헬라어 문장 검색 - Παυσαν́Δεσξριπ́2́30́

(파우사니아스, Description of Greece, Κορινθιακά, chapter 30)

ναοὶ δὲ οὐ πολὺ ἀλλήλων ἀφεστηκότεσ ὁ μὲν Ἀπόλλωνόσ ἐστιν, ὁ δὲ Ἀρτέμιδοσ, Διονύσῳ δὲ αὐτῶν ὁ τρίτοσ. Ἀπόλλωνι μὲν δὴ ξόανον γυμνόν ἐστι τέχνησ τῆσ ἐπιχωρίου, τῇ δὲ Ἀρτέμιδί ἐστιν ἐσθήσ, κατὰ ταὐτὰ δὲ καὶ τῷ Διονύσῳ· καὶ γένεια Διόνυσοσ ἔχων πεποίηται. τοῦ δὲ Ἀσκληπιοῦ τὸ ἱερὸν ἔστι μὲν ἑτέρωθι καὶ οὐ ταύτῃ, λίθου δὲ ἄγαλμα καθήμενον. θεῶν δὲ Αἰγινῆται τιμῶσιν Ἑκάτην μάλιστα καὶ τελετὴν ἄγουσιν ἀνὰ πᾶν ἔτοσ Ἑκάτησ, Ὀρφέα σφίσι τὸν Θρᾷκα καταστήσασθαι τὴν τελετὴν λέγοντεσ.

τοῦ περιβόλου δὲ ἐντὸσ ναόσ ἐστι, ξόανον δὲ ἔργον Μύρωνοσ, ὁμοίωσ ἓν πρόσωπόν τε καὶ τὸ λοιπὸν σῶμα. Ἀλκαμένησ δὲ ἐμοὶ δοκεῖν πρῶτοσ ἀγάλματα Ἑκάτησ τρία ἐποίησε προσεχόμενα ἀλλήλοισ, ἣν Ἀθηναῖοι καλοῦσιν Ἐπιπυργιδίαν· ἕστηκε δὲ παρὰ τῆσ Ἀπτέρου Νίκησ τὸν ναόν. ἐν Αἰγίνῃ δὲ πρὸσ τὸ ὄροσ τοῦ Πανελληνίου Διὸσ ἰοῦσιν, ἔστιν Ἀφαίασ ἱερόν, ἐσ ἣν καὶ Πίνδαροσ ᾆσμα Αἰγινήταισ ἐποίησε.

φασὶ δὲ οἱ Κρῆτεσ ‐ τούτοισ γάρ ἐστι τὰ ἐσ αὐτὴν ἐπιχώρια ‐ Καρμάνοροσ τοῦ καθήραντοσ Ἀπόλλωνα ἐπὶ φόνῳ τῶ Πύθωνοσ παῖδα Εὔβουλον εἶναι, Διὸσ δὲ καὶ Κάρμησ τῆσ Εὐβούλου Βριτόμαρτιν γενέσθαι· χαίρειν δὲ αὐτὴν δρόμοισ τε καὶ θήραισ καὶ Ἀρτέμιδι μάλιστα φίλην εἶναι· Μίνω δὲ ἐρασθέντα φεύγουσα ἔρριψεν ἑαυτὴν ἐσ δίκτυα ἀφειμένα ἐπ’ ἰχθύων θήρᾳ. ταύτην μὲν θεὸν ἐποίησεν Ἄρτεμισ, σέβουσι δὲ οὐ Κρῆτεσ μόνον ἀλλὰ καὶ Αἰγινῆται, λέγοντεσ φαίνεσθαί σφισιν ἐν τῇ νήσῳ τὴν Βριτόμαρτιν. ἐπίκλησισ δέ οἱ παρά τε Αἰγινήταισ ἐστὶν Ἀφαία καὶ Δίκτυννα ἐν Κρήτῃ.

τὸ δὲ Πανελλήνιον, ὅτι μὴ τοῦ Διὸσ τὸ ἱερόν, ἄλλο τὸ ὄροσ ἀξιόλογον εἶχεν οὐδέν.

τοῦτο δὲ τὸ ἱερὸν λέγουσιν Αἰακὸν ποιῆσαι τῷ Διί· τὰ δὲ ἐσ τὴν Αὐξησίαν καὶ Δαμίαν, ὡσ οὐχ ὑε͂ν ὁ θεὸσ Ἐπιδαυρίοισ, ὡσ τὰ ξόανα ταῦτα ἐκ μαντείασ ἐποιήσαντο ἐλαίασ παρ’ Ἀθηναίων λαβόντεσ, ὡσ Ἐπιδαύριοι μὲν οὐκ ἀπέφερον ἔτι Ἀθηναίοισ ἃ ἐτάξαντο οἱᾶ Αἰγινητῶν ἐχόντων τὰ ἀγάλματα, Ἀθηναίων δὲ ἀπώλοντο οἱ διαβάντεσ διὰ ταῦτα ἐσ Αἴγιναν, ταῦτα εἰπόντοσ Ἡροδότου καθ’ ἕκαστον αὐτῶν ἐπ’ ἀκριβὲσ οὔ μοι γράφειν κατὰ γνώμην ἦν εὖ προειρημένα, πλὴν τοσοῦτό γε ὅτι εἶδόν τε τὰ ἀγάλματα καὶ ἔθυσά σφισι κατὰ <τὰ> αὐτὰ καθὰ δὴ καὶ Ἐλευσῖνι θύειν νομίζουσιν. Αἰγίνησ μὲν <δὴ> Αἰακοῦ ἕνεκα καὶ ἔργων ὁπόσα ἀπεδείξατο ἐσ τοσόνδε ἔστω μνήμη·

τῆσ δὲ Ἐπιδαυρίασ ἔχονται Τροιζήνιοι, σεμνύνοντεσ εἴπερ καὶ ἄλλοι τινὲσ τὰ ἐγχώρια· φασὶ δὲ Ὦρον γενέσθαι σφίσιν ἐν τῇ γῆ πρῶτον. ἐμοὶ μὲν οὖν Αἰγύπτιον φαίνεται καὶ οὐδαμῶσ Ἑλληνικὸν ὄνομα Ὦροσ εἶναι· βασιλεῦσαι δ’ οὖν φασιν αὐτὸν καὶ Ὠραίαν ἀπ’ αὐτοῦ καλεῖσθαι τὴν γῆν, Ἄλθηπον δὲ Ποσειδῶνοσ παῖδα καὶ Ληίδοσ τῆσ Ὤρου, παραλαβόντα μετὰ Ὦρον τὴν ἀρχήν, Ἀλθηπίαν ὀνομάσαι τὴν γῆν. ἐπὶ τούτου βασιλεύοντοσ Ἀθηνᾶν καὶ Ποσειδῶνα ἀμφισβητῆσαι λέγουσι περὶ τῆσ χώρασ, ἀμφισβητήσαντασ δὲ ἔχειν ἐν κοινῷ·

προστάξαι γὰρ οὕτω Δία σφίσι.

καὶ διὰ τοῦτο Ἀθηνᾶν τε σέβουσι Πολιάδα καὶ Σθενιάδα ὀνομάζοντεσ τὴν αὐτὴν καὶ Ποσειδῶνα Βασιλέα ἐπίκλησιν· καὶ δὴ καὶ νόμισμα αὐτοῖσ τὸ ἀρχαῖον ἐπίσημα ἔχει τρίαιναν καὶ Ἀθηνᾶσ πρόσωπον. μετὰ δὲ Ἄλθηπον Σάρων ἐβασίλευσεν.

ἔλεγον δὲ ὅτι οὗτοσ τῇ Σαρωνίδι τὸ ἱερὸν Ἀρτέμιδι ᾠκοδόμησεν ἐπὶ θαλάσσῃ τελματώδει καὶ ἐπιπολῆσ μᾶλλον, ὥστε καὶ Φοιβαία λίμνη διὰ τοῦτο ἐκαλεῖτο. Σάρωνα δὲ ‐ θηρεύειν γὰρ δὴ μάλιστα ᾕρητο ‐ κατέλαβεν ἔλαφον διώκοντα ἐσ θάλασσαν συνεσπεσεῖν φευγούσῃ· καὶ ἥ τε ἔλαφοσ ἐνήχετο ἀπωτέρω τῆσ γῆσ καὶ ὁ Σάρων εἴχετο τῆσ ἄγρασ, ἐσ ὃ ὑπὸ προθυμίασ ἀφίκετο ἐσ τὸ πέλαγοσ· ἤδη δὲ κάμνοντα αὐτὸν καὶ ὑπὸ τῶν κυμάτων κατακλυζόμενον ἐπέλαβε τὸ χρεών. ἐκπεσόντα δὲ τὸν νεκρὸν κατὰ τὴν· Φοιβαίαν λίμνην ἐσ τὸ ἄλσοσ τῆσ Ἀρτέμιδοσ ἐντὸσ τοῦ ἱεροῦ περιβόλου θάπτουσι, καὶ λίμνην ἀπὸ τούτου Σαρωνίδα τὴν ταύτῃ θάλασσαν καλοῦσιν ἀντὶ Φοιβαίασ. τοὺσ δὲ ὕστερον βασιλεύσαντασ οὐκ ἴσασιν ἄχρι Ὑπέρητοσ καὶ Ἄνθα·

τούτουσ δὲ εἶναι Ποσειδῶνοσ καὶ Ἀλκυόνησ Ἄτλαντοσ θυγατρόσ, καὶ πόλεισ αὐτοὺσ ἐν τῇ χώρᾳ φασὶν Ὑπέρειάν τε καὶ Ἄνθειαν οἰκίσαι· Αἔτιον δὲ τὸν Ἄνθα τοῦ πατρὸσ καὶ τοῦ θείου παραλαβόντα τὴν ἀρχὴν τὴν ἑτέραν τῶν πόλεων Ποσειδωνιάδα ὀνομάσαι. Τροίζηνοσ δὲ καὶ Πιτθέωσ παρὰ Αἔτιον ἐλθόντων βασιλεῖσ μὲν τρεῖσ ἀντὶ ἑνὸσ ἐγένοντο, ἴσχυον δὲ οἱ παῖδεσ μᾶλλον οἱ Πέλοποσ. σημεῖον δέ·

ἀποθανόντοσ γὰρ Τροίζηνοσ Πιτθεὺσ <ἐσ> τὴν νῦν πόλιν συναγαγὼν τοὺσ ἀνθρώπουσ ὠνόμασεν ἀπὸ τοῦ ἀδελφοῦ Τροίζηνα, συλλαβὼν <Ὑπέρειάν τε> καὶ Ἄνθ<ει>αν. πολλοῖσ δὲ ἔτεσιν ὕστερον ἐσ ἀποικίαν ἐκ Τροιζῆνοσ σταλέντεσ Ἁλικαρνασσὸν ἐν τῇ Καρίᾳ καὶ Μύνδον ἀπῴκισαν οἱ γεγονότεσ ἀπ’ Αἐτίου τοῦ Ἄνθα.

Τροίζηνοσ δὲ οἱ παῖδεσ Ἀνάφλυστοσ καὶ Σφῆττοσ μετοικοῦσιν ἐσ τὴν Ἀττικήν, καὶ οἱ δῆμοι τὰ ὀνόματα ἔχουσιν ἀπὸ τούτων. τὰ δὲ ἐσ Θησέα θυγατριδοῦν Πιτθέωσ εἰδόσι τὰ ἐσ αὐτὸν οὐ γράφω, δεῖ δέ με τοσόνδε ἔτι δηλῶσαι. Ἡρακλειδῶν γὰρ κατελθόντων ἐδέξαντο καὶ οἱ Τροιζήνιοι συνοίκουσ Δωριέων τῶν ἐξ Ἄργουσ καὶ πρότερον ἔτι Ἀργείων ὄντεσ κατήκοοι·

καὶ σφᾶσ καὶ Ὅμηροσ ἐν καταλόγῳ φησὶν ὑπὸ Διομήδουσ ἄρχεσθαι. Διομήδησ γὰρ καὶ Εὐρύαλοσ ὁ Μηκιστέωσ Κυάνιππον τὸν Αἰγιαλέωσ παῖδα ὄντα ἐπιτροπεύοντεσ Ἀργείων ἡγήσαντο ἐσ Τροίαν. Σθένελοσ δέ, ὡσ ἐδήλωσα ἐν τοῖσ πρότερον, οἰκίασ τε ἦν ἐπιφανεστέρασ, τῶν Ἀναξαγοριδῶν καλουμένων, καὶ ἡ βασιλεία τούτῳ μάλιστα ἦν ἡ Ἀργείων προσήκουσα. τοσαῦτα Τροιζηνίοισ ἐχόμενα ἱστορίασ ἦν, παρὲξ ἢ ὅσαι πόλεισ παρ’ αὐτῶν φασιν ἀποικισθῆναι· κατασκευὴν δὲ ἱερῶν καὶ ὅσα ἄλλα ἐσ ἐπίδειξιν, τὸ ἐντεῦθεν ἐπέξειμι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 30

(파우사니아스, Description of Greece, Κορινθιακά, chapter 30)

상위

목록

SEARCH

MENU NAVIGATION