Pausanias, Description of Greece, Κορινθιακά, chapter 34

(파우사니아스, Description of Greece, Κορινθιακά, chapter 34)

τῆσ δὲ Τροιζηνίασ γῆσ ἐστιν ἰσθμὸσ ἐπὶ πολὺ διέχων ἐσ θάλασσαν, ἐν δὲ αὐτῷ πόλισμα οὐ μέγα ἐπὶ θαλάσσῃ Μέθανα ᾤκισται. Ἴσιδοσ δὲ ἐνταῦθα ἱερόν ἐστι καὶ ἄγαλμα ἐπὶ τῆσ ἀγορᾶσ Ἑρμοῦ, τὸ δὲ ἕτερον Ἡρακλέουσ. τοῦ δὲ πολίσματοσ τριάκοντά που στάδια ἀπέχει θερμὰ λουτρά· φασὶ δὲ Ἀντιγόνου τοῦ Δημητρίου Μακεδόνων βασιλεύοντοσ τότε πρῶτον τὸ ὕδωρ φανῆναι, φανῆναι δὲ οὐχ ὕδωρ εὐθὺσ ἀλλὰ πῦρ ἀναζέσαι πολὺ ἐκ τῆσ γῆσ, ἐπὶ δὲ τούτῳ μαρανθέντι ῥυῆναι τὸ ὕδωρ, ὃ δὴ καὶ ἐσ ἡμᾶσ ἄνεισι θερμόν τε καὶ δεινῶσ ἁλμυρόν. λουσαμένῳ δὲ ἐνταῦθα οὔτε ὕδωρ ἐστὶν ἐγγὺσ ψυχρὸν οὔτε ἐσπεσόντα ἐσ τὴν θάλασσαν ἀκινδύνωσ νήχεσθαι· θηρία γὰρ καὶ ἄλλα καὶ κύνασ παρέχεται πλείστουσ. ὃ δὲ ἐθαύμασα ἐν τοῖσ Μεθάνοισ μάλιστα, γράψω καὶ τοῦτο.

ἄνεμοσ ὁ Λὶψ βλαστανούσαισ ταῖσ ἀμπέλοισ ἐμπίπτων ἐκ τοῦ Σαρωνικοῦ κόλπου τὴν βλάστην σφῶν ἀφαυαίνει· κατιόντοσ οὖν ἔτι τοῦ πνεύματοσ ἀλεκτρυόνα τὰ πτερὰ ἔχοντα διὰ παντὸσ λευκὰ διελόντεσ ἄνδρεσ δύο ἐναντίοι περιθέουσι τὰσ ἀμπέλουσ, ἥμισυ ἑκάτεροσ τοῦ ἀλεκτρυόνοσ φέρων· ἀφικόμενοι δ’ ἐσ τὸ αὐτὸ ὅθεν ὡρμήθησαν, κατορύσσουσιν ἐνταῦθα. τοῦτο μὲν πρὸσ τὸν Λίβα σφίσιν ἐστὶν εὑρημένον·

τὰσ δὲ νησῖδασ αἳ πρόκεινται τῆσ χώρασ ἀριθμὸν ἐννέα οὔσασ Πέλοποσ μὲν καλοῦσι, τοῦ θεοῦ δὲ ὑόντοσ μίαν ἐξ αὐτῶν οὔ φασιν ὑέσθαι. τοῦτο δὲ εἰ τοιοῦτόν ἐστιν οὐκ οἶδα, ἔλεγον δὲ οἱ περὶ τὰ Μέθανα, ἐπεὶ χάλαζάν γε ἤδη θυσίαισ εἶδον καὶ ἐπῳδαῖσ ἀνθρώπουσ ἀποτρέποντασ. τὰ μὲν δὴ Μέθανα ἰσθμόσ ἐστι τῆσ Πελοποννήσου·

ἐντὸσ δὲ τοῦ ἰσθμοῦ τῆσ Τροιζηνίων ὅμορόσ ἐστιν Ἑρμιόνη. οἰκιστὴν δὲ τῆσ ἀρχαίασ πόλεωσ Ἑρμιονεῖσ γενέσθαι φασὶν Ἑρμίονα Εὔρωποσ. τὸν δὲ Εὔρωπα ‐ ἦν γὰρ δὴ Φορωνέωσ ‐ Ἡροφάνησ ὁ Τροιζήνιοσ ἔφασκεν εἶναι νόθον· οὐ γὰρ δή ποτε ἐσ Ἄργον τὸν Νιόβησ θυγατριδοῦν ὄντα Φορωνέωσ τὴν ἐν Ἄργει περιελθεῖν <ἂν> ἀρχὴν παρόντοσ Φορωνεῖ γνησίου παιδόσ. ἐγὼ δέ, εἰ καὶ γνήσιον ὄντα Εὔρωπα πρότερον τὸ χρεὼν ἢ Φορωνέα ἐπέλαβεν, εὖ οἶδα ὡσ οὐκ ἔμελλεν ὁ παῖσ αὐτῷ Νιόβησ παιδὶ ἴσα οἴσεσθαι Διόσ γε εἶναι δοκοῦντι.

ἐπῴκησαν δὲ καὶ Ἑρμιόνα ὕστερον Δωριεῖσ οἱ ἐξ Ἄργουσ· πόλεμον δὲ οὐ δοκῶ γενέσθαι σφίσιν, ἐλέγετο γὰρ ἂν ὑπὸ Ἀργείων. ἔστι δὲ ὁδὸσ ἔσ Ἑρμιόνα ἐκ Τροιζῆνοσ κατὰ τὴν πέτραν ἣ πρότερον μὲν ἐκαλεῖτο Σθενίου Διὸσ βωμόσ, μετὰ δὲ Θησέα ἀνελόμενον τὰ γνωρίσματα ὀνομάζουσιν οἱ νῦν Θησέωσ αὐτήν.

κατὰ ταύτην οὖν τὴν πέτραν ἰοῦσιν ὀρεινὴν ὁδόν, ἔστι μὲν Ἀπόλλωνοσ ἐπίκλησιν Πλατανιστίου ναόσ, ἔστι δὲ Εἰλεοὶ χωρίον, ἐν δὲ αὐτῷ Δήμητροσ καὶ Κόρησ τῆσ Δήμητροσ ἱερά· τὰ δὲ πρὸσ θάλασσαν ἐν ὁρ́οισ τῆσ Ἑρμιονίδοσ ἱερὸν Δήμητρόσ ἐστιν ἐπίκλησιν Θερμασίασ. σταδίουσ δὲ ὀγδοήκοντα ἀπέχει μάλιστα ἄκρα Σκυλλαῖον ἀπὸ τῆσ Νίσου καλουμένη θυγατρόσ.

ὡσ γὰρ δὴ τὴν Νίσαιαν ὁ Μίνωσ καὶ τὰ Μέγαρα εἷλεν ἐκείνησ προδούσησ, οὔτε γυναῖκα ἕξειν αὐτὴν ἔτι ἔφασκε καὶ προσέταξε τοῖσ Κρησὶν ἐκβάλλειν τῆσ νεώσ· ἀποθανοῦσαν δὲ ἀπέρριψεν ἐσ τὴν ἄκραν ταύτην ὁ κλύδων. τάφον δὲ οὐκ ἀποφαίνουσιν αὐτῆσ, ἀλλὰ περιοφθῆναι τὸν νεκρόν φασι διαφορηθέντα ὑπὸ τῶν ἐκ θαλάσσησ ὀρνίθων.

ἀπὸ δὲ Σκυλλαίου πλέοντι ὡσ ἐπὶ τὴν πόλιν ἄκρα τέ ἐστιν ἑτέρα Βουκέφαλα καὶ μετὰ τὴν ἄκραν νῆσοι, πρώτη μὲν Ἁλιοῦσσα ‐ παρέχεται δὲ αὕτη λιμένα ἐνορμίσασθαι ναυσὶν ἐπιτήδειον ‐ , μετὰ δὲ Πιτυοῦσσα, τρίτη δὲ ἣν Ἀριστερὰν ὀνομάζουσι.

ταύτασ δὲ παραπλεύσαντί ἐστιν αὖθισ ἄκρα Κωλυεργία ἀνέχουσα ἐκ τῆσ ἠπείρου, μετὰ δὲ αὐτὴν νῆσοσ Τρίκρανα καλουμένη καὶ ὄροσ ἐσ θάλασσαν ἀπὸ τῆσ Πελοποννήσου προβεβλημένον Βούπορθμοσ. ἐν Βουπόρθμῳ δὲ πεποίηται μὲν ἱερὸν Δήμητροσ καὶ τῆσ παιδόσ, πεποίηται δὲ Ἀθηνᾶσ· ἐπίκλησισ δέ ἐστι τῇ θεῷ Προμαχόρμα.

πρόκειται δὲ Βουπόρθμου νῆσοσ Ἀπεροπία καλουμένη, τῆσ δὲ Ἀπεροπίασ ἀφέστηκεν οὐ πολὺ ἑτέρα νῆσοσ Ὑδρέα. μετὰ ταύτην αἰγιαλόσ τε παρήκει τῆσ ἠπείρου μηνοειδὴσ καὶ ἀκτὴ μετὰ τὸν αἰγιαλὸν ἐπὶ Ποσείδιον, ἐκ θαλάσσησ μὲν ἀρχομένη τῆσ πρὸσ ἀνατολάσ, προήκουσα δὲ ὡσ ἐπὶ τὴν ἑσπέραν· ἔχει δὲ καὶ λιμένασ ἐν αὑτῇ. μῆκοσ μὲν δὴ τῆσ ἀκτῆσ ἐστιν ἑπτά που στάδια, πλάτοσ δὲ ᾗ πλατυτάτη σταδίων τριῶν οὐ πλέον. ἐνταῦθα ἡ προτέρα πόλισ τοῖσ Ἑρμιονεῦσιν ἦν.

ἔστι δέ σφισι καὶ νῦν ἔτι ἱερὰ αὐτόθι, Ποσειδῶνοσ μὲν ἐπὶ τῆσ ἀκτῆσ τῇ ἀρχῇ, προελθοῦσι δὲ ἀπὸ θαλάσσησ ἐσ τὰ μετέωρα ναὸσ Ἀθηνᾶσ, παρὰ δὲ αὐτῷ σταδίου θεμέλια· ἐν δὲ αὐτῷ τοὺσ Τυνδάρεω παῖδασ ἀγωνίσασθαι λέγουσιν. ἔστι δὲ καὶ ἕτερον οὐ μέγα τῆσ Ἀθηνᾶσ ἱερόν, ὁ δὲ ὄροφοσ κατερρύηκεν αὐτῷ.

καὶ Ἡλίῳ ναὸσ καὶ ἄλλοσ Χάρισιν, ὁ δὲ Σαράπιδι ᾠκοδόμηται καὶ Ἴσιδι· καὶ περίβολοι μεγάλων λίθων λογάδων εἰσίν, ἐντὸσ δὲ αὐτῶν ἱερὰ δρῶσιν ἀπόρρητα Δήμητρι. τοσαῦτα μὲν Ἑρμιονεῦσίν ἐστιν ἐνταῦθα·

ἡ δὲ ἐφ’ ἡμῶν πόλισ ἀπέχει μὲν τῆσ ἄκρασ, ἐφ’ ᾗ τοῦ Ποσειδῶνοσ τὸ ἱερόν, τέσσαρασ μάλιστα σταδίουσ, κειμένη δὲ ἐν ὁμαλῷ τὰ πρῶτα ἠρέμα ἐσ πρόσαντεσ ἄνεισι, τὸ δέ ἐστιν ἤδη τοῦ Πρωνόσ· Πρῶνα γὰρ τὸ ὄροσ τοῦτο ὀνομάζουσι. τεῖχοσ μὲν δὴ περὶ πᾶσαν τὴν Ἑρμιόνα ἕστηκε· τὰ δὲ ἐσ συγγραφὴν καὶ ἄλλα παρείχετο καὶ ὧν αὐτὸσ ποιήσασθαι μάλιστα ἠξίωσα μνήμην. Ἀφροδίτησ ναόσ ἐστιν ἐπίκλησιν Ποντίασ καὶ Λιμενίασ τῆσ αὐτῆσ, ἄγαλμα δὲ λευκοῦ λίθου μεγέθει τε μέγα καὶ ἐπὶ τῇ τέχνῃ θέασ ἄξιον. καὶ ναὸσ ἕτερόσ ἐστιν Ἀφροδίτησ·

αὕτη καὶ ἄλλασ ἔχει παρὰ Ἑρμιονέων τιμάσ, καὶ ταῖσ παρθένοισ καὶ ἢν γυνὴ χηρεύουσα παρὰ ἄνδρα μέλλῃ φοιτᾶν, ἁπάσαισ πρὸ γάμου θύειν καθέστηκεν ἐνταῦθα. Δήμητροσ δὲ ἱερὰ πεποίηται Θερμασίασ, τὸ μὲν ἐπὶ τοῖσ πρὸσ τὴν Τροιζηνίαν ὁρ́οισ, ὡσ ἐστὶν εἰρημένον ἤδη μοι, τὸ δὲ καὶ ἐν αὐτῇ τῇ πόλει.

일치하는 문장이 없습니다.

SEARCH

MENU NAVIGATION