헬라어 문장 검색 - Παυσαν́Δεσξριπ́2́33́

(파우사니아스, Description of Greece, Κορινθιακά, chapter 33)

νῆσοι δέ εἰσι Τροιζηνίοισ μία μὲν πλησίον τῆσ ἠπείρου, καὶ διαβῆναι ποσὶν ἐσ αὐτὴν ἔστιν· αὕτη Σφαιρία ὀνομαζομένη πρότερον Ιἑρὰ δι’ αἰτίαν ἐκλήθη τοιαύτην. ἔστιν ἐν αὐτῇ Σφαίρου μνῆμα· Πέλοποσ δὲ ἡνίοχον εἶναι λέγουσι τὸν Σφαῖρον. τούτῳ κατὰ δή τι ἐξ Ἀθηνᾶσ ὄνειρον κομίζουσα Αἴθρα ἐσ χοὰσ διέβαινεν ἐσ τὴν νῆσον, διαβάσῃ δὲ ἐνταῦθα λέγεται Ποσειδῶνα μιχθῆναι. ἱδρύσατο μὲν διὰ τοῦτο Αἴθρα ναὸν ἐνταῦθα Ἀθηνᾶσ Ἀπατουρίασ καὶ Ιἑρὰν ἀντὶ Σφαιρίασ ὠνόμασε τὴν νῆσον· κατεστήσατο δὲ καὶ ταῖσ Τροιζηνίων παρθένοισ ἀνατιθέναι πρὸ γάμου τὴν ζώνην τῇ Ἀθηνᾷ τῇ Ἀπατουρίᾳ. Καλαύρειαν δὲ Ἀπόλλωνοσ ἱερὰν τὸ ἀρχαῖον εἶναι λέγουσιν, ὅτε περ ἦσαν καὶ οἱ Δελφοὶ Ποσειδῶνοσ·

λέγεται δὲ καὶ τοῦτο, ἀντιδοῦναι τὰ χωρία σφᾶσ ἀλλήλοισ. φασὶ δὲ ἔτι καὶ λόγιον μνημονεύουσιν· ἶσόν τοι Δῆλόν τε Καλαύρειάν τε νέμεσθαιΠυθώ τ’ ἠγαθέην καὶ Ταίναρον ἠνεμόεσσαν. ἔστι δ’ οὖν Ποσειδῶνοσ ἱερὸν ἐνταῦθα ἅγιον, ἱερᾶται δὲ αὐτῷ παρθένοσ, ἔστ’ ἂν ἐσ ὡρ́αν προέλθῃ γάμου.

τοῦ περιβόλου δὲ ἐντὸσ καὶ τὸ Δημοσθένουσ μνῆμά ἐστι.

καί μοι τὸ δαιμόνιον δεῖξαι μάλιστα ἐπὶ τούτου δοκεῖ καὶ Ὁμήρου πρότερον ὡσ εἰή βάσκανον, εἰ δὴ Ὅμηρον μὲν προδιεφθαρμένον τοὺσ ὀφθαλμοὺσ ἐπὶ τοσούτῳ κακῷ κακὸν δεύτερον πενία πιέζουσα ἐπὶ πᾶσαν γῆν πτωχεύοντα ἦγε, Δημοσθένει δὲ φυγῆσ τε συνέπεσεν ἐν γήρᾳ λαβεῖν πεῖραν καὶ ὁ θάνατοσ ἐγένετο οὕτω βίαιοσ. εἴρηται μὲν οὖν περὶ αὐτοῦ καὶ ἄλλοισ καὶ αὐτῷ Δημοσθένει πλεῖστα, ἦ μὴν τῶν χρημάτων ἃ ἐκ τῆσ Ἀσίασ ἤγαγεν Ἅρπαλοσ μὴ μεταλαβεῖν αὐτόν· τὸ δὲ ὕστερον λεχθὲν ἐπέξειμι ὁποῖον ἐγένετο.

Ἅρπαλοσ μὲν ὡσ ἐξ Ἀθηνῶν ἀπέδρα διαβὰσ ναυσὶν ἐσ Κρήτην, οὐ πολὺ ὕστερον ὑπὸ τῶν θεραπευόντων ἀπέθανεν οἰκετῶν· οἱ δὲ ὑπὸ ἀνδρὸσ Μακεδόνοσ Παυσανίου δολοφονηθῆναί φασιν αὐτόν. τὸν δέ οἱ τῶν χρημάτων διοικητὴν φυγόντα ἐσ Ῥόδον Φιλόξενοσ Μακεδὼν συνέλαβεν, ὃσ καὶ αὐτὸν παρὰ Ἀθηναίων ἐξῄτησεν Ἅρπαλον. τὸν δὲ παῖδα τοῦτον ἔχων ἤλεγχεν ἐσ ὃ πάντα ἐπύθετο, ὅσοι τῶν Ἁρπάλου τι ἔτυχον εἰληφότεσ· μαθὼν δὲ ἐσ Ἀθήνασ γράμματα ἐπέστελλεν.

ἐν τούτοισ τοῖσ γράμμασι τοὺσ λαβόντασ παρὰ Ἁρπάλου καταριθμῶν καὶ αὐτοὺσ καὶ ὁπόσον αὐτῶν ἔλαβεν ἕκαστοσ οὐδὲ ἐμνημόνευσεν ἀρχὴν Δημοσθένουσ, Ἀλεξάνδρῳ τε ἐσ τὰ μάλιστα ἀπεχθανομένου καὶ αὐτὸσ ἰδίᾳ προσκρούσασ. Ἑλλάδοσ καὶ παρὰ τῶν Καλαυρείασ εἰσὶν οἰκητόρων·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 33

(파우사니아스, Description of Greece, Κορινθιακά, chapter 33)

상위

목록

SEARCH

MENU NAVIGATION