헬라어 문장 검색 - Παυσαν́Δεσξριπ́2́35́

(파우사니아스, Description of Greece, Κορινθιακά, chapter 35)

πλησίον δὲ αὐτοῦ Διονύσου ναὸσ Μελαναίγιδοσ· τούτῳ μουσικῆσ ἀγῶνα κατὰ ἔτοσ ἕκαστον ἄγουσι, καὶ ἁμίλλησ κολύμβου καὶ πλοίων τιθέασιν ἆθλα· καὶ Ἀρτέμιδοσ ἐπίκλησιν Ἰφιγενείασ ἐστὶν ἱερὸν καὶ Ποσειδῶν χαλκοῦσ τὸν ἕτερον πόδα ἔχων ἐπὶ δελφῖνοσ. δὲ ἐσ τὸ τῆσ Ἑστίασ, ἄγαλμα μέν ἐστιν οὐδέν, βωμὸσ δέ·

καὶ ἐπ’ αὐτοῦ θύουσιν Ἑστίᾳ.

Ἀπόλλωνοσ δέ εἰσι ναοὶ τρεῖσ καὶ ἀγάλματα τρία· καὶ τῷ μὲν οὐκ ἔστιν ἐπίκλησισ, τὸν δὲ Πυθαέα οὕτωσ ὀνομάζουσι, καὶ Ὅριον τὸν τρίτον. τὸ μὲν δὴ τοῦ Πυθαέωσ ὄνομα μεμαθήκασι παρὰ Ἀργείων· τούτοισ γὰρ Ἑλλήνων πρώτοισ ἀφικέσθαι Τελέσιλλά φησι τὸν Πυθαέα ἐσ τὴν χώραν Ἀπόλλωνοσ παῖδα ὄντα· τὸν δὲ Ὅριον ἐφ’ ὅτῳ καλοῦσιν, σαφῶσ μὲν οὐκ ἂν ἔχοιμι εἰπεῖν, τεκμαίρομαι δὲ περὶ γῆσ ὁρ́ων πολέμῳ σφᾶσ ἢ δίκῃ νικήσαντασ ἐπὶ τῷδε τιμὰσ Ἀπόλλωνι Ὁρίῳ νεῖμαι. τὸ δὲ ἱερὸν τῆσ Τύχησ νεώτατον μὲν λέγουσιν Ἑρμιονεῖσ τῶν παρά σφισιν εἶναι, λίθου δὲ Παρίου κολοσσὸσ ἕστηκεν.

κρήνασ δὲ τὴν μὲν σφόδρα ἔχουσιν ἀρχαίαν, ἐσ δὲ αὐτὴν οὐ φανερῶσ τὸ ὕδωρ κάτεισιν, ἐπιλείποι δὲ οὐκ ἄν ποτε, οὐδ’ εἰ πάντεσ καταβάντεσ ὑδρεύοιντο ἐξ αὐτῆσ· τὴν δὲ ἐφ’ ἡμῶν πεποιήκασιν, ὄνομα δέ ἐστιν τῷ χωρίῳ Λειμών, ὅθεν ῥεῖ τὸ ὕδωρ ἐσ αὐτήν. τὸ δὲ λόγου μάλιστα ἄξιον ἱερὸν Δήμητρόσ ἐστιν ἐπὶ τοῦ Πρωνόσ.

τοῦτο τὸ ἱερὸν Ἑρμιονεῖσ μὲν Κλύμενον Φορωνέωσ παῖδα καὶ ἀδελφὴν Κλυμένου Χθονίαν τοὺσ ἱδρυσαμένουσ φασὶν εἶναι. Ἀργεῖοι δέ, ὅτε ἐσ τὴν Ἀργολίδα ἦλθε Δημήτηρ, τότε Ἀθέραν μὲν λέγουσι καὶ Μύσιον ὡσ ξενίαν παράσχοιεν τῇ θεῷ, Κολόνταν δὲ οὔτε οἴκῳ δέξασθαι τὴν θεὸν οὔτε ἀπονεῖμαί τι ἄλλο ἐσ τιμήν· ταῦτα δὲ οὐ κατὰ γνώμην Χθονίᾳ τῇ θυγατρὶ ποιεῖν αὐτόν. Χθονίαν δὲ κομισθεῖσαν ἐσ Ἑρμιόνα ὑπὸ Δήμητροσ Ἑρμιονεῦσι ποιῆσαι τὸ ἱερόν.

Χθονία δ’ οὖν ἡ θεόσ τε αὐτὴ καλεῖται καὶ Χθόνια ἑορτὴν κατὰ ἔτοσ ἄγουσιν ὡρ́ᾳ θέρουσ, ἄγουσι δὲ οὕτωσ.

ἡγοῦνται μὲν αὐτοῖσ τῆσ πομπῆσ οἵ τε ἱερεῖσ τῶν θεῶν καὶ ὅσοι τὰσ ἐπετείουσ ἀρχὰσ ἔχουσιν, ἕπονται δὲ καὶ γυναῖκεσ καὶ ἄνδρεσ. τοῖσ δὲ καὶ παισὶν ἔτι οὖσι καθέστηκεν ἤδη τὴν θεὸν τιμᾶν τῇ πομπῇ· οὗτοι λευκὴν ἐσθῆτα καὶ ἐπὶ ταῖσ κεφαλαῖσ ἔχουσι στεφάνουσ. πλέκονται δὲ οἱ στέφανοί σφισιν ἐκ τοῦ ἄνθουσ ὃ καλοῦσιν οἱ ταύτῃ κοσμοσάνδαλον, ὑάκινθον ἐμοὶ δοκεῖν ὄντα καὶ μεγέθει καὶ χρόᾳ· ἔπεστι δέ οἱ καὶ τὰ ἐπὶ τῷ θρήνῳ γράμματα. τοῖσ δὲ τὴν πομπὴν πέμπουσιν ἕπονται τελείαν ἐξ ἀγέλησ βοῦν ἄγοντεσ διειλημμένην δεσμοῖσ τε καὶ ὑβρίζουσαν ἔτι ὑπὸ ἀγριότητοσ.

ἐλάσαντεσ δὲ πρὸσ τὸν ναὸν οἱ μὲν ἔσω φέρεσθαι τὴν βοῦν ἐσ τὸ ἱερὸν ἀνῆκαν ἐκ τῶν δεσμῶν, ἕτεροι δὲ ἀναπεπταμένασ ἔχοντεσ τέωσ τὰσ θύρασ, ἐπειδὰν τὴν βοῦν ἴδωσιν ἐντὸσ τοῦ ναοῦ, προσέθεσαν τὰσ θύρασ. τέσσαρεσ δὲ ἔνδον ὑπολειπόμεναι γρᾶεσ, αὗται τὴν βοῦν εἰσιν αἱ κατεργαζόμεναι·

δρεπάνῳ γὰρ ἥτισ ἂν τύχῃ τὴν φάρυγγα ὑπέτεμε τῆσ βοόσ. μετὰ δὲ αἱ θύραι τε ἠνοίχθησαν καὶ προσελαύνουσιν οἷσ ἐπιτέτακται βοῦν δὲ δευτέραν καὶ τρίτην ἐπὶ ταύτῃ καὶ ἄλλην τετάρτην. κατεργάζονταί τε δὴ πάσασ κατὰ ταὐτὰ αἱ γρᾶεσ καὶ τόδε ἄλλο πρόσκειται τῇ θυσίᾳ θαῦμα· ἐφ’ ἥντινα γὰρ ἂν πέσῃ τῶν πλευρῶν ἡ πρώτη βοῦσ, ἀνάγκη πεσεῖν καὶ πάσασ. θυσία μὲν δρᾶται τοῖσ Ἑρμιονεῦσι τὸν εἰρημένον τρόπον·

πρὸ δὲ τοῦ ναοῦ γυναικῶν ἱερασαμένων τῇ Δήμητρι εἰκόνεσ ἑστήκασιν οὐ πολλαί, καὶ παρελθόντι ἔσω θρόνοι τέ εἰσιν, ἐφ’ ὧν αἱ γρᾶεσ ἀναμένουσιν ἐσελαθῆναι καθ’ ἑκάστην τῶν βοῶν, καὶ ἀγάλματα οὐκ ἄγαν ἀρχαῖα Ἀθηνᾶ καὶ Δημήτηρ.

αὐτὸ δὲ ὃ σέβουσιν ἐπὶ πλέον ἢ τἄλλα, ἐγὼ μὲν οὐκ εἶδον, οὐ μὴν οὐδὲ ἀνὴρ ἄλλοσ οὔτε ξένοσ οὔτε Ἑρμιονέων αὐτῶν· μόναι δὲ ὁποῖόν τί ἐστιν αἱ γρᾶεσ ἴστωσαν. ἔστι δὲ καὶ ἄλλοσ ναόσ·

εἰκόνεσ δὲ περὶ πάντα ἑστήκασιν αὐτόν. οὗτοσ ὁ ναόσ ἐστιν ἀπαντικρὺ τοῦ τῆσ Χθονίασ, καλεῖται δὲ Κλυμένου, καὶ τῷ Κλυμένῳ θύουσιν ἐνταῦθα. Κλύμενον δὲ οὐκ ἄνδρα Ἀργεῖον ἐλθεῖν ἔγωγε ἐσ Ἑρμιόνα ἡγοῦμαι, τοῦ θεοῦ δέ ἐστιν ἐπίκλησισ, ὅντινα ἔχει λόγοσ βασιλέα ὑπὸ γῆν εἶναι. παρὰ μὲν δὴ τοῦτόν ἐστιν ἄλλοσ ναὸσ καὶ ἄγαλμα Ἄρεωσ, τοῦ δὲ τῆσ Χθονίασ ἐστὶν ἱεροῦ στοὰ κατὰ τὴν δεξιάν, Ἠχοῦσ ὑπὸ τῶν ἐπιχωρίων καλουμένη·

φθεγξαμένῳ δὲ ἀνδρὶ τὰ ὀλίγιστα ἐσ τρὶσ ἀντιβοῆσαι πέφυκεν. ὄπισθεν δὲ τοῦ ναοῦ τῆσ Χθονίασ χωρία ἐστὶν ἃ καλοῦσιν Ἑρμιονεῖσ τὸ μὲν Κλυμένου, τὸ δὲ Πλούτωνοσ, τὸ τρίτον δὲ αὐτῶν λίμνην Ἀχερουσίαν. περιείργεται μὲν δὴ πάντα θριγκοῖσ λίθων, ἐν δὲ τῷ τοῦ Κλυμένου καὶ γῆσ χάσμα· διὰ τούτου δὲ Ἡρακλῆσ ἀνῆγε τοῦ Αἵδου τὸν κύνα κατὰ τὰ λεγόμενα ὑπὸ Ἑρμιονέων. πρὸσ δὲ τῇ πύλῃ, καθ’ ἣν ὁδὸσ εὐθεῖά ἐστιν ἄγουσα ἐπὶ Μάσητα, Εἰλειθυίασ ἐστὶν ἐντὸσ τοῦ τείχουσ ἱερόν.

ἄλλωσ μὲν δὴ κατὰ ἡμέραν ἑκάστην καὶ θυσίαισ καὶ θυμιάμασι μεγάλωσ τὴν θεὸν ἱλάσκονται καὶ ἀναθήματα δίδοται πλεῖστα τῇ Εἰλειθυίᾳ· τὸ δὲ ἄγαλμα οὐδενὶ πλὴν εἰ μὴ ἄρα ταῖσ ἱερείαισ ἔστιν ἰδεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 35

(파우사니아스, Description of Greece, Κορινθιακά, chapter 35)

상위

목록

SEARCH

MENU NAVIGATION