호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ Τιτάνῃ καὶ Ἀθηνᾶσ ἱερόν ἐστιν, ἐσ ὃ τὴν Κορωνίδα ἀνάγουσιν· ἐν δὲ αὐτῷ ξόανον Ἀθηνᾶσ ἐστιν ἀρχαῖον, κεραυνωθῆναι δὲ καὶ τοῦτο ἐλέγετο· ἐκ τούτου τοῦ λόφου καταβᾶσιν ‐ ᾠκοδόμηται γὰρ ἐπὶ λόφῳ τὸ ἱερὸν ‐ βωμόσ ἐστιν ἀνέμων, ἐφ’ οὗ τοῖσ ἀνέμοισ ὁ ἱερεὺσ μιᾷ νυκτὶ ἀνὰ πᾶν ἔτοσ θύει. δρᾷ δὲ καὶ ἄλλα ἀπόρρητα ἐσ βόθρουσ τέσσαρασ, ἡμερούμενοσ τῶν πνευμάτων τὸ ἄγριον, καὶ δὴ καὶ Μηδείασ ὡσ λέγουσιν ἐπῳδὰσ ἐπᾴδει. ἐκ δὲ Τιτάνησ ἐσ Σικυῶνα ἀφικομένοισ καὶ καταβαίνουσιν ἐσ θάλασσαν ἐν ἀριστερᾷ τῆσ ὁδοῦ ναόσ <ἐστιν> Ἥρασ οὐκ ἔχων ἔτι οὔτε ἄγαλμα οὔτε ὄροφον·
τὸν δὲ ἀναθέντα Προῖτον εἶναι τὸν Ἄβαντόσ φασι.
καταβᾶσι δὲ ἐσ τὸν Σικυωνίων καλούμενον λιμένα καὶ τραπεῖσιν ἐπ’ Ἀριστοναύτασ τὸ ἐπίνειον τὸ Πελληνέων, ἔστιν ὀλίγον ὑπὲρ τὴν ὁδὸν ἐν ἀριστερᾷ Ποσειδῶνοσ ἱερόν· προελθοῦσι δὲ κατὰ τὴν λεωφόρον Ἑλισσών τε καλούμενοσ ποταμὸσ καὶ μετ’ αὐτὸν Σύθασ ἐστίν, ἐκδιδόντεσ ἐσ θάλασσαν. ἡ δὲ Φλιασία τῆσ Σικυωνίων ἐστὶν ὅμοροσ·
καὶ Τιτάνησ μὲν τεσσαράκοντα σταδίουσ ἀπέχει μάλιστα ἡ πόλισ, ἐκ Σικυῶνοσ δὲ ἐσ αὐτὴν ὁδόσ ἐστιν εὐθεῖα. καὶ ὅτι μὲν Ἀρκάσι Φλιάσιοι προσήκουσιν οὐδέν, δηλοῖ τὰ ἐσ τὸν Ἀρκάδων κατάλογον τῆσ Ὁμήρου ποιήσεωσ, ὅτι οὐκ εἰσὶν Ἀρκάσι καὶ οὗτοι συγκατειλεγμένοι· ὡσ δὲ Ἀργεῖοί τε ἦσαν ἐξ ἀρχῆσ καὶ ὕστερον Δωριεῖσ γεγόνασιν Ἡρακλειδῶν κατελθόντων ἐσ Πελοπόννησον, φανεῖται προϊόντι ὁμοῦ τῷ λόγῳ. διάφορα δὲ ἐσ τοὺσ Φλιασίουσ τὰ πολλὰ εἰδὼσ εἰρημένα, τοῖσ μάλιστα αὐτῶν ὡμολογημένοισ χρήσομαι. ἐν τῇ γῇ ταύτῃ γενέσθαι πρῶτον Ἄραντά φασιν ἄνδρα αὐτόχθονα·
καὶ πόλιν τε ᾤκισε περὶ τὸν βουνὸν τοῦτον, ὃσ Ἀραντῖνοσ ἔτι καλεῖται καὶ ἐσ ἡμᾶσ, οὐ πολὺ ἑτέρου λόφου διεστηκώσ, ἐφ’ οὗ Φλιασίοισ ἥ τε ἀκρόπολισ καὶ τῆσ Ἥβησ ἐστὶ τὸ ἱερόν. ἐνταῦθά τε δὴ πόλιν ᾤκισε καὶ ἀπ’ αὐτοῦ τὸ ἀρχαῖον ἡ γῆ καὶ ἡ πόλισ Ἀραντία ἐκλήθησαν. ὅντινα οἱ νῦν ἀπὸ τοῦ εὑρόντοσ καλοῦσιν Ἀσωπόν.
τὸ δὲ μνῆμα τοῦ Ἄραντόσ ἐστιν ἐν χωρίῳ Κελεαῖσ, ἔνθα δὴ καὶ Δυσαύλην ἄνδρα Ἐλευσίνιον τεθάφθαι λέγουσιν. Ἄραντοσ δὲ υἱὸσ Αὄρισ καὶ θυγάτηρ ἐγένετο Ἀραιθυρέα.
τούτουσ φασὶ Φλιάσιοι θηρᾶσαί τε ἐμπείρουσ γενέσθαι καὶ τὰ ἐσ πόλεμον ἀνδρείουσ. προαποθανούσησ δὲ Ἀραιθυρέασ Αὄρισ ἐσ μνήμην τῆσ ἀδελφῆσ μετωνόμασεν Ἀραιθυρέαν τὴν χώραν· καὶ ἐπὶ τῷδε Ὅμηροσ τοὺσ Ἀγαμέμνονοσ ὑπηκόουσ καταλέγων τὸ ἔποσ ἐποίησενὈρνειάσ τ’ ἐνέμοντο Ἀραιθυρέην τ’ ἐρατεινήν. τάφουσ δὲ τῶν Ἄραντοσ παίδων οὐχ ἑτέρωθι ἡγοῦμαι τῆσ χώρασ, ἐπὶ τῷ λόφῳ δὲ εἶναι τῷ Ἀραντίνῳ· καί σφισιν ἐπίθημα στῆλαι περιφανεῖσ εἰσι, καὶ πρὸ τῆσ τελετῆσ ἣν τῇ Δήμητρι ἄγουσιν Ἄραντα καὶ τοὺσ παῖδασ καλοῦσιν ἐπὶ τὰσ σπονδὰσ ἐσ ταῦτα βλέποντεσ τὰ μνήματα. Φλίαντα δέ, ὃσ τρίτον τοῦτο ἐποίησεν ὄνομα ἀφ’ αὑτοῦ τῇ γῇ, Κείσου μὲν παῖδα εἶναι τοῦ Τημένου κατὰ δὴ τὸν Ἀργείων λόγον οὐδὲ ἀρχὴν ἔγωγε προσίεμαι, Διονύσου δὲ οἶδα καλούμενον καὶ τῶν πλευσάντων ἐπὶ τῆσ Ἀργοῦσ καὶ τοῦτον γενέσθαι λεγόμενον.
ὁμολογεῖ δέ μοι καὶ τοῦ Ῥοδίου ποιητοῦ τὰ ἔπη· Φλίασ αὖτ’ ἐπὶ τοῖσιν Ἀραιθυρέηθεν ἵκανεν,ἔνθ’ ἀφνειὸσ ἔναιε Διωνύσοιο ἕκητιπατρὸσ ἑοῦ, πηγῇσιν ἐφέστιοσ Ἀσωποῖο. τοῦ δὲ Φλίαντοσ Ἀραιθυρέαν εἶναι μητέρα, ἀλλ’ οὐ Χθονοφύλην·
Χθονοφύλην δέ οἱ συνοικῆσαι καὶ Ἀνδροδάμαν γενέσθαι Φλίαντι ἐξ αὐτῆσ.
호흡부호 보기
강세부호 보기
장단부호 보기
작은 Iota 보기
모든 부호 보기