헬라어 문장 검색 - Παυσαν́Δεσξριπ́2́16́

(파우사니아스, Description of Greece, Κορινθιακά, chapter 16)

Ἄργοσ δὲ Φορωνέωσ θυγατριδοῦσ βασιλεύσασ μετὰ Φορωνέα ὠνόμασεν ἀφ’ αὑτοῦ τὴν χώραν. Ἄργου δὲ Πείρασοσ γίνεται καὶ Φόρβασ, Φόρβαντοσ δὲ Τριόπασ, Τριόπα δὲ Ιἄσοσ καὶ Ἀγήνωρ. Ιὢ μὲν οὖν Ιἄσου θυγάτηρ, εἴτε ὡσ Ἡρόδοτοσ ἔγραψεν εἴτε καθ’ ὃ λέγουσιν Ἕλληνεσ, ἐσ Αἴγυπτον ἀφικνεῖται Κρότωποσ δὲ ὁ Ἀγήνοροσ ἔσχε μετὰ Ιἄσον τὴν ἀρχήν, Κροτώπου δὲ Σθενέλασ γίνεται, Δαναὸσ δ’ ἀπ’ Αἰγύπτου πλεύσασ ἐπὶ Γελάνορα τὸν Σθενέλα τοὺσ ἀπογόνουσ τοὺσ Ἀγήνοροσ βασιλείασ ἔπαυσεν. τὰ δὲ ἀπὸ τούτου καὶ οἱ πάντεσ ὁμοίωσ ἴσασι, θυγατέρων τῶν Δαναοῦ τὸ ἐσ τοὺσ ἀνεψιοὺσ τόλμημα καὶ ὡσ ἀποθανόντοσ Δαναοῦ τὴν ἀρχὴν Λυγκεὺσ ἔσχεν.

οἱ δὲ Ἄβαντοσ τοῦ Λυγκέωσ παῖδεσ τὴν βασιλείαν ἐνείμαντο, καὶ Ἀκρίσιοσ μὲν αὐτοῦ κατέμεινεν ἐν τῷ Ἄργει, Προῖτοσ δὲ τὸ Ἡραῖον καὶ Μιδείαν καὶ Τίρυνθα ἔσχε καὶ ὅσα πρὸσ θαλάσσῃ τῆσ Ἀργείασ·

σημεῖά τε τῆσ ἐν Τίρυνθι οἰκήσεωσ Προίτου καὶ ἐσ τόδε λείπεται. χρόνῳ δὲ ὕστερον Ἀκρίσιοσ Περσέα αὐτόν τε περιεῖναι πυνθανόμενοσ καὶ ἔργα ἀποδείκνυσθαι, ἐσ Λάρισαν ἀπεχώρησε τὴν ἐπὶ τῷ Πηνειῷ. Περσεὺσ δὲ ‐ ἰδεῖν γὰρ πάντωσ ἤθελε τὸν γονέα τῆσ μητρὸσ καὶ λόγοισ τε χρηστοῖσ καὶ ἔργοισ δεξιώσασθαι ‐ ἔρχεται παρ’ αὐτὸν ἐσ τὴν Λάρισαν· καὶ ὁ μὲν οἱᾶ ἡλικίᾳ τε ἀκμάζων καὶ τοῦ δίσκου χαίρων τῷ εὑρήματι ἐπεδείκνυτο ἐσ ἅπαντασ, Ἀκρίσιοσ δὲ λανθάνει κατὰ δαίμονα ὑποπεσὼν τοῦ δίσκου τῇ ὁρμῇ. καὶ Ἀκρισίῳ μὲν ἡ πρόρρησισ τοῦ θεοῦ τέλοσ ἔσχεν, οὐδὲ ἀπέτρεψέν οἱ τὸ χρεὼν τὰ ἐσ τὴν παῖδα καὶ τὸν θυγατριδοῦν παρευρήματα·

Περσεὺσ δὲ ὡσ ἀνέστρεψεν ἐσ Ἄργοσ ‐ ᾐσχύνετο γὰρ τοῦ φόνου τῇ φήμῃ ‐ , Μεγαπένθην τὸν Προίτου πείθει οἱ τὴν ἀρχὴν ἀντιδοῦναι, παραλαβὼν δὲ αὐτὸσ τὴν ἐκείνου Μυκήνασ κτίζει. τοῦ ξίφουσ γὰρ ἐνταῦθα ἐξέπεσεν ὁ μύκησ αὐτῷ, καὶ τὸ σημεῖον ἐσ οἰκισμὸν ἐνόμιζε συμβῆναι πόλεωσ. ἤκουσα δὲ καὶ ὡσ διψῶντι ἐπῆλθεν ἀνελέσθαι οἱ μύκητα ἐκ τῆσ γῆσ, ῥυέντοσ δὲ ὕδατοσ πιὼν καὶ ἡσθεὶσ Μυκήνασ ἔθετο τὸ ὄνομα τῷ χωρίῳ.

Ὅμηροσ δὲ ἐν Ὀδυσσείᾳ γυναικὸσ Μυκήνησ ἐν ἔπει τῷδε ἐμνήσθηΤυρώ τ’ Ἀλκμήνη τε ἐυστέφανόσ τε Μυκήνη.

ταύτην εἶναι θυγατέρα Ἰνάχου γυναῖκα δὲ Ἀρέστοροσ τὰ ἔπη λέγει, ἃ δὴ Ἕλληνεσ καλοῦσιν Ηοἴασ μεγάλασ· ἀπὸ ταύτησ οὖν γεγονέναι καὶ τὸ ὄνομα τῇ πόλει φασίν. ὃν δὲ προσποιοῦσιν Ἀκουσιλάῳ λόγον, Μυκηνέα υἱὸν εἶναι Σπάρτωνοσ, Σπάρτωνα δὲ Φορωνέωσ, οὐκ ἂν ἔγωγε ἀποδεξαίμην, διότι μηδὲ αὐτοὶ Λακεδαιμόνιοι. Λακεδαιμονίοισ γὰρ Σπάρτησ μὲν γυναικὸσ εἰκών ἐστιν ἐν Ἀμύκλαισ, Σπάρτωνα δὲ Φορωνέωσ παῖδα θαυμάζοιεν ἂν καὶ ἀρχὴν ἀκούσαντεσ. Μυκήνασ δὲ Ἀργεῖοι καθεῖλον ὑπὸ ζηλοτυπίασ.

ἡσυχαζόντων γὰρ τῶν Ἀργείων κατὰ τὴν ἐπιστρατείαν τοῦ Μήδου, Μυκηναῖοι πέμπουσιν ἐσ Θερμοπύλασ ὀγδοήκοντα ἄνδρασ, οἳ Λακεδαιμονίοισ μετέσχον τοῦ ἔργου· τοῦτο ἤνεγκεν ὄλεθρόν σφισι τὸ φιλοτίμημα παροξῦναν Ἀργείουσ. λείπεται δὲ ὅμωσ ἔτι καὶ ἄλλα τοῦ περιβόλου καὶ ἡ πύλη, λέοντεσ δὲ ἐφεστήκασιν αὐτῇ· Κυκλώπων δὲ καὶ ταῦτα ἔργα εἶναι λέγουσιν, οἳ Προίτῳ τὸ τεῖχοσ ἐποίησαν ἐν Τίρυνθι. Μυκηνῶν δὲ ἐν τοῖσ ἐρειπίοισ κρήνη τέ ἐστι καλουμένη Περσεία καὶ Ἀτρέωσ καὶ τῶν παίδων ὑπόγαια οἰκοδομήματα, ἔνθα οἱ θησαυροί σφισι τῶν χρημάτων ἦσαν.

τάφοσ δὲ ἔστι μὲν Ἀτρέωσ, εἰσὶ δὲ καὶ ὅσουσ σὺν Ἀγαμέμνονι ἐπανήκοντασ ἐξ Ἰλίου δειπνίσασ κατεφόνευσεν Αἴγισθοσ. τοῦ μὲν δὴ Κασσάνδρασ μνήματοσ ἀμφισβητοῦσι Λακεδαιμονίων οἱ περὶ Ἀμύκλασ οἰκοῦντεσ·

ἕτερον δέ ἐστιν Ἀγαμέμνονοσ, τὸ δὲ Εὐρυμέδοντοσ τοῦ ἡνιόχου, καὶ Τελεδάμου τὸ αὐτὸ καὶ Πέλοποσ ‐ τούτουσ γὰρ τεκεῖν διδύμουσ Κασσάνδραν φασί, νηπίουσ δὲ ἔτι ὄντασ ἐπικατέσφαξε τοῖσ γονεῦσιν Αἴγισθοσ ‐ <καὶ Ἠλέκτρασ>· Πυλάδῃ γὰρ συνῴκησεν Ὀρέστου δόντοσ.

Ἑλλάνικοσ δὲ καὶ τάδε ἔγραψε, Μέδοντα καὶ Στρόφιον γενέσθαι Πυλάδῃ παῖδασ ἐξ Ἠλέκτρασ. Κλυταιμνήστρα δὲ ἐτάφη καὶ Αἴγισθοσ ὀλίγον ἀπωτέρω τοῦ τείχουσ· ἐντὸσ δὲ ἀπηξιώθησαν, ἔνθα Ἀγαμέμνων τε αὐτὸσ ἔκειτο καὶ οἱ σὺν ἐκείνῳ φονευθέντεσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 16

(파우사니아스, Description of Greece, Κορινθιακά, chapter 16)

상위

목록

SEARCH

MENU NAVIGATION