헬라어 문장 검색 - Παυσαν́Δεσξριπ́2́22́

(파우사니아스, Description of Greece, Κορινθιακά, chapter 22)

τῆσ δὲ Ἥρασ ὁ ναὸσ τῆσ Ἀνθείασ ἐστὶ τοῦ ἱεροῦ τῆσ Λητοῦσ ἐν δεξιᾷ καὶ πρὸ αὐτοῦ γυναικῶν τάφοσ. ἀπέθανον δὲ αἱ γυναῖκεσ ἐν μάχῃ πρὸσ Ἀργείουσ τε καὶ Περσέα, ἀπὸ νήσων τῶν ἐν Αἰγαίῳ Διονύσῳ συνεστρατευμέναι· καὶ διὰ τοῦτο Ἁλίασ αὐτὰσ ἐπονομάζουσιν. γυναικῶν Δήμητρόσ ἐστιν ἱερὸν ἐπίκλησιν Πελασγίδοσ ἀπὸ τοῦ ἱδρυσαμένου Πελασγοῦ τοῦ Τριόπα, καὶ οὐ πόρρω τοῦ ἱεροῦ τάφοσ Πελασγοῦ.

πέραν δὲ τοῦ τάφου χαλκεῖόν ἐστιν οὐ μέγα, ἀνέχει δὲ αὐτὸ ἀγάλματα ἀρχαῖα Ἀρτέμιδοσ καὶ Διὸσ καὶ Ἀθηνᾶσ.

Λυκέασ μὲν οὖν ἐν τοῖσ ἔπεσιν ἐποίησε Μηχανέωσ τὸ ἄγαλμα εἶναι Διόσ, καὶ Ἀργείων ἔφη τοὺσ ἐπὶ Ἴλιον στρατεύσαντασ ἐνταῦθα ὀμόσαι παραμενεῖν πολεμοῦντασ, ἔστ’ ἂν ἢ τὸ Ἴλιον ἕλωσιν ἢ μαχομένουσ τελευτὴ σφᾶσ ἐπιλάβῃ· ἑτέροισ δέ ἐστιν εἰρημένον ὀστᾶ ἐν τῷ χαλκείῳ κεῖσθαι Ταντάλου. τὸν μὲν δὴ Θυέστου παῖδα ἢ Βροτέου ‐ λέγεται γὰρ ἀμφότερα ‐ , ὃσ Κλυταιμνήστρᾳ πρότερον ἢ Ἀγαμέμνων συνῴκησε, τοῦτον μὲν <τὸν> Τάνταλον οὐ διοίσομαι ταφῆναι ταύτῃ·

τοῦ δὲ λεγομένου Διόσ τε εἶναι καὶ Πλουτοῦσ ἰδὼν οἶδα ἐν Σιπύλῳ τάφον θέασ ἄξιον. πρὸσ δὲ οὐδὲ ἀνάγκη συνέπεσεν ἐκ τῆσ Σιπύλου φυγεῖν αὐτόν, ὡσ Πέλοπα ἐπέλαβεν ὕστερον ἐλαύνοντοσ Ἴλου τοῦ Φρυγὸσ ἐπ’ αὐτὸν στρατείᾳ. τάδε μὲν ἐσ τοσοῦτον ἐξητάσθω·

τὰ δὲ ἐσ τὸν βόθρον τὸν πλησίον δρώμενα Νικόστρατον ἄνδρα ἐπιχώριον καταστήσασθαι λέγουσιν. ἀφιᾶσι δὲ καὶ νῦν ἔτι ἐσ τὸν βόθρον καιομένασ λαμπάδασ Κόρῃ τῇ Δήμητροσ. ἐνταῦθα Ποσειδῶνόσ ἐστιν ἱερὸν ἐπίκλησιν Προσκλυστίου·

τῆσ γὰρ χώρασ τὸν Ποσειδῶνά <φασιν> ἐπικλύσαι τὴν πολλήν, ὅτι Ἥρασ εἶναι καὶ οὐκ αὐτοῦ τὴν γῆν Ἴναχοσ καὶ οἱ συνδικάσαντεσ ἔγνωσαν. Ἥρα μὲν δὴ παρὰ Ποσειδῶνοσ εὑρ́ετο ἀπελθεῖν ὀπίσω τὴν θάλασσαν· Ἀργεῖοι δέ, ὅθεν τὸ κῦμα ἀνεχώρησεν, ἱερὸν Ποσειδῶνι ἐποίησαν Προσκλυστίῳ.

προελθόντι δὲ οὐ πολὺ τάφοσ ἐστὶν Ἄργου Διὸσ εἶναι δοκοῦντοσ καὶ τῆσ Φορωνέωσ Νιόβησ·

μετὰ δὲ ταῦτα Διοσκούρων ναόσ. ἀγάλματα δὲ αὐτοί τε καὶ οἱ παῖδέσ εἰσιν Ἄναξισ καὶ Μνασίνουσ, σὺν δέ σφισιν αἱ μητέρεσ Ἱλάειρα καὶ Φοίβη, τέχνη μὲν Διποίνου καὶ Σκύλλιδοσ, ξύλου δὲ ἐβένου· τοῖσ δ’ ἵπποισ τὰ μὲν πολλὰ ἐβένου καὶ τούτοισ, ὀλίγα δὲ καὶ ἐλέφαντοσ πεποίηται. πλησίον δὲ τῶν Ἀνάκτων Εἰληθυίασ ἐστὶν ἱερὸν ἀνάθημα Ἑλένησ, ὅτε σὺν Πειρίθῳ Θησέωσ ἀπελθόντοσ ἐσ Θεσπρωτοὺσ Ἄφιδνά τε ὑπὸ Διοσκούρων ἑάλω καὶ ἤγετο ἐσ Λακεδαίμονα Ἑλένη.

ἔχειν μὲν γὰρ αὐτὴν λέγουσιν ἐν γαστρί, τεκοῦσαν δὲ ἐν Ἄργει καὶ τῆσ Εἰληθυίασ ἱδρυσαμένην τὸ ἱερὸν τὴν μὲν παῖδα ἣν ἔτεκε Κλυταιμνήστρᾳ δοῦναι ‐ συνοικεῖν γὰρ ἤδη Κλυταιμνήστραν Ἀγαμέμνονι ‐ , αὐτὴν δὲ ὕστερον τούτων Μενελάῳ γήμασθαι. καὶ ἐπὶ τῷδε Εὐφορίων Χαλκιδεὺσ καὶ Πλευρώνιοσ Ἀλέξανδροσ ἔπη ποιήσαντεσ, πρότερον δὲ ἔτι Στησίχοροσ ὁ Ἱμεραῖοσ, κατὰ ταὐτά φασιν Ἀργείοισ Θησέωσ εἶναι θυγατέρα Ἰφιγένειαν.

τοῦ δὲ ἱεροῦ τῆσ Εἰληθυίασ πέραν ἐστὶν Ἑκάτησ ναόσ, Σκόπα δὲ τὸ ἄγαλμα ἔργον. τοῦτο μὲν λίθου· τὰ δ’ ἀπαντικρὺ χαλκᾶ, Ἑκάτησ καὶ ταῦτα ἀγάλματα, τὸ μὲν Πολύκλειτοσ ἐποίησε, τὸ δὲ ἀδελφὸσ Πολυκλείτου ΝαυκύδησΜόθωνοσ. ἐρχομένῳ δὲ ὁδὸν εὐθεῖαν ἐσ γυμνάσιον Κυλάραβιν, ἀπὸ τοῦ παιδὸσ ὀνομαζόμενον τοῦ Σθενέλου, τέθαπται δὴ Λικύμνιοσ ὁ Ἠλεκτρύωνοσ·

ἀποθανεῖν δ’ αὐτὸν Ὅμηροσ ὑπὸ Τληπτολέμου φησὶ τοῦ Ἡρακλέουσ, καὶ διὰ τὸν φόνον τοῦτον ἔφυγεν ἐξ Ἄργουσ Τληπτόλεμοσ.

ὀλίγον δὲ τῆσ ἐπὶ Κυλάραβιν καὶ τὴν ταύτῃ πύλην ἀποτραπεῖσι Σακάδα μνῆμά ἐστιν, ὃσ τὸ αὔλημα τὸ Πυθικὸν πρῶτοσ ηὔλησεν ἐν Δελφοῖσ· καὶ τὸ ἔχθοσ τὸ Ἀπόλλωνι διαμένον ἐσ τοὺσ αὐλητὰσ ἔτι ἀπὸ Μαρσύου καὶ τῆσ ἁμίλλησ τοῦ Σιληνοῦ παυθῆναι διὰ τοῦτον δοκεῖ τὸν Σακάδαν.

ἐν δὲ τῷ γυμνασίῳ τῷ Κυλαράβου καὶ Πανία ἐστὶν Ἀθηνᾶ καλουμένη καὶ τάφον Σθενέλου δεικνύουσι, τὸν δὲ αὐτοῦ Κυλαράβου. πεποίηται δὲ οὐ πόρρω τοῦ γυμνασίου πολυάνδριον τοῖσ μετὰ Ἀθηναίων πλεύσασιν Ἀργείοισ ἐπὶ καταδουλώσει Συρακουσῶν τε καὶ Σικελίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 22

(파우사니아스, Description of Greece, Κορινθιακά, chapter 22)

상위

목록

SEARCH

MENU NAVIGATION