Pausanias, Description of Greece, Κορινθιακά, chapter 38

(파우사니아스, Description of Greece, Κορινθιακά, chapter 38)

ἐκ Λέρνησ δὲ ἰοῦσιν ἐσ Τημένιον ‐ τὸ δὲ Τημένιόν ἐστιν Ἀργείων, ὠνομάσθη δὲ ἀπὸ Τημένου τοῦ Ἀριστομάχου· καταλαβὼν γὰρ καὶ ἐχυρωσάμενοσ τὸ χωρίον ἐπολέμει σὺν τοῖσ Δωριεῦσιν αὐτόθεν τὸν πρὸσ Τισαμενὸν καὶ Ἀχαιοὺσ πόλεμον ‐ ἐσ τοῦτο οὖν τὸ Τημένιον ἰοῦσιν ὅ τε Φρίξοσ ποταμὸσ ἐκδίδωσιν ἐσ θάλασσαν καὶ Ποσειδῶνοσ ἱερὸν ἐν Τημενίῳ πεποίηται καὶ Ἀφροδίτησ ἕτερον καὶ μνῆμά ἐστι Τημένου τιμὰσ ἔχον παρὰ Δωριέων τῶν ἐν Ἄργει. Τημενίου δὲ ἀπέχει Ναυπλία πεντήκοντα ἐμοὶ δοκεῖν σταδίουσ, τὰ μὲν ἐφ’ ἡμῶν ἔρημοσ, οἰκιστὴσ δὲ ἐγένετο αὐτῆσ Ναύπλιοσ Ποσειδῶνοσ λεγόμενοσ καὶ Ἀμυμώνησ εἶναι.

λείπεται δὲ καὶ τειχῶν ἔτι ἐρείπια, καὶ Ποσειδῶνοσ ἱερὸν καὶ λιμένεσ εἰσὶν ἐν Ναυπλίᾳ καὶ πηγὴ Κάναθοσ καλουμένη· λουμένην παρθένον γίνεσθαι.

οὗτοσ μὲν δή σφισιν ἐκ τελετῆσ, ἣν ἄγουσι τῇ Ἥρᾳ, λόγοσ τῶν ἀπορρήτων ἐστίν·

τὰ δὲ ὑπὸ τῶν ἐν Ναυπλίᾳ λεγόμενα ἐσ τὸν ὄνον, ὡσ ἐπιφαγὼν ἀμπέλου κλῆμα ἀφθονώτερον ἐσ τὸ μέλλον ἀπέφηνε τὸν καρπόν ‐ καὶ ὄνοσ σφίσιν ἐν πέτρᾳ πεποιημένοσ διὰ τοῦτό ἐστιν ἅτε ἀμπέλων διδάξασ τομήν ‐ , παρίημι οὐκ ἀξιόλογα ἡγούμενοσ. ἔστι δὲ ἐκ Λέρνησ καὶ ἑτέρα παρ’ αὐτὴν ὁδὸσ τὴν θάλασσαν ἐπὶ χωρίον ὃ Γενέσιον ὀνομάζουσι·

πρὸσ θαλάσσῃ δὲ τοῦ Γενεσίου Ποσειδῶνοσ ἱερόν ἐστιν οὐ μέγα. τούτου δ’ ἔχεται χωρίον ἄλλο Ἀπόβαθμοι· γῆσ δὲ ἐνταῦθα πρῶτον τῆσ Ἀργολίδοσ Δαναὸν σὺν ταῖσ παισὶν ἀποβῆναι λέγουσιν. ἐντεῦθεν διελθοῦσιν Ἀνιγραῖα καλούμενα ὁδὸν καὶ στενὴν καὶ ἄλλωσ δύσβατον, ἔστιν ἐν ἀριστερᾷ μὲν καθήκουσα ἐπὶ θάλασσαν καὶ δένδρα ‐ ἐλαίασ μάλιστα ‐ ἀγαθὴ τρέφειν γῆ, ἰόντι δὲ ἄνω πρὸσ τὴν ἤπειρον <ἀπ’> αὐτῆσ χωρίον ἐστίν, ἔνθα δὴ ἐμαχέσαντο ὑπὲρ τῆσ γῆσ ταύτησ λογάδεσ Ἀργείων τριακόσιοι πρὸσ ἄνδρασ Λακεδαιμονίων ἀριθμόν τε ἴσουσ καὶ ἐπιλέκτουσ ὁμοίωσ. ἀποθανόντων δὲ ἁπάντων πλὴν ἑνὸσ Σπαρτιάτου καὶ δυοῖν Ἀργείων, τοῖσ μὲν ἀποθανοῦσιν ἐχώσθησαν ἐνταῦθα οἱ τάφοι, τὴν χώραν δὲ οἱ Λακεδαιμόνιοι γενομένου πανδημεί σφισιν ἀγῶνοσ πρὸσ Ἀργείουσ κρατήσαντεσ βεβαίωσ αὐτοί τε παραυτίκα ἐκαρποῦντο καὶ ὕστερον Αἰγινήταισ ἔδοσαν ἐκπεσοῦσιν ὑπὸ Ἀθηναίων ἐκ τῆσ νήσου.

τὰ δὲ ἐπ’ ἐμοῦ τὴν Θυρεᾶτιν ἐνέμοντο Ἀργεῖοι· φασὶ δὲ ἀνασώσασθαι δίκῃ νικήσαντεσ. ἀπὸ δὲ τῶν πολυανδρίων ἰόντι Ἀ<ν>θήνη τέ ἐστιν, ἐσ ἣν Αἰγινῆταί ποτε ᾤκησαν, καὶ ἑτέρα κώμη Νηρίσ, τρίτη δὲ Εὐά μεγίστη τῶν κωμῶν·

καὶ ἱερὸν τοῦ Πολεμοκράτουσ ἐστὶν ἐν ταύτῃ.

ὁ δὲ Πολεμοκράτησ ἐστὶ καὶ οὗτοσ Μαχάονοσ υἱόσ, ἀδελφὸσ δὲ Ἀλεξάνοροσ, καὶ ἰᾶται τοὺσ ταύτῃ καὶ τιμὰσ παρὰ τῶν προσοίκων ἔχει. ἀνατείνει δὲ ὑπὲρ τὰσ κώμασ ὄροσ Πάρνων, καὶ Λακεδαιμονίων ἐπ’ αὐτοῦ πρὸσ Ἀργείουσ ὁρ́οι καὶ Τεγεάτασ εἰσίν·

ἑστήκασι δὲ ἐπὶ τοῖσ ὁρ́οισ Ἑρμαῖ λίθου, καὶ τοῦ χωρίου τὸ ὄνομά ἐστιν ἀπ’ αὐτῶν. ποταμὸσ δὲ καλούμενοσ Τάναοσ ‐ εἷσ γὰρ δὴ οὗτοσ ἐκ τοῦ Πάρνωνοσ κάτεισι ‐ ῥέων διὰ τῆσ Ἀργείασ καὶ ἐκδίδωσιν ἐσ τὸν Θυρεάτην κόλπον.

일치하는 문장이 없습니다.

SEARCH

MENU NAVIGATION