Pausanias, Description of Greece, Κορινθιακά, chapter 5 3:

ὁ δὲ Ἀσωπὸσ οὗτοσ ἄρχεται μὲν ἐκ τῆσ Φλιασίασ, ῥεῖ δὲ διὰ τῆσ Σικυωνίασ <καὶ> ἐκδίδωσιν ἐσ τὴν ταύτῃ θάλασσαν. θυγατέρασ δὲ αὐτοῦ γενέσθαι Φλιάσιοί φασι Κόρκυραν καὶ Αἴγιναν καὶ Θήβην· ἀπὸ μὲν δὴ Κορκύρασ καὶ Αἰγίνησ τὰσ νήσουσ Σχερίαν καὶ Οἰνώνην καλουμένασ μετονομασθῆναι, ἀπὸ δὲ Θήβησ τὴν ὑπὸ τῇ Καδμείᾳ κληθῆναι. Θηβαῖοι δὲ οὐχ ὁμολογοῦσι, φάμενοι τοῦ Βοιωτίου τὴν Θήβην Ἀσωποῦ καὶ οὐ τοῦ παρὰ Φλιασίου εἶναι.