헬라어 문장 검색 - Παυσαν́Δεσξριπ́2́18́

(파우사니아스, Description of Greece, Κορινθιακά, chapter 18)

ἐκ Μυκηνῶν δὲ ἐσ Ἄργοσ ἐρχομένοισ ἐν ἀριστερᾷ Περσέωσ παρὰ τὴν ὁδόν ἐστιν ἡρῷον. ἔχει μὲν δὴ καὶ ἐνταῦθα τιμὰσ παρὰ τῶν προσχωρίων, μεγίστασ δὲ ἔν τε Σερίφῳ καὶ παρ’ Ἀθηναίοισ<, οἷσ> Περσέωσ τέμενοσ καὶ Δίκτυοσ καὶ Κλυμένησ βωμὸσ σωτήρων καλουμένων Περσέωσ. ἐν δὲ τῇ Ἀργείᾳ προελθοῦσιν ὀλίγον ἀπὸ τοῦ ἡρῴου τούτου Θυέστου τάφοσ ἐστὶν ἐν δεξιᾷ· λίθου δὲ ἔπεστιν αὐτῷ κριόσ, ὅτι τὴν ἄρνα ὁ Θυέστησ ἔσχε τὴν χρυσῆν, μοιχεύσασ τοῦ ἀδελφοῦ τὴν γυναῖκα. Ἀτρέα δὲ οὐκ ἐπέσχεν ὁ λογισμὸσ μετρῆσαι τὴν ἴσην, ἀλλὰ τῶν Θυέστου παίδων σφαγὰσ καὶ τὰ ᾀδόμενα δεῖπνα ἐξειργάσατο.

ὕστερον δὲ οὐκ ἔχω σαφὲσ εἰπεῖν πότερον ἀδικίασ ἦρξεν Αἴγισθοσ ἢ προϋπῆρξεν Ἀγαμέμνονι φόνοσ Ταντάλου τοῦ Θυέστου·

συνοικεῖν δέ φασιν αὐτὸν Κλυταιμνήστρᾳ παρθένῳ παρὰ Τυνδάρεω λαβόντα. ἐγὼ δὲ καταγνῶναι μὲν οὐκ ἐθέλω φύσει σφᾶσ γενέσθαι κακούσ· εἰ δὲ ἐπὶ τοσοῦτον αὐτοῖσ τὸ μίασμα τὸ Πέλοποσ καὶ ὁ Μυρτίλου προστρόπαιοσ ἠκολούθησε, τούτοισ ἦν ἄρα ὁμολογοῦντα, ἡνίκα ἡ Πυθία Γλαύκῳ τῷ Ἐπικύδουσ Σπαρτιάτῃ, βουλεύσαντι ἐπίορκα ὀμόσαι, καὶ τοῦδε εἶπεν ἐσ τοὺσ ἀπογόνουσ κατιέναι τὴν δίκην. ἀπὸ δὲ τῶν Κριῶν ‐ οὕτω γὰρ τοῦ Θυέστου τὸ μνῆμα ὀνομάζουσι ‐ προελθοῦσιν ὀλίγον ἐστὶν ἐν ἀριστερᾷ χωρίον Μυσία καὶ Δήμητροσ Μυσίασ ἱερὸν ἀπὸ ἀνδρὸσ Μυσίου τὸ ὄνομα, γενομένου καὶ τούτου, καθάπερ λέγουσιν Ἀργεῖοι, ξένου τῇ Δήμητρι.

τούτῳ μὲν οὖν οὐκ ἔπεστιν ὄροφοσ· ἐν δὲ αὐτῷ ναόσ ἐστιν ἄλλοσ ὀπτῆσ πλίνθου, ξόανα δὲ Κόρησ καὶ Πλούτωνοσ καὶ Δήμητρόσ ἐστι. προελθοῦσι δὲ ποταμόσ ἐστιν Ἴναχοσ, καὶ διαβᾶσιν Ἡλίου βωμόσ. ἐντεῦθεν δὲ ἐπὶ πύλην ἥξεισ καλουμένην ἀπὸ τοῦ πλησίον ἱεροῦ· τὸ δὲ ἱερόν ἐστιν Εἰλειθυίασ. μόνουσ δὲ Ἑλλήνων οἶδα Ἀργείουσ ἐσ τρεῖσ βασιλείασ νεμηθέντασ.

ἐπὶ γὰρ τῆσ ἀρχῆσ τῆσ Ἀναξαγόρου τοῦ Ἀργείου τοῦ Μεγαπένθουσ μανία ταῖσ γυναιξὶν ἐνέπεσεν, ἐκφοιτῶσαι δὲ ἐκ τῶν οἰκιῶν ἐπλανῶντο ἀνὰ τὴν χώραν, ἐσ ὃ Μελάμπουσ ὁ Ἀμυθάονοσ ἔπαυσε σφᾶσ τῆσ νόσου, ἐφ’ ᾧ τε αὐτὸσ καὶ ὁ ἀδελφὸσ Βίασ Ἀναξαγόρᾳ τὸ ἴσον ἕξουσιν. ἀπὸ μὲν δὴ Βίαντοσ βασιλεύουσι πέντε ἄνδρεσ ἐπὶ γενεὰσ τέσσαρασ ἐσ Κυάνιππον τὸν Αἰγιαλέωσ, ὄντεσ Νηλεῖδαι τὰ πρὸσ μητρόσ, ἀπὸ δὲ Μελάμποδοσ γενεαί τε ἓξ καὶ ἄνδρεσ ἴσοι μέχρισ Ἀμφιλόχου τοῦ Ἀμφιαράου·

τὸ δὲ ἐγχώριον γένοσ οἱ Ἀναξαγορίδαι βασιλεύουσι πλέον.

Ἶφισ μὲν γὰρ ὁ Ἀλέκτοροσ τοῦ Ἀναξαγόρου Σθενέλῳ τῷ Καπανέωσ ἀδελφοῦ παιδὶ ἀπέλιπε τὴν ἀρχήν· Ἀμφιλόχου δὲ μετὰ ἅλωσιν Ἰλίου μετοικήσαντοσ ἐσ τοὺσ νῦν Ἀμφιλόχουσ, Κυανίππου <δ’> ἄπαιδοσ τελευτήσαντοσ, οὕτω Κυλαράβησ ὁ Σθενέλου μόνοσ τὴν βασιλείαν ἔσχεν. οὐ μέντοι παῖδασ κατέλιπεν οὐδ’ οὗτοσ, ἀλλὰ Ὀρέστησ ὁ Ἀγαμέμνονοσ τὸ Ἄργοσ κατέσχε παροικῶν τε ἐγγὺσ αὐτῷ καὶ ἄνευ τῆσ πατρῴασ ἀρχῆσ προσπεποιημένοσ μὲν Ἀρκάδων τοὺσ πολλούσ, παρειληφὼσ δὲ καὶ τὴν ἐν Σπάρτῃ βασιλείαν, συμμαχικοῦ δὲ ἐκ Φωκέων ἀεί ποτε ἐπ’ ὠφελείᾳ ἑτοίμου παρόντοσ. Λακεδαιμονίων δὲ ἐβασίλευσεν Ὀρέστησ Λακεδαιμονίων ἐφέντων αὐτῷ·

τοὺσ γὰρ Τυνδάρεω θυγατριδοῦσ τὴν ἀρχὴν ἔχειν οὐκ ἠξίουν πρὸ Νικοστράτου καὶ Μεγαπένθουσ Μενελάῳ γεγενημένων ἐκ δούλησ. Ὀρέστου δὲ ἀποθανόντοσ ἔσχε Τισαμενὸσ τὴν ἀρχήν, Ἑρμιόνησ τῆσ Μενελάου καὶ Ὀρέστου παῖσ. τὸν δὲ Ὀρέστου νόθον Πενθίλον Κιναίθων ἔγραψεν ἐν τοῖσ ἔπεσιν Ἠριγόνην τὴν Αἰγίσθου τεκεῖν. ἐπὶ δὲ τοῦ Τισαμενοῦ τούτου κατίασιν ἐσ Πελοπόννησον Ἡρακλεῖδαι, Τήμενοσ μὲν καὶ Κρεσφόντησ Ἀριστομάχου, τοῦ τρίτου δὲ Ἀριστοδήμου προτεθνεῶτοσ εἵποντο οἱ παῖδεσ.

Ἄργουσ μὲν δὴ καὶ τῆσ ἐν Ἄργει βασιλείασ ὀρθότατα ἐμοὶ δοκεῖν ἠμφισβήτουν, ὅτι ἦν Πελοπίδησ ὁ Τισαμενόσ, οἱ δὲ Ἡρακλεῖδαι τὸ ἀνέκαθέν εἰσι Περσεῖδαι·

Τυνδάρεω δὲ καὶ αὐτὸν ἐκπεσόντα ἀπέφαινον ὑπὸ Ἱπποκόωντοσ, Ἡρακλέα δὲ ἔφασαν ἀποκτείναντα Ἱπποκόωντα καὶ τοὺσ παῖδασ παρακαταθέσθαι Τυνδάρεῳ τὴν χώραν· τοιαῦτα δὲ καὶ περὶ τῆσ Μεσσηνίασ ἕτερα ἔλεγον, παρακαταθήκην Νέστορι δοθῆναι καὶ ταύτην ὑπὸ Ἡρακλέουσ ἑλόντοσ Πύλον. ἐκβάλλουσιν οὖν ἐκ μὲν Λακεδαίμονοσ καὶ Ἄργουσ Τισαμενόν, ἐκ δὲ τῆσ Μεσσηνίασ τοὺσ Νέστοροσ ἀπογόνουσ, Ἀλκμαίωνα Σίλλου τοῦ Θρασυμήδουσ καὶ Πεισίστρατον τὸν Πεισιστράτου καὶ τοὺσ Παίονοσ τοῦ Ἀντιλόχου παῖδασ, σὺν δὲ αὐτοῖσ Μέλανθον τὸν Ἀνδροπόμπου τοῦ Βώρου τοῦ Πενθίλου τοῦ Περικλυμένου.

Τισαμενὸσ μὲν οὖν ἦλθε σὺν τῇ στρατιᾷ καὶ οἱ παῖδεσ ἐσ τὴν νῦν Ἀχαί̈αν· οἱ δὲ Νηλεῖδαι πλὴν Πεισιστράτου ‐ τοῦτον γὰρ οὐκ οἶδα παρ’ οὕστινασ ἀπεχώρησεν ‐ ἐσ Ἀθήνασ ἀφίκοντο οἱ λοιποί, καὶ τὸ Παιονιδῶν γένοσ καὶ Ἀλκμαιωνιδῶν ἀπὸ τούτων ὠνομάσθησαν.

Μέλανθοσ δὲ καὶ τὴν βασιλείαν ἔσχεν ἀφελόμενοσ Θυμοίτην τὸν Ὀξύντου· Θυμοίτησ γὰρ Θησειδῶν ἔσχατοσ ἐβασίλευσεν Ἀθηναίων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 18

(파우사니아스, Description of Greece, Κορινθιακά, chapter 18)

상위

목록

SEARCH

MENU NAVIGATION