헬라어 문장 검색 - Παυσαν́Δεσξριπ́2́20́

(파우사니아스, Description of Greece, Κορινθιακά, chapter 20)

παρέντι δὲ Κρεύγα τε εἰκόνα ἀνδρὸσ πύκτου <καὶ> τρόπαιον ἐπὶ Κορινθίοισ ἀνασταθέν, ἄγαλμά ἐστι καθήμενον Διὸσ Μειλιχίου, λίθου λευκοῦ, Πολυκλείτου δὲ ἔργον. ποιηθῆναι δὲ ἐπυνθανόμην αὐτὸ ἐπ’ αἰτίᾳ τοιαύτῃ. Λακεδαιμονίοισ πολεμεῖν πρὸσ Ἀργείουσ ἀρξαμένοισ οὐδεμία ἦν ἔτι ἀπαλλαγή, πρὶν ἢ Φίλιπποσ σφᾶσ ἠνάγκασεν ὁ Ἀμύντου μένειν ἐπὶ τοῖσ καθεστηκόσιν ἐξ ἀρχῆσ ὁρ́οισ τῆσ χώρασ. τὸν δὲ ἔμπροσθεν χρόνον οἱ Λακεδαιμόνιοι μηδὲν ἔξω Πελοποννήσου περιεργαζόμενοι τῆσ Ἀργείασ ἀεί τι ἀπετέμνοντο, ἢ οἱ Ἀργεῖοι τετραμμένων πρὸσ πόλεμον ἐκείνων ὑπερόριον ἐν τῷ τοιούτῳ καὶ αὐτοί σφισιν ἐνέκειντο. προηγμένου δὲ ἀμφοτέροισ ἐσ ἄκρον τοῦ μίσουσ ἔδοξεν Ἀργείοισ λογάδασ τρέφειν χιλίουσ·

ἡγεμὼν δὲ ἐτέτακτο ἐπ’ αὐτοῖσ Βρύασ Ἀργεῖοσ, ὃσ ἄλλα τε ἐσ ἄνδρασ ὕβρισε τοῦ δήμου καὶ παρθένον κομιζομένην παρὰ τὸν νυμφίον ᾔσχυνεν ἀφελόμενοσ τοὺσ ἄγοντασ.

ἐπιλαβούσησ δὲ τῆσ νυκτὸσ τυφλοῖ τὸν Βρύαντα ἡ παῖσ φυλάξασα ὑπνωμένον· φωραθεῖσα δὲ ὡσ ἐπέσχεν ἡμέρα, κατέφυγεν ἱκέτισ ἐσ τὸν δῆμον. οὐ προεμένων δὲ αὐτὴν τιμωρήσασθαι τοῖσ χιλίοισ καὶ ἀπὸ τούτου προαχθέντων ἐσ μάχην ἀμφοτέρων, κρατοῦσιν οἱ τοῦ δήμου, κρατήσαντεσ δὲ οὐδένα ὑπὸ τοῦ θυμοῦ τῶν ἐναντίων ἔλιπον. ὕστερον δὲ ἄλλα τε ἐπηγάγοντο καθάρσια ὡσ ἐπὶ αἵματι ἐμφυλίῳ καὶ ἄγαλμα ἀνέθηκαν Μειλιχίου Διόσ. πλησίον δέ εἰσιν ἐπειργασμένοι λίθῳ Κλέοβισ καὶ Βίτων αὐτοί τε ἕλκοντεσ τὴν ἅμαξαν καὶ ἐπ’ αὐτῇ ἄγοντεσ τὴν μητέρα ἐσ τὸ Ἡραῖον.

τούτων δὲ ἀπαντικρὺ Νεμείου Διόσ ἐστιν ἱερόν, ἄγαλμα ὀρθὸν χαλκοῦν, τέχνη Λυσίππου. μετὰ δὲ αὐτὸ προελθοῦσιν ἐν δεξιᾷ Φορωνέωσ τάφοσ ἐστίν· ἐναγίζουσι δὲ καὶ ἐσ ἡμᾶσ ἔτι τῷ Φορωνεῖ. πέραν δὲ τοῦ Νεμείου Διὸσ Τύχησ ἐστὶν ἐκ παλαιοτάτου ναόσ, εἰ δὴ Παλαμήδησ κύβουσ εὑρὼν ἀνέθηκεν ἐσ τοῦτον τὸν ναόν. τὸ δὲ μνῆμα τὸ πλησίον Χορείασ μαινάδοσ ὀνομάζουσι, Διονύσῳ λέγοντεσ καὶ ἄλλασ γυναῖκασ καὶ ταύτην ἐσ Ἄργοσ συστρατεύσασθαι, Περσέα δέ, ὡσ ἐκράτει τῆσ μάχησ, φονεῦσαι τῶν γυναικῶν τὰσ πολλάσ·

τὰσ μὲν οὖν λοιπὰσ θάπτουσιν ἐν κοινῷ, ταύτῃ δὲ ‐ ἀξιώματι γὰρ δὴ προεῖχεν ‐ ἰδίᾳ τὸ μνῆμα ἐποίησαν. ἀπωτέρω δὲ ὀλίγον Ὡρῶν ἱερόν ἐστιν.

ἐπανιόντι δὲ ἐκεῖθεν ἀνδριάντεσ ἑστήκασι Πολυνείκουσ τοῦ Οἰδίποδοσ καὶ ὅσοι σὺν ἐκείνῳ τῶν ἐν τέλει πρὸσ τὸ τεῖχοσ μαχόμενοι τὸ Θηβαίων ἐτελεύτησαν. τούτουσ τοὺσ ἄνδρασ ἐσ μόνων ἑπτὰ ἀριθμὸν κατήγαγεν Αἰσχύλοσ, πλειόνων ἔκ τε Ἄργουσ ἡγεμόνων καὶ Μεσσήνησ καί τινων καὶ Ἀρκάδων στρατευσαμένων. τούτων δὲ τῶν ἑπτὰ ‐ ἐπηκολουθήκασι γὰρ καὶ Ἀργεῖοι τῇ Αἰσχύλου ποιήσει ‐ πλησίον κεῖνται καὶ οἱ τὰσ Θήβασ ἑλόντεσ Αἰγιαλεὺσ Ἀδράστου καὶ Πρόμαχοσ ὁ Παρθενοπαίου τοῦ Ταλαοῦ καὶ Πολύδωροσ Ἱππομέδοντοσ καὶ Θέρσανδροσ καὶ οἱ Ἀμφιαράου παῖδεσ, Ἀλκμαίων τε καὶ Ἀμφίλοχοσ, Διομήδησ τε καὶ Σθένελοσ· παρῆν δὲ ἔτι καὶ ἐπὶ τούτων Εὐρύαλοσ Μηκιστέωσ καὶ Πολυνείκουσ Ἄδραστοσ καὶ Τιμέασ. τῶν δὲ ἀνδριάντων οὐ πόρρω δείκνυται Δαναοῦ μνῆμα καὶ Ἀργείων τάφοσ κενὸσ ὁπόσουσ ἔν τε Ἰλίῳ καὶ ὀπίσω κομιζομένουσ ἐπέλαβεν ἡ τελευτή.

καὶ Διόσ ἐστιν ἐνταῦθα ἱερὸν Σωτῆροσ καὶ παριοῦσίν ἐστιν οἴκημα· ἐνταῦθα τὸν Ἄδωνιν αἱ γυναῖκεσ Ἀργείων ὀδύρονται. ἐν δεξιᾷ δὲ τῆσ ἐσόδου τῷ Κηφισῷ πεποίηται τὸ ἱερόν· τῷ δὲ ποταμῷ τούτῳ τὸ ὕδωρ φασὶν οὐ καθάπαξ ὑπὸ τοῦ Ποσειδῶνοσ ἀφανισθῆναι, ἀλλὰ ἐνταῦθα δὴ μάλιστα, ἔνθα καὶ τὸ ἱερόν ἐστι, συνιᾶσιν ὑπὸ γῆν ῥέοντοσ. παρὰ δὲ τὸ ἱερὸν τοῦ Κηφισοῦ Μεδούσησ λίθου πεποιημένη κεφαλή·

Κυκλώπων φασὶν εἶναι καὶ τοῦτο ἔργον. τὸ δὲ χωρίον τὸ ὄπισθεν καὶ ἐσ τόδε Κριτήριον ὀνομάζουσιν, Ὑπερμήστραν ἐνταῦθα ὑπὸ Δαναοῦ κριθῆναι λέγοντεσ. τούτου δέ ἐστιν οὐ πόρρω θέατρον·

ἐν δὲ αὐτῷ καὶ ἄλλα θέασ ἄξια καὶ ἀνὴρ φονεύων ἐστὶν ἄνδρα, Ὀθρυάδαν τὸν Σπαρτιάτην Περίλαοσ Ἀργεῖοσ ὁ Ἀλκήνοροσ· Περιλάῳ δὲ τούτῳ καὶ πρότερον ἔτι ὑπῆρχε Νεμείων ἀνῃρῆσθαι νίκην παλαίοντι. ὑπὲρ δὲ τὸ θέατρον Ἀφροδίτησ ἐστὶν ἱερόν, ἔμπροσθεν δὲ τοῦ ἕδουσ Τελέσιλλα ἡ ποιήσασα τὰ ᾄσματα ἐπείργασται στήλῃ·

καὶ βιβλία μὲν ἐκεῖνα ἔρριπταί οἱ πρὸσ τοῖσ ποσίν, αὐτὴ δὲ ἐσ κράνοσ ὁρᾷ κατέχουσα τῇ χειρὶ καὶ ἐπιτίθεσθαι τῇ κεφαλῇ μέλλουσα. ἦν δὲ ἡ Τελέσιλλα καὶ ἄλλωσ ἐν ταῖσ γυναιξὶν εὐδόκιμοσ καὶ μᾶλλον ἐτιμᾶτο ἔτι ἐπὶ τῇ ποιήσει. συμβάντοσ δὲ Ἀργείοισ ἀτυχῆσαι λόγου μειζόνωσ πρὸσ Κλεομένην τὸν Ἀναξανδρίδου καὶ Λακεδαιμονίουσ, καὶ τῶν μὲν ἐν αὐτῇ πεπτωκότων τῇ μάχῃ, ὅσοι δὲ ἐσ τὸ ἄλσοσ τοῦ Ἄργου κατέφευγον διαφθαρέντων καὶ τούτων, τὰ μὲν πρῶτα ἐξιόντων κατὰ ὁμολογίαν, ὡσ δὲ ἔγνωσαν ἀπατώμενοι συγκατακαυθέντων τῷ ἄλσει τῶν λοιπῶν, οὕτω τοὺσ Λακεδαιμονίουσ Κλεομένησ ἦγεν ἐπὶ ἔρημον ἀνδρῶν τὸ Ἄργοσ. Τελέσιλλα δὲ οἰκέτασ μὲν καὶ ὅσοι διὰ νεότητα ἢ γῆρασ ὅπλα ἀδύνατοι φέρειν ἦσαν, τούτουσ μὲν πάντασ ἀνεβίβασεν ἐπὶ τὸ τεῖχοσ, αὐτὴ δὲ ὁπόσα ἐν ταῖσ οἰκίαισ ὑπελείπετο καὶ τὰ ἐκ τῶν ἱερῶν ὅπλα ἀθροίσασα τὰσ ἀκμαζούσασ ἡλικίᾳ τῶν γυναικῶν ὥπλιζεν, ὁπλίσασα δὲ ἔτασσε κατὰ τοῦτο ᾗ τοὺσ πολεμίουσ προσιόντασ ἠπίστατο.

κατεπλάγησαν δεξάμεναί τε ἐμάχοντο ἐρρωμένωσ, ἐνταῦθα οἱ Λακεδαιμόνιοι, φρονήσαντεσ ὡσ καὶ διαφθείρασί σφισι τὰσ γυναῖκασ ἐπιφθόνωσ τὸ κατόρθωμα ἕξει καὶ σφαλεῖσι μετὰ ὀνειδῶν γενήσοιτο ἡ συμφορά, ὑπείκουσι ταῖσ γυναιξί.

πρότερον δὲ ἔτι τὸν ἀγῶνα τοῦτον προεσήμηνεν ἡ Πυθία, καὶ τὸ λόγιον εἴτε ἄλλωσ εἴτε καὶ ὡσ συνεὶσ ἐδήλωσεν Ἡρόδοτοσ·

ἀλλ’ ὅταν ἡ θήλεια τὸν ἄρρενα νικήσασαἐξελάσῃ καὶ κῦδοσ ἐν Ἀργείοισιν ἄρηται,πολλὰσ Ἀργείων ἀμφιδρυφέασ τότε θήσει. τὰ μὲν ἐσ τὸ ἔργον τῶν γυναικῶν ἔχοντα τοῦ χρησμοῦ ταῦτα ἦν·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 20

(파우사니아스, Description of Greece, Κορινθιακά, chapter 20)

상위

목록

SEARCH

MENU NAVIGATION