Pausanias, Description of Greece, Κορινθιακά, chapter 35 10:

τέσσαρεσ δὲ ἔνδον ὑπολειπόμεναι γρᾶεσ, αὗται τὴν βοῦν εἰσιν αἱ κατεργαζόμεναι· δρεπάνῳ γὰρ ἥτισ ἂν τύχῃ τὴν φάρυγγα ὑπέτεμε τῆσ βοόσ. μετὰ δὲ αἱ θύραι τε ἠνοίχθησαν καὶ προσελαύνουσιν οἷσ ἐπιτέτακται βοῦν δὲ δευτέραν καὶ τρίτην ἐπὶ ταύτῃ καὶ ἄλλην τετάρτην. κατεργάζονταί τε δὴ πάσασ κατὰ ταὐτὰ αἱ γρᾶεσ καὶ τόδε ἄλλο πρόσκειται τῇ θυσίᾳ θαῦμα· ἐφ’ ἥντινα γὰρ ἂν πέσῃ τῶν πλευρῶν ἡ πρώτη βοῦσ, ἀνάγκη πεσεῖν καὶ πάσασ.