Pausanias, Description of Greece, Κορινθιακά, chapter 10

(파우사니아스, Description of Greece, Κορινθιακά, chapter 10)

ἐν δὲ τῷ γυμνασίῳ τῆσ ἀγορᾶσ ὄντι οὐ μακρὰν Ἡρακλῆσ ἀνάκειται λίθου, Σκόπα ποίημα. ἔστι δὲ καὶ ἑτέρωθι ἱερὸν Ἡρακλέουσ· τὸν μὲν πάντα ἐνταῦθα περίβολον Παιδιζὴν ὀνομάζουσιν, ἐν μέσῳ δέ ἐστι τῷ περιβόλῳ τὸ ἱερόν, ἐν δὲ αὐτῷ ξόανον ἀρχαῖον, τέχνη Φλιασίου Λαφάουσ. ἐπὶ δὲ τῇ θυσίᾳ τοιάδε δρᾶν νομίζουσι.

Φαῖστον ἐν Σικυωνίᾳ λέγουσιν ἐλθόντα καταλαβεῖν Ἡρακλεῖ σφᾶσ ὡσ ἡρ́ωι ἐναγίζοντασ· οὔκουν ἠξίου δρᾶν οὐδὲν ὁ Φαῖστοσ τῶν αὐτῶν, ἀλλ’ ὡσ θεῷ θύειν. καὶ νῦν ἔτι ἄρνα οἱ Σικυώνιοι σφάξαντεσ καὶ τοὺσ μηροὺσ ἐπὶ τοῦ βωμοῦ καύσαντεσ τὰ μὲν ἐσθίουσιν ὡσ ἀπὸ ἱερείου, τὰ δὲ ὡσ ἡρ́ωι τῶν κρεῶν ἐναγίζουσι. τῆσ ἑορτῆσ δέ, ἣν ἄγουσι τῷ Ἡρακλεῖ, τὴν προτέραν τῶν ἡμερῶν ὀνόματα ὀνομάζοντεσ Ἡράκλεια δὴ καλοῦσι τὴν ὑστέραν. ἐντεῦθέν ἐστιν ὁδὸσ ἐσ ἱερὸν Ἀσκληπιοῦ.

παρελθοῦσι δὲ ἐσ τὸν περίβολον ἐν ἀριστερᾷ διπλοῦν ἐστιν οἴκημα· κεῖται δὲ Ὕπνοσ ἐν τῷ προτέρῳ, καί οἱ πλὴν τῆσ κεφαλῆσ ἄλλο οὐδὲν ἔτι λείπεται. τὸ ἐνδοτέρω δὲ Ἀπόλλωνι ἀνεῖται Καρνείῳ, καὶ ἐσ αὐτὸ οὐκ ἔστι πλὴν τοῖσ ἱερεῦσιν ἔσοδοσ. κεῖται δὲ ἐν τῇ στοᾷ κήτουσ ὀστοῦν θαλασσίου μεγέθει μέγα καὶ μετ’ αὐτὸ ἄγαλμα Ὀνείρου καὶ Ὕπνοσ κατακοιμίζων λέοντα, Ἐπιδώτησ δὲ ἐπίκλησιν. ἐσ δὲ τὸ Ἀσκληπιεῖον ἐσιοῦσι καθ’ ἕτερον τῆσ ἐσόδου τῇ μὲν Πανὸσ καθήμενον ἄγαλμά ἐστι, τῇ δὲ Ἄρτεμισ ἕστηκεν. ἐσελθοῦσι δὲ ὁ θεόσ ἐστιν οὐκ ἔχων γένεια, χρυσοῦ καὶ ἐλέφαντοσ, Καλάμιδοσ δὲ ἔργον·

ἔχει δὲ καὶ σκῆπτρον καὶ ἐπὶ τῆσ ἑτέρασ χειρὸσ πίτυοσ καρπὸν τῆσ ἡμέρου. φασὶ δέ σφισιν ἐξ Ἐπιδαύρου κομισθῆναι τὸν θεὸν ἐπὶ ζεύγουσ ἡμιόνων δράκοντι εἰκασμένον, τὴν δὲ ἀγαγοῦσαν Νικαγόραν εἶναι Σικυωνίαν Ἀγασικλέουσ μητέρα, γυναῖκα δὲ Ἐχετίμου. ἐνταῦθα ἀγάλματά ἐστιν οὐ μεγάλα ἀπηρτημένα τοῦ ὀρόφου·

τὴν δὲ ἐπὶ τῷ δράκοντι Ἀριστοδάμαν Ἀράτου μητέρα εἶναι λέγουσι καὶ Ἄρατον Ἀσκληπιοῦ παῖδα εἶναι νομίζουσιν. οὗτοσ μὲν δὴ παρείχετο ὁ περίβολοσ τοσάδε ἐσ μνήμην, <πέραν δὲ> δι’ αὐτοῦ δὲ ἄλλοσ ἐστὶν Ἀφροδίτησ ἱερόσ·

ἐν δὲ αὐτῷ πρῶτον ἄγαλμά ἐστιν Ἀντιόπησ· εἶναι γάρ οἱ τοὺσ παῖδασ Σικυωνίουσ καὶ δι’ ἐκείνουσ ἐθέλουσι καὶ αὐτὴν Ἀντιόπην προσήκειν σφίσι. μετὰ τοῦτο ἤδη τὸ τῆσ Ἀφροδίτησ ἐστὶν ἱερόν. ἐσίασι μὲν δὴ ἐσ αὐτὸ γυνή τε νεωκόροσ, ᾗ μηκέτι θέμισ παρ’ ἄνδρα φοιτῆσαι, καὶ παρθένοσ ἱερωσύνην ἐπέτειον ἔχουσα· λουτροφόρον τὴν παρθένον ὀνομάζουσι· τοῖσ δὲ ἄλλοισ κατὰ ταὐτὰ καὶ ὁρᾶν ἀπὸ τῆσ ἐσόδου τὴν θεὸν καὶ αὐτόθεν προσεύχεσθαι. τὸ μὲν δὴ ἄγαλμα καθήμενον Κάναχοσ Σικυώνιοσ ἐποίησεν, ὃσ καὶ τὸν ἐν Διδύμοισ τοῖσ Μιλησίων καὶ Θηβαίοισ τὸν Ἰσμήνιον εἰργάσατο Ἀπόλλωνα·

πεποίηται δὲ ἔκ τε χρυσοῦ καὶ ἐλέφαντοσ, φέρουσα ἐπὶ τῇ κεφαλῇ πόλον, τῶν χειρῶν δὲ ἔχει τῇ μὲν μήκωνα τῇ δὲ ἑτέρᾳ μῆλον. τῶν δὲ ἱερείων τοὺσ μηροὺσ θύουσι πλὴν ὑῶν, τἄλλα δὲ ἀρκεύθου ξύλοισ καθαγίζουσι, καιομένοισ δὲ ὁμοῦ τοῖσ μηροῖσ φύλλον τοῦ παιδέρωτοσ συγκαθαγίζουσιν. ἔνεστι δὲ ὁ παιδέρωσ ἐν ὑπαίθρῳ τοῦ περιβόλου πόα, φύεται δὲ ἀλλαχόθι οὐδαμοῦ γῆσ, οὔτε ἄλλησ οὔτε τῆσ Σικυωνίασ.

τὰ δέ οἱ φύλλα ἐλάσσονα ἢ φηγοῦ, μείζονα δέ ἐστιν ἢ πρίνου, σχῆμα δέ σφισιν οἱο͂ν τοῖσ τῆσ δρυόσ·

καὶ τὸ μὲν ὑπομελαίνει, τὸ δὲ ἕτερον λευκόν ἐστι· φύλλοισ δ’ ἂν λεύκησ μάλιστα εἰκάζοισ τὴν χροιάν. ἀπὸ τούτων δὲ ἀνιοῦσιν ἐσ τὸ γυμνάσιον, ἔστιν ἐν δεξιᾷ Φεραίασ ἱερὸν Ἀρτέμιδοσ·

κομισθῆναι δὲ τὸ ξόανον λέγουσιν ἐκ Φερῶν. τὸ δέ σφισι γυμνάσιον τοῦτο Κλεινίασ ᾠκοδόμησε, καὶ παιδεύουσιν ἐνταῦθα ἔτι τοὺσ ἐφήβουσ. κεῖται δὲ λίθου λευκοῦ καὶ Ἄρτεμισ τὰ ἐσ ἰξὺν μόνον εἰργασμένη καὶ Ἡρακλῆσ τὰ κάτω τοῖσ Ἑρμαῖσ τοῖσ τετραγώνοισ εἰκασμένοσ.

일치하는 문장이 없습니다.

SEARCH

MENU NAVIGATION