Pausanias, Description of Greece, Κορινθιακά, chapter 17

(파우사니아스, Description of Greece, Κορινθιακά, chapter 17)

Μυκηνῶν δὲ ἐν ἀριστερᾷ πέντε ἀπέχει καὶ δέκα στάδια τὸ Ἡραῖον. ῥεῖ δὲ κατὰ τὴν ὁδὸν ὕδωρ Ἐλευθέριον καλούμενον· χρῶνται δὲ αὐτῷ πρὸσ καθάρσια αἱ περὶ τὸ ἱερὸν καὶ τῶν θυσιῶν ἐσ τὰσ ἀπορρήτουσ. αὐτὸ δὲ τὸ ἱερόν ἐστιν ἐν χθαμαλωτέρῳ τῆσ Εὐβοίασ· τὸ γὰρ δὴ ὄροσ τοῦτο ὀνομάζουσιν Εὔβοιαν, λέγοντεσ Ἀστερίωνι γενέσθαι τῷ ποταμῷ θυγατέρασ Εὔβοιαν καὶ Πρόσυμναν καὶ Ἀκραίαν, εἶναι δὲ σφᾶσ τροφοὺσ τῆσ Ἥρασ· καὶ ἀπὸ μὲν Ἀκραίασ τὸ ὄροσ καλοῦσι τὸ ἀπαντικρὺ τοῦ Ἡραίου, ἀπὸ δὲ Εὐβοίασ ὅσον περὶ τὸ ἱερόν, Πρόσυμναν δὲ τὴν ὑπὸ τὸ Ἡραῖον χώραν.

ὁ δὲ Ἀστερίων οὗτοσ ῥέων ὑπὲρ τὸ Ἡραῖον ἐσ φάραγγα ἐσπίπτων ἀφανίζεται. φύεται δὲ αὐτοῦ πόα πρὸσ ταῖσ ὄχθαισ· ἀστερίωνα ὀνομάζουσι καὶ τὴν πόαν· τῇ Ἥρᾳ καὶ αὐτὴν φέρουσι καὶ ἀπὸ τῶν φύλλων αὐτῆσ στεφάνουσ πλέκουσιν.

ἀρχιτέκτονα μὲν δὴ γενέσθαι τοῦ ναοῦ λέγουσιν Εὐπόλεμον Ἀργεῖον·

ὁπόσα δὲ ὑπὲρ τοὺσ κίονάσ ἐστιν εἰργασμένα, τὰ μὲν ἐσ τὴν Διὸσ γένεσιν καὶ θεῶν καὶ γιγάντων μάχην ἔχει, τὰ δὲ ἐσ τὸν πρὸσ Τροίαν πόλεμον καὶ Ἰλίου τὴν ἅλωσιν. ἀνδριάντεσ τε ἑστήκασι πρὸ τῆσ ἐσόδου καὶ γυναικῶν, αἳ γεγόνασιν ἱέρειαι τῆσ Ἥρασ, καὶ ἡρώων ἄλλων τε καὶ Ὀρέστου· τὸν γὰρ ἐπίγραμμα ἔχοντα, ὡσ εἰή βασιλεὺσ Αὔγουστοσ, Ὀρέστην εἶναι λέγουσιν. ἐν δὲ τῷ προνάῳ τῇ μὲν Χάριτεσ ἀγάλματά ἐστιν ἀρχαῖα, ἐν δεξιᾷ δὲ κλίνη τῆσ Ἥρασ καὶ ἀνάθημα ἀσπὶσ ἣν Μενέλαόσ ποτε ἀφείλετο Εὔφορβον ἐν Ἰλίῳ. τὸ δὲ ἄγαλμα τῆσ Ἥρασ ἐπὶ θρόνου κάθηται μεγέθει μέγα, χρυσοῦ μὲν καὶ ἐλέφαντοσ, Πολυκλείτου δὲ ἔργον·

ἔπεστι δέ οἱ στέφανοσ Χάριτασ ἔχων καὶ Ὥρασ ἐπειργασμένασ, καὶ τῶν χειρῶν τῇ μὲν καρπὸν φέρει ῥοιᾶσ, τῇ δὲ σκῆπτρον. τὰ μὲν οὖν ἐσ τὴν ῥοιὰν ‐ ἀπορρητότεροσ γάρ ἐστιν ὁ λόγοσ ‐ ἀφείσθω μοι· κόκκυγα δὲ ἐπὶ τῷ σκήπτρῳ καθῆσθαί φασι λέγοντεσ τὸν Δία, ὅτε ἤρα παρθένου τῆσ Ἥρασ, ἐσ τοῦτον τὸν ὄρνιθα ἀλλαγῆναι, τὴν δὲ ἅτε παίγνιον θηρᾶσαι. τοῦτον τὸν λόγον καὶ ὅσα ἐοικότα εἴρηται περὶ θεῶν οὐκ ἀποδεχόμενοσ γράφω, γράφω δὲ οὐδὲν ἧσσον. λέγεται δὲ παρεστηκέναι τῇ Ἥρᾳ τέχνη Ναυκύδουσ ἄγαλμα Ἥβησ, ἐλέφαντοσ καὶ τοῦτο καὶ χρυσοῦ·

παρὰ δὲ αὐτήν ἐστιν ἐπὶ κίονοσ ἄγαλμα Ἥρασ ἀρχαῖον. τὸ δὲ ἀρχαιότατον πεποίηται μὲν ἐξ ἀχράδοσ, ἀνετέθη δὲ ἐσ Τίρυνθα ὑπὸ Πειράσου τοῦ Ἄργου, Τίρυνθα δὲ ἀνελόντεσ Ἀργεῖοι κομίζουσιν ἐσ τὸ Ἡραῖον· ὃ δὴ καὶ αὐτὸσ εἶδον, καθήμενον ἄγαλμα οὐ μέγα.

ἀναθήματα δὲ τὰ ἄξια λόγου βωμὸσ ἔχων ἐπειργασμένον τὸν λεγόμενον Ἥβησ καὶ Ἡρακλέουσ γάμον·

οὗτοσ μὲν ἀργύρου, χρυσοῦ δὲ καὶ λίθων λαμπόντων Ἀδριανὸσ βασιλεὺσ ταὼν <ἀνέθηκεν· > ἀνέθηκε δέ, ὅτι τὴν ὄρνιθα ἱερὰν τῆσ Ἥρασ νομίζουσι. κεῖται δὲ καὶ στέφανοσ χρυσοῦσ καὶ πέπλοσ πορφύρασ, Νέρωνοσ ταῦτα ἀναθήματα. ἔστι δὲ ὑπὲρ τὸν ναὸν τοῦτον τοῦ προτέρου ναοῦ θεμέλιά τε καὶ εἰ δή τι ἄλλο ὑπελίπετο ἡ φλόξ.

κατεκαύθη δὲ τὴν ἱέρειαν τῆσ Ἥρασ Χρυσηίδα ὕπνου καταλαβόντοσ, ὅτε ὁ λύχνοσ πρὸ τῶν στεφανωμάτων ἥπτετο. καὶ Χρυσηὶσ μὲν ἀπελθοῦσα ἐσ Τεγέαν τὴν Ἀθηνᾶν τὴν Ἀλέαν ἱκέτευεν· Ἀργεῖοι δὲ καίπερ κακοῦ τηλικούτου παρόντοσ σφίσι τὴν εἰκόνα οὐ καθεῖλον τῆσ Χρυσηίδοσ, ἀνάκειται δὲ καὶ ἐσ τόδε τοῦ ναοῦ τοῦ κατακαυθέντοσ ἔμπροσθεν.

일치하는 문장이 없습니다.

SEARCH

MENU NAVIGATION