헬라어 문장 검색 - Παυσαν́Δεσξριπ́2́29́

(파우사니아스, Description of Greece, Κορινθιακά, chapter 29)

αὐτὴ δὲ τῶν Ἐπιδαυρίων ἡ πόλισ παρείχετο ἐσ μνήμην τάδε ἀξιολογώτατα· τέμενοσ δή ἐστιν Ἀσκληπιοῦ καὶ ἀγάλματα ὁ θεὸσ αὐτὸσ καὶ Ἠπιόνη, γυναῖκα δὲ εἶναι τὴν Ἠπιόνην Ἀσκληπιοῦ φασι· ταῦτά ἐστιν ἐν ὑπαίθρῳ λίθου Παρίου. ναοὶ δὲ ἐν τῇ πόλει καὶ Διονύσου καὶ Ἀρτέμιδόσ ἐστιν ἄλσοσ· εἰκάσαισ ἂν θηρευούσῃ τὴν Ἄρτεμιν. Ἀφροδίτησ τε ἱερὸν πεποίηται· τὸ δὲ πρὸσ τῷ λιμένι ἐπὶ ἄκρασ ἀνεχούσησ ἐσ θάλασσαν λέγουσιν Ἥρασ εἶναι. τὴν δὲ Ἀθηνᾶν ἐν τῇ ἀκροπόλει, ξόανον θέασ ἄξιον, Κισσαίαν ἐπονομάζουσιν. Αἰγινῆται δὲ οἰκοῦσιν ἔχοντεσ τὴν νῆσον ἀπαντικρὺ τῆσ Ἐπιδαυρίασ.

ἀνθρώπουσ δ’ οὐκ εὐθὺσ ἐξ ἀρχῆσ λέγουσιν ἐν αὐτῇ γενέσθαι· Διὸσ δὲ ἐσ ἔρημον κομίσαντοσ Αἴγιναν τὴν Ἀσωποῦ τῇ μὲν τὸ ὄνομα ἐτέθη τοῦτο ἀντὶ Οἰνώνησ, Αἰακοῦ δὲ αἰτήσαντοσ ὡσ ηὐξήθη παρὰ Διὸσ οἰκήτορασ, οὕτω οἱ τὸν Δία ἀνεῖναι τοὺσ ἀνθρώπουσ φασὶν ἐκ τῆσ γῆσ. Πηλεῖ μὲν συμβὰν καὶ Τελαμῶνι ἐπὶ φόνῳ φεύγειν τῷ Φώκου, τῶν δὲ αὖ Φώκου παίδων περὶ τὸν Παρνασσὸν οἰκησάντων ἐν τῇ νῦν καλουμένῃ Φωκίδι.

τὸ δὲ ὄνομα προϋπῆρχεν ἤδη τῇ χώρᾳ, Φώκου τοῦ Ὀρνυτίωνοσ γενεᾷ πρότερον ἐσ αὐτὴν ἐλθόντοσ.

ἐπὶ μὲν δὴ Φώκου τούτου <ἡ> περὶ Τιθορέαν τε καὶ Παρνασσὸν ἐκαλεῖτο ἡ Φωκίσ· ἐπὶ δὲ τοῦ Αἰακοῦ καὶ πᾶσιν ἐξενίκησεν, ὅσοι Μινύαισ τέ εἰσιν Ὀρχομενίοισ ὅμοροι καὶ ἐπὶ Σκάρφειαν τὴν Λοκρῶν καθήκουσι. γεγόνασι δὲ ἀπὸ μὲν Πηλέωσ οἱ ἐν Ἠπείρῳ βασιλεῖσ, Τελαμῶνοσ δὲ τῶν παίδων Αἰάντοσ μέν ἐστιν ἀφανέστερον γένοσ οἱᾶ ἰδιωτεύσαντοσ ἀνθρώπου, πλὴν ὅσον Μιλτιάδησ, ὃσ Ἀθηναίοισ ἐσ Μαραθῶνα ἡγήσατο, καὶ Κίμων ὁ Μιλτιάδου προῆλθον ἐσ δόξαν·

οἱ δὲ Τευκρίδαι βασιλεῖσ διέμειναν Κυπρίων ἄρχοντεσ ἐσ Εὐαγόραν. Φώκῳ δὲ Ἄσιοσ ὁ τὰ ἔπη ποιήσασ γενέσθαι φησὶ Πανοπέα καὶ Κρῖσον· καὶ Πανοπέωσ μὲν ἐγένετο Ἐπειὸσ ὁ τὸν ἵππον τὸν δούρειον, ὡσ Ὅμηροσ ἐποίησεν, ἐργασάμενοσ, Κρίσου δὲ ἦν ἀπόγονοσ τρίτοσ Πυλάδησ, Στροφίου τε ὢν τοῦ Κρίσου καὶ Ἀναξιβίασ ἀδελφῆσ Ἀγαμέμνονοσ. γένη μὲν τοσαῦτα τῶν καλουμένων Αἰακιδῶν, ἐξεχώρησε δὲ ἑτέρωσε ἀπ’ ἀρχῆσ. χρόνῳ δὲ ὕστερον μοῖρα Ἀργείων τῶν Ἐπίδαυρον ὁμοῦ Δηιφόντῃ κατασχόντων, διαβᾶσα ἐσ Αἴγιναν καὶ Αἰγινήταισ τοῖσ ἀρχαίοισ γενόμενοι σύνοικοι, τὰ Δωριέων ἔθη καὶ φωνὴν κατεστήσαντο ἐν τῇ νήσῳ.

προελθοῦσι δὲ Αἰγινήταισ ἐσ μέγα δυνάμεωσ, ὡσ Ἀθηναίων γενέσθαι ναυσὶν ἐπικρατεστέρουσ καὶ ἐν τῷ Μηδικῷ πολέμῳ παρασχέσθαι πλοῖα μετά γε Ἀθηναίουσ πλεῖστα, οὐ παρέμεινεν ἐσ ἅπαν ἡ εὐδαιμονία, γενόμενοι δὲ ὑπὸ Ἀθηναίων ἀνάστατοι Θυρέαν τὴν ἐν τῇ Ἀργολίδι Λακεδαιμονίων δόντων ᾤκησαν. καὶ ἀπέλαβον μὲν τὴν νῆσον, ὅτε περὶ Ἑλλήσποντον αἱ Ἀθηναίων τριήρεισ ἐλήφθησαν, πλούτου δὲ ἢ δυνάμεωσ οὐκέτι ἐξεγένετο ἐσ ἴσον προελθεῖν σφισιν.

προσπλεῦσαι δὲ Αἴγινά ἐστι νήσων τῶν Ἑλληνίδων ἀπορωτάτη·

πέτραι τε γὰρ ὕφαλοι περὶ πᾶσαν καὶ χοιράδεσ ἀνεστήκασι. μηχανήσασθαι δὲ ἐξεπίτηδεσ ταῦτα Αἰακόν φασι λῃστειῶν τῶν ἐκ θαλάσσησ φόβῳ, καὶ πολεμίοισ ἀνδράσι μὴ ἄνευ κινδύνου εἶναι. πλησίον δὲ τοῦ λιμένοσ ἐν ᾧ μάλιστα ὁρμίζονται ναόσ ἐστιν Ἀφροδίτησ, ἐν ἐπιφανεστάτῳ δὲ τῆσ πόλεωσ τὸ Αἰάκειον καλούμενον, περίβολοσ τετράγωνοσ λευκοῦ λίθου. ἐπειργασμένοι δέ εἰσι κατὰ τὴν ἔσοδον οἱ παρὰ Αἰακόν ποτε ὑπὸ τῶν Ἑλλήνων σταλέντεσ·

αἰτίαν δὲ τὴν αὐτὴν Αἰγινήταισ καὶ οἱ λοιποὶ λέγουσιν. αὐχμὸσ τὴν Ἑλλάδα ἐπὶ χρόνον ἐπίεζε καὶ οὔτε τὴν ἐκτὸσ ἰσθμοῦ χώραν οὔτε Πελοποννησίοισ ὑε͂ν ὁ θεόσ, ἐσ ὃ ἐσ Δελφοὺσ ἀπέστειλαν ἐρησομένουσ τὸ αἴτιον ὅ τι εἰή καὶ αἰτήσοντασ ἅμα λύσιν τοῦ κακοῦ. τούτοισ ἡ Πυθία εἶπε Δία ἱλάσκεσθαι, χρῆναι δέ, εἴπερ ὑπακούσει σφίσιν, Αἰακὸν τὸν ἱκετεύσαντα εἶναι. οὕτωσ Αἰακοῦ δεησομένουσ ἀποστέλλουσιν ἀφ’ ἑκάστησ πόλεωσ·

καὶ ὁ μὲν τῷ Πανελληνίῳ Διὶ θύσασ καὶ εὐξάμενοσ τὴν Ἑλλάδα γῆν ἐποίησεν ὑέσθαι, τῶν δὲ ἐλθόντων ὡσ αὐτὸν εἰκόνασ ταύτασ ἐποιήσαντο οἱ Αἰγινῆται. τοῦ περιβόλου δὲ ἐντὸσ ἐλαῖαι πεφύκασιν ἐκ παλαιοῦ καὶ βωμόσ ἐστιν οὐ πολὺ ἀνέχων ἐκ τῆσ γῆσ·

ὡσ δὲ καὶ μνῆμα οὗτοσ ὁ βωμὸσ εἰή Αἰακοῦ, λεγόμενόν ἐστιν ἐν ἀπορρήτῳ. παρὰ δὲ τὸ Αἰάκειον Φώκου τάφοσ χῶμά ἐστι περιεχόμενον κύκλῳ κρηπῖδι, ἐπίκειται δέ οἱ λίθοσ τραχύσ·

καὶ ἡνίκα Φῶκον Τελαμὼν καὶ Πηλεὺσ προηγάγοντο ἐσ ἀγῶνα πεντάθλου καὶ περιῆλθεν ἐσ Πηλέα ἀφεῖναι τὸν λίθον ‐ οὗτοσ γὰρ ἀντὶ δίσκου σφίσιν ἦν ‐ , ἑκὼν τυγχάνει τοῦ Φώκου. ταῦτα δὲ ἐχαρίζοντο τῇ μητρί· αὐτοὶ μὲν γὰρ ἐγεγόνεσαν ἐκ τῆσ Σκίρωνοσ θυγατρόσ, Φῶκοσ δὲ οὐκ ἐκ τῆσ αὐτῆσ, ἀλλ’ ἐξ ἀδελφῆσ Θέτιδοσ ἦν, εἰ δὴ τὰ ὄντα λέγουσιν Ἕλληνεσ. Πυλάδησ τέ μοι καὶ διὰ ταῦτα φαίνεται καὶ οὐκ Ὀρέστου φιλίᾳ μόνον βουλεῦσαι Νεοπτολέμῳ τὸν φόνον. τότε δὲ ὡσ τῷ δίσκῳ πληγεὶσ ἀπέθανεν ὁ Φῶκοσ, φεύγουσιν ἐπιβάντεσ νεὼσ οἱ Ἐνδηίδοσ παῖδεσ·

Τελαμὼν δὲ ὕστερα κήρυκα ἀποστέλλων ἠρνεῖτο μὴ βουλεῦσαι Φώκῳ θάνατον. Αἰακὸσ δὲ ἐσ μὲν τὴν νῆσον ἀποβαίνειν αὐτὸν οὐκ εἰά, ἑστηκότα δὲ ἐπὶ νεώσ, εἰ δὲ ἐθέλοι, χῶμα ἐν τῇ θαλάσσῃ χώσαντα ἐκέλευεν ἐντεῦθεν ἀπολογήσασθαι. οὕτωσ ἐσ τὸν Κρυπτὸν καλούμενον λιμένα ἐσπλεύσασ νύκτωρ ἐποίει χῶμα. καὶ τοῦτο μὲν ἐξεργασθὲν καὶ ἐσ ἡμᾶσ ἔτι μένει· καταγνωσθεὶσ δὲ οὐκ ἀναίτιοσ εἶναι Φώκῳ τῆσ τελευτῆσ, τὸ δεύτερον ἐσ Σαλαμῖνα ἀπέπλευσε. τοῦ λιμένοσ δὲ οὐ πόρρω τοῦ Κρυπτοῦ θέατρόν ἐστι θέασ ἄξιον, κατὰ τὸ Ἐπιδαυρίων μάλιστα μέγεθοσ καὶ ἐργασίαν τὴν λοιπήν.

σταδίου πλευρὰ μία, ἀνέχουσά τε αὐτὴ τὸ θέατρον καὶ ἀντὶ ἐρείσματοσ ἀνάλογον ἐκείνῳ χρωμένη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 29

(파우사니아스, Description of Greece, Κορινθιακά, chapter 29)

상위

목록

SEARCH

MENU NAVIGATION