호흡부호 보기
강세부호 보기
장단부호 보기
작은 Iota 보기
모든 부호 보기
τῆσ δὲ πόλεωσ αἱ Κελεαὶ πέντε που σταδίουσ μάλιστα ἀπέχουσι, καὶ τῇ Δήμητρι ἐνταῦθα δι’ ἐνιαυτοῦ τετάρτου τὴν τελετὴν καὶ οὐ κατὰ ἔτοσ ἄγουσιν. ἱεροφάντησ δὲ οὐκ ἐσ τὸν βίον πάντα ἀποδέδεικται, κατὰ δὲ ἑκάστην τελετὴν ἄλλοτέ ἐστιν ἄλλοσ σφίσιν αἱρετόσ, λαμβάνων ἢν ἐθέλῃ καὶ γυναῖκα. καὶ ταῦτα μὲν διάφορα τῶν Ἐλευσῖνι νομίζουσι, τὰ δὲ ἐσ αὐτὴν τὴν τελετὴν ἐκείνων ἐστὶν ἐσ μίμησιν· ὁμολογοῦσι δὲ καὶ αὐτοὶ μιμεῖσθαι Φλιάσιοι τὰ ἐν Ἐλευσῖνι δρώμενα. Δυσαύλην δέ φασιν ἀδελφὸν Κελεοῦ παραγενόμενόν σφισιν ἐσ τὴν χώραν καταστήσασθαι τὴν τελετήν, ἐκβληθῆναι δὲ αὐτὸν ἐξ Ἐλευσῖνοσ ὑπὸ Ιὤνοσ, ὅτε Ιὤν Ἀθηναίοισ ὁ Ξούθου πολέμαρχοσ τοῦ πρὸσ Ἐλευσινίουσ ᾑρέθη πολέμου.
τοῦτο μὲν δὴ Φλιασίοισ οὐκ ἔστιν ὅπωσ ὁμολογήσω, κρατηθέντα μάχῃ τινὰ Ἐλευσινίων φυγάδα ἀπελαθέντα οἴχεσθαι, τοῦ πολέμου τε ἐπὶ συνθήκαισ καταλυθέντοσ πρὶν ἢ διαπολεμηθῆναι καὶ ἐν Ἐλευσῖνι αὐτοῦ καταμείναντοσ Εὐμόλπου. δύναιτο δ’ ἂν κατὰ ἄλλην τινὰ ἐνταῦθα ὁ Δυσαύλησ ἀφικέσθαι πρόφασιν καὶ οὐχ ὡσ οἱ Φλιάσιοί φασιν.
οὐ μὴν οὐδὲ Κελεῷ προσήκων ἐμοὶ δοκεῖν οὐδὲ ἄλλωσ ἦν ἐν τοῖσ ἐπιφανέσιν Ἐλευσινίων· οὐ γὰρ ἄν ποτε Ὅμηροσ παρῆκεν αὐτὸν ἐν τοῖσ ἔπεσιν. ἔστι γὰρ καὶ Ὁμήρῳ πεποιημένα ἐσ Δήμητραν· ἐν δὲ αὐτοῖσ καταλέγων τοὺσ διδαχθέντασ ὑπὸ τῆσ θεοῦ τὴν τελετὴν Δυσαύλην οὐδένα οἶδεν Ἐλευσίνιον. ἔχει δὲ οὕτω τὰ ἔπη·
δεῖξεν Τριπτολέμῳ τε Διοκλεῖ τε πληξίππῳΕὐμόλπου τε βίῃ Κελεῷ θ’ ἡγήτορι λαῶνδρησμοσύνην ἱερῶν καὶ ἐπέφραδεν ὄργια πᾶσιν. οὗτοσ δ’ οὖν, ὡσ οἱ Φλιάσιοί φασιν, ὁ Δυσαύλησ κατεστήσατο ἐνταῦθα τὴν τελετὴν καὶ οὗτοσ ἦν ὁ τῷ χωρίῳ τὸ ὄνομα παραθέμενοσ Κελεάσ·
Δυσαύλου τέ ἐστιν ἐνταῦθα, ὡσ εἴρηταί μοι, μνῆμα. πρότερον δὲ ἄρα ἐπεποίητο <ὁ> Ἀράντειοσ τάφοσ· ὕστερον γὰρ κατὰ τὸν Φλιασίων λόγον καὶ οὐκ ἐπὶ τῆσ Ἄραντοσ βασιλείασ ἀφίκετο ὁ Δυσαύλησ. Φλιάσιοι γὰρ Προμηθεῖ γενέσθαι τῷ Ιἀπετοῦ κατὰ τὸν αὐτὸν χρόνον φασὶν Ἄραντα καὶ τρισὶν ἀνθρώπων γενεαῖσ Πελασγοῦ τε εἶναι πρεσβύτερον τοῦ Ἀρκάδοσ καὶ τῶν λεγομένων Ἀθήνῃσιν αὐτοχθόνων. ‐ τοῦ δὲ Ἀνακτόρου καλουμένου πρὸσ τῷ ὀρόφῳ Πέλοποσ ἁρ́μα λέγουσιν ἀνακεῖσθαι.
호흡부호 보기
강세부호 보기
장단부호 보기
작은 Iota 보기
모든 부호 보기