헬라어 문장 검색 - Παυσαν́Δεσξριπ́2́15́

(파우사니아스, Description of Greece, Κορινθιακά, chapter 15)

Φλιασίοισ μὲν δὴ τοσαῦτα λόγου μάλιστα ἦν ἄξια· ἐκ Κορίνθου δ’ ἐσ Ἄργοσ ἐρχομένῳ Κλεωναὶ πόλισ ἐστὶν οὐ μεγάλη. παῖδα δὲ εἶναι Πέλοποσ Κλεώνην λέγουσιν, οἱ δὲ τῷ παρὰ Σικυῶνα ῥέοντι Ἀσωπῷ θυγατέρα ἐπὶ ταῖσ ἄλλαισ Κλεώνην γενέσθαι· τὸ δ’ οὖν ὄνομα ἀπὸ τοῦ ἑτέρου τούτων ἐτέθη τῇ πόλει. ἐνταῦθά ἐστιν ἱερὸν Ἀθηνᾶσ, τὸ δὲ ἄγαλμα Σκύλλιδοσ τέχνη καὶ Διποίνου· μαθητὰσ δὲ εἶναι Δαιδάλου σφᾶσ, οἱ δὲ καὶ γυναῖκα <ἐκ> Γόρτυνοσ ἐθέλουσι λαβεῖν Δαίδαλον καὶ τὸν Δίποινον καὶ Σκύλλιν ἐκ τῆσ γυναικόσ οἱ ταύτησ γενέσθαι. ἐν Κλεωναῖσ δὲ τοῦτό ἐστι τὸ ἱερὸν καὶ μνῆμα Εὐρύτου καὶ Κτεάτου· θεωροὺσ γὰρ ἐξ Ἤλιδοσ ἐσ τὸν ἀγῶνα ἰόντασ τῶν Ἰσθμίων αὐτοὺσ ἐνταῦθα Ἡρακλῆσ κατετόξευσεν, ἔγκλημα ποιούμενοσ ὅτι οἱ πρὸσ Αὐγείαν πολεμοῦντι ἀντετάχθησαν.

ἐκ Κλεωνῶν δέ εἰσιν ἐσ Ἄργοσ ὁδοὶ δύο, ἡ μὲν ἀνδράσιν εὐζώνοισ καὶ ἔστιν ἐπίτομοσ, ἡ δὲ ἐπὶ τοῦ καλουμένου Τρητοῦ, στενὴ μὲν καὶ αὐτὴ περιεχόντων ὀρῶν, ὀχήμασι δέ ἐστιν ὅμωσ ἐπιτηδειοτέρα.

ἐν τούτοισ τοῖσ ὄρεσι τὸ σπήλαιον ἔτι δείκνυται τοῦ λέοντοσ, καὶ ἡ Νεμέα τὸ χωρίον ἀπέχει σταδίουσ πέντε που καὶ δέκα. ἐν δὲ αὐτῇ Νεμείου τε Διὸσ ναόσ ἐστι θέασ ἄξιοσ, πλὴν ὅσον κατερρυήκει τε ὁ ὄροφοσ καὶ ἄγαλμα οὐδὲν ἔτι ἐλείπετο· κυπαρίσσων τε ἄλσοσ ἐστὶ περὶ τὸν ναόν, καὶ τὸν Ὀφέλτην ἐνταῦθα ὑπὸ τῆσ τροφοῦ τεθέντα ἐσ τὴν πόαν διαφθαρῆναι λέγουσιν ὑπὸ τοῦ δράκοντοσ. θύουσι δὲ Ἀργεῖοι τῷ Διὶ καὶ ἐν τῇ Νεμέᾳ καὶ Νεμείου Διὸσ ἱερέα αἱροῦνται, καὶ δὴ καὶ δρόμου προτιθέασιν ἀγῶνα ἀνδράσιν ὡπλισμένοισ Νεμείων πανηγύρει τῶν χειμερινῶν.

ἐνταῦθα ἔστι μὲν Ὀφέλτου τάφοσ, περὶ δὲ αὐτὸν θριγκὸσ λίθων καὶ ἐντὸσ τοῦ περιβόλου βωμοί· ἔστι δὲ χῶμα γῆσ Λυκούργου μνῆμα τοῦ Ὀφέλτου πατρόσ. τὴν δὲ πηγὴν Ἀδράστειαν ὀνομάζουσιν εἴτε ἐπ’ ἄλλῃ τινὶ αἰτίᾳ εἴτε καὶ ἀνευρόντοσ αὐτὴν Ἀδράστου· τὸ δὲ ὄνομα λέγουσι τῇ χώρᾳ Νεμέαν δοῦναι θυγατέρα Ἀσωποῦ καὶ ταύτην. καὶ ὄροσ Ἀπέσασ ἐστὶν ὑπὲρ τὴν Νεμέαν, ἔνθα Περσέα πρῶτον Διὶ θῦσαι λέγουσιν Ἀπεσαντίῳ. ἀνελθοῦσι δὲ ἐσ τὸν Τρητὸν καὶ αὖθισ τὴν ἐσ Ἄργοσ ἰοῦσίν ἐστι Μυκηνῶν ἐρείπια ἐν ἀριστερᾷ.

καὶ ὅτι μὲν Περσεὺσ ἐγένετο Μυκηνῶν οἰκιστήσ, ἴσασιν Ἕλληνεσ· ἐγὼ δὲ αἰτίαν τε γράψω τοῦ οἰκισμοῦ καὶ δι’ ἥντινα πρόφασιν Ἀργεῖοι Μυκηναίουσ ὕστερον ἀνέστησαν.

ἐν γὰρ τῇ νῦν Ἀργολίδι ὀνομαζομένῃ τὰ μὲν ἔτι παλαιότερα οὐ μνημονεύουσιν, Ἴναχον δὲ βασιλεύοντα τόν τε ποταμὸν ἀφ’ αὑτοῦ λέγουσιν ὀνομάσαι καὶ θῦσαι τῇ Ἥρᾳ. λέγεται δὲ καὶ ὧδε λόγοσ·

Φορωνέα ἐν τῇ γῇ ταύτῃ γενέσθαι πρῶτον, Ἴναχον δὲ οὐκ ἄνδρα ἀλλὰ τὸν ποταμὸν πατέρα εἶναι Φορωνεῖ· τοῦτον δὲ Ποσειδῶνι καὶ Ἥρᾳ δικάσαι περὶ τῆσ χώρασ, σὺν δὲ αὐτῷ Κηφισόν τε καὶ Ἀστερίωνα καὶ τὸν Ἴναχον ποταμόν· κρινάντων δὲ Ἥρασ εἶναι τὴν γῆν, οὕτω σφίσιν ἀφανίσαι τὸ ὕδωρ Ποσειδῶνα. καὶ διὰ τοῦτο οὔτε Ἴναχοσ ὕδωρ οὔτε ἄλλοσ παρέχεται τῶν εἰρημένων ποταμῶν ὅτι μὴ ὕσαντοσ τοῦ θεοῦ· θέρουσ δὲ αὐᾶ́ σφισίν ἐστι τὰ ῥεύματα πλὴν τῶν ἐν Λέρνῃ. Φορωνεὺσ δὲ ὁ Ἰνάχου τοὺσ ἀνθρώπουσ συνήγαγε πρῶτον ἐσ κοινόν, σποράδασ τέωσ καὶ ἐφ’ ἑαυτῶν ἑκάστοτε οἰκοῦντασ· καὶ τὸ χωρίον ἐσ ὃ πρῶτον ἠθροίσθησαν ἄστυ ὠνομάσθη Φορωνικόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 15

(파우사니아스, Description of Greece, Κορινθιακά, chapter 15)

상위

목록

SEARCH

MENU NAVIGATION