Pausanias, Description of Greece, Κορινθιακά, chapter 6 8:

Λαμέδων δὲ βασιλεύσασ ἔγημεν ἐξ Ἀθηνῶν γυναῖκα Φηνὼ Κλυτίου· καὶ ὕστερον γενομένου οἱ πολέμου πρὸσ Ἄρχανδρον καὶ Ἀρχιτέλην τοὺσ Ἀχαιοῦ συμμαχήσοντα ἐπηγάγετο Σικυῶνα ἐκ τῆσ Ἀττικῆσ, καὶ θυγατέρα τε συνῴκισεν αὐτῷ Ζευξίππην καὶ ἀπὸ τούτου βασιλεύσαντοσ ἡ γῆ Σικυωνία καὶ Σικυὼν ἀντὶ Αἰγιάλησ ἡ πόλισ ὠνομάσθη. Σικυῶνα δὲ οὐ Μαραθῶνοσ τοῦ Ἐπωπέωσ, Μητίονοσ δὲ εἶναι τοῦ Ἐρεχθέωσ φασίν. ὁμολογεῖ δέ σφισι καὶ Ἄσιοσ, ἐπεὶ Ἡσίοδόσ γε καὶ Ἴβυκοσ, ὁ μὲν ἐποίησεν ὡσ Ἐρεχθέωσ εἰή Σικυών, Ἴβυκοσ δὲ εἶναι Πέλοπόσ φησιν αὐτόν.