헬라어 문장 검색 - Παυσαν́Δεσξριπ́2́06́

(파우사니아스, Description of Greece, Κορινθιακά, chapter 6)

Κόρακοσ δὲ ἀποθανόντοσ ἄπαιδοσ ὑπὸ τοῦτον τὸν καιρὸν Ἐπωπεὺσ ἀφικόμενοσ ἐκ Θεσσαλίασ ἔσχε τὴν ἀρχήν. ἐπὶ τούτου βασιλεύοντοσ στρατόν σφισι πολέμιον λέγουσιν ἐσ τὴν χώραν τότε ἐλθεῖν πρῶτον, τὰ πρὸ τοῦ πάντα τὸν χρόνον διατελέσασιν ἐν εἰρήνῃ. αἰτία δὲ ἥδε· Ἀντιόπησ ἐν Ἕλλησι τῆσ Νυκτέωσ ὄνομα ἦν ἐπὶ κάλλει, καί οἱ καὶ φήμη προσῆν Ἀσωποῦ θυγατέρα, ὃσ τὴν Θηβαί̈δα καὶ Πλαταιίδα ὁρίζει, καὶ οὐ Νυκτέωσ εἶναι.

ταύτην οὐκ οἶδα εἴτε γυναῖκα αἰτήσασ εἴτε θρασύτερα ἐξ ἀρχῆσ βουλευσάμενοσ Ἐπωπεὺσ ἁρπάζει·

ὡσ δὲ οἱ Θηβαῖοι σὺν ὅπλοισ ἦλθον, ἐνταῦθα τιτρώσκεται μὲν Νυκτεύσ, ἐτρώθη δὲ κρατῶν τῇ μάχῃ καὶ Ἐπωπεύσ. Νυκτέα μὲν δὴ κάμνοντα ὀπίσω κομίζουσιν ἐσ Θήβασ, καὶ ὡσ ἔμελλε τελευτᾶν, Λύκον ἀδελφὸν ὄντα παραδίδωσι Θηβαίων ἐν τῷ παρόντι ἄρχειν· Λάβδακον γὰρ τὸν Πολυδώρου τοῦ Κάδμου παῖδα ἔτι αὐτόσ τε ἐπετρόπευεν ὁ Νυκτεὺσ καὶ τότε ἀπέλιπεν ἐπιτροπεύειν ἐκείνῳ. τοῦτον οὖν τὸν Λύκον ἱκέτευσε στρατῷ μείζονι ἐπὶ τὴν Αἰγιάλειαν ἐλάσαντα τιμωρήσασθαι μὲν Ἐπωπέα, κακοῦν δὲ εἰ λάβοι καὶ αὐτὴν Ἀντιόπην. Ἐπωπεὺσ δὲ τὸ μὲν παραυτίκα ἐπινίκια ἔθυε καὶ Ἀθηνᾶσ ᾠκοδόμει ναόν, ἐπ’ ἐξειργασμένῳ δὲ εὔξατο ἐνδείξασθαι τὴν θεὸν εἴ οἱ τετελεσμένοσ ἐστὶν ὁ ναὸσ κατὰ γνώμην·

μετὰ δὲ τὴν εὐχὴν ἔλαιον λέγουσι ῥυῆναι πρὸ τοῦ ναοῦ. ὕστερον δὲ καὶ Ἐπωπέα κατέλαβεν ἀποθανεῖν ὑπὸ τοῦ τραύματοσ ἀμεληθέντοσ κατ’ ἀρχάσ, ὡσ μηδὲν ἔτι Λύκῳ δεῆσαι πολέμου· Λαμέδων γὰρ ὁ Κορώνου βασιλεύσασ μετὰ Ἐπωπέα ἐξέδωκεν Ἀντιόπην. ἡ δὲ ὡσ ἐσ Θήβασ ἤγετο τὴν ἐπ’ Ἐλευθερῶν, ἐνταῦθα καθ’ ὁδὸν τίκτει. καὶ ἐπὶ τούτῳ πεποίηκεν Ἄσιοσ ὁ Ἀμφιπτολέμου·

Ἀντιόπη δ’ ἔτεκε Ζῆθον καὶ Ἀμφίονα δῖονἈσωποῦ κούρη ποταμοῦ βαθυδινήεντοσ,Ζηνί τε κυσαμένη καὶ Ἐπωπέι ποιμένι λαῶν.

Ὅμηροσ δὲ σφᾶσ ἀνήγαγεν ἐπὶ τὸ σεμνότερον τοῦ γένουσ καὶ Θήβασ φησὶν οἰκίσαι πρώτουσ, ἀποκρίνων τὴν κάτω πόλιν ἐμοὶ δοκεῖν ἀπὸ τῆσ Καδμείασ. Λαμέδων δὲ βασιλεύσασ ἔγημεν ἐξ Ἀθηνῶν γυναῖκα Φηνὼ Κλυτίου·

καὶ ὕστερον γενομένου οἱ πολέμου πρὸσ Ἄρχανδρον καὶ Ἀρχιτέλην τοὺσ Ἀχαιοῦ συμμαχήσοντα ἐπηγάγετο Σικυῶνα ἐκ τῆσ Ἀττικῆσ, καὶ θυγατέρα τε συνῴκισεν αὐτῷ Ζευξίππην καὶ ἀπὸ τούτου βασιλεύσαντοσ ἡ γῆ Σικυωνία καὶ Σικυὼν ἀντὶ Αἰγιάλησ ἡ πόλισ ὠνομάσθη. Σικυῶνα δὲ οὐ Μαραθῶνοσ τοῦ Ἐπωπέωσ, Μητίονοσ δὲ εἶναι τοῦ Ἐρεχθέωσ φασίν. ὁμολογεῖ δέ σφισι καὶ Ἄσιοσ, ἐπεὶ Ἡσίοδόσ γε καὶ Ἴβυκοσ, ὁ μὲν ἐποίησεν ὡσ Ἐρεχθέωσ εἰή Σικυών, Ἴβυκοσ δὲ εἶναι Πέλοπόσ φησιν αὐτόν. Σικυῶνοσ δὲ γίνεται Χθονοφύλη, Χθονοφύλησ δὲ καὶ Ἑρμοῦ Πόλυβον γενέσθαι λέγουσιν·

ὕστερον δὲ αὐτὴν Φλίασ ὁ Διονύσου γαμεῖ, καί οἱ παῖσ Ἀνδροδάμασ γίνεται. Πόλυβοσ δὲ Ταλαῷ τῷ Βίαντοσ βασιλεύοντι Ἀργείων Λυσιάνασσαν τὴν θυγατέρα ἔδωκε· καὶ ὅτε Ἄδραστοσ ἔφευγεν ἐξ Ἄργουσ, παρὰ Πόλυβον ἦλθεν ἐσ Σικυῶνα καὶ ὕστερον ἀποθανόντοσ Πολύβου τὴν ἐν Σικυῶνι ἀρχὴν ἔσχεν. κηδεύσαντοσ ἐλθὼν ἐκ τῆσ Ἀττικῆσ ἐβασίλευσεν, ἀποθανόντοσ δὲ Ιἀνίσκου Φαῖστοσ τῶν Ἡρακλέουσ λεγόμενοσ παίδων καὶ οὗτοσ εἶναι.

Φαίστου δὲ κατὰ μαντείαν μετοικήσαντοσ ἐσ Κρήτην βασιλεῦσαι λέγεται Ζεύξιπποσ Ἀπόλλωνοσ υἱὸσ καὶ νύμφησ Συλλίδοσ.

μετὰ δὲ Ζεύξιππον τελευτήσαντα Ἀγαμέμνων στρατὸν ἤγαγεν ἐπὶ Σικυῶνα καὶ τὸν βασιλέα Ἱππόλυτον Ῥοπάλου παῖδα τοῦ Φαίστου· δείσασ δὲ τὸν στρατὸν ἐπιόντα Ἱππόλυτοσ συνεχώρησεν Ἀγαμέμνονοσ κατήκοοσ καὶ Μυκηναίων εἶναι. Ἱππολύτου δὲ ἦν τούτου Λακεστάδησ. Φάλκησ ταμφάλκησ δὲ ὁ Τημένου καταλαβὼν νύκτωρ Σικυῶνα σὺν Δωριεῦσι κακὸν μὲν ἅτε Ἡρακλείδην καὶ αὐτὸν ἐποίησεν οὐδέν, κοινωνὸν δὲ ἔσχε τῆσ ἀρχῆσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 6

(파우사니아스, Description of Greece, Κορινθιακά, chapter 6)

상위

목록

SEARCH

MENU NAVIGATION