ, Δαιδάλου δὲ αὐτό φασιν εἶναι τέχνην.

Δαίδαλοσ δὲ ὁπόσα εἰργάσατο, ἀτοπώτερα μέν ἐστιν ἐσ τὴν ὄψιν, ἐπιπρέπει δὲ ὅμωσ τι καὶ ἔνθεον τούτοισ. ὑπὲρ δὲ τὸ θέατρόν ἐστιν ἱερὸν Διὸσ Καπετωλίου φωνῇ τῇ Ῥωμαίων· κατὰ Ἑλλάδα δὲ γλῶσσαν Κορυφαῖοσ ὀνομάζοιτο ἄν. τοῦ θεάτρου δέ ἐστι τοῦδε <οὐ> πόρρω γυμνάσιον τὸ ἀρχαῖον καὶ πηγὴ καλουμένη Λέρνα· κίονεσ δὲ ἑστήκασι περὶ αὐτὴν καὶ καθέδραι πεποίηνται τοὺσ ἐσελθόντασ ἀναψύχειν ὡρ́ᾳ θέρουσ. πρὸσ τούτῳ τῷ γυμνασίῳ ναοὶ θεῶν εἰσιν ὁ μὲν Διόσ, ὁ δὲ Ἀσκληπιοῦ· τὰ δὲ ἀγάλματα Ἀσκληπιὸσ μὲν καὶ Ὑγεία λευκοῦ λίθου, τὸ δὲ τοῦ Διὸσ χαλκοῦν ἐστιν. ἀνιοῦσι δὲ ἐσ τὸν Ἀκροκόρινθον ‐ ἡ δέ ἐστιν ὄρουσ ὑπὲρ τὴν πόλιν κορυφή, Βριάρεω μὲν Ἡλίῳ δόντοσ αὐτὴν ὅτε ἐδίκαζεν, Ἡλίου δὲ ὡσ οἱ Κορίνθιοί φασιν Ἀφροδίτῃ παρέντοσ ‐ ἐσ δὴ τὸν Ἀκροκόρινθον τοῦτον ἀνιοῦσίν ἐστιν Ἴσιδοσ τεμένη, ὧν τὴν μὲν Πελαγίαν, τὴν δὲ Αἰγυπτίαν αὐτῶν ἐπονομάζουσιν, καὶ δύο Σαράπιδοσ, ἐν Κανώβῳ καλουμένου τὸ ἕτερον.

μετὰ δὲ αὐτὰ Ἡλίῳ πεποίηνται βωμοί, καὶ Ἀνάγκησ καὶ Βίασ ἐστὶν ἱερόν· ἐσιέναι δὲ ἐσ αὐτὸ οὐ νομίζουσιν.

ὑπὲρ τοῦτο Μητρὸσ θεῶν ναόσ ἐστι καὶ στήλη καὶ θρόνοσ·

λίθων καὶ αὐτὴ καὶ ὁ θρόνοσ. ὁ δὲ τῶν Μοιρῶν καὶ <ὁ> Δήμητροσ καὶ Κόρησ οὐ φανερὰ ἔχουσι τὰ ἀγάλματα. ταύτῃ καὶ τὸ τῆσ Βουναίασ ἐστὶν Ἥρασ ἱερὸν ἱδρυσαμένου Βούνου τοῦ Ἑρμοῦ· καὶ δι’ αὐτὸ ἡ θεὸσ καλεῖται Βουναία.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 4

(파우사니아스, Description of Greece, Κορινθιακά, chapter 4)

상위

목록

SEARCH

MENU NAVIGATION