헬라어 문장 검색 - Παυσαν́Δεσξριπ́2́08́

(파우사니아스, Description of Greece, Κορινθιακά, chapter 8)

τῷ δὲ τῆσ Πειθοῦσ ἱερῷ τὸ ἐγγὺσ τέμενοσ ἀνειμένον βασιλεῦσι Ῥωμαίων οἰκία ποτὲ ἦν Κλέωνοσ τυράννου· Κλεισθένησ μὲν γὰρ ὁ Ἀριστωνύμου τοῦ Μύρωνοσ ἐχόντων ἔτι τὴν κάτω πόλιν Σικυωνίων ἐτυράννησε, Κλέων δὲ ἐν τῇ νῦν πόλει. πρὸ ταύτησ τῆσ οἰκίασ ἡρῷόν ἐστιν Ἀράτου μέγιστα Ἑλλήνων ἐργασαμένου τῶν ἐφ’ αὑτοῦ·

ἔχει δὲ ὧδε τὰ ἐσ αὐτόν. μετὰ Κλέωνα μοναρχήσαντα ἐνέπεσε τῶν ἐν τέλει πολλοῖσ ἐπιθυμία τυραννίδοσ οὕτω δή τι ἀκάθεκτοσ ὡσ καὶ ἄνδρασ δύο Εὐθύδημον καὶ Τιμοκλείδαν ὁμοῦ τυραννῆσαι.

τούτουσ μὲν οὖν ἐξέβαλεν ὁ δῆμοσ, Κλεινίαν τὸν πατέρα Ἀράτου προστησάμενοσ· ἔτεσι δὲ ὕστερον οὐ πολλοῖσ ἐτυράννησεν Ἀβαντίδασ. Κλεινίᾳ μὲν οὖν συνεβεβήκει πρότερον ἔτι ἡ τελευτή· Ἄρατον δὲ Ἀβαντίδασ φυγάδα ἐποίησεν, ἢ καὶ αὐτὸσ ἀπεχώρησεν Ἄρατοσ ἐθελοντήσ. Ἀβαντίδαν μὲν οὖν κτείνουσιν ἄνδρεσ τῶν ἐπιχωρίων, τύραννοσ δὲ αὐτίκα ἐγεγόνει ὁ Ἀβαντίδου πατὴρ Πασέασ· Νικοκλῆσ δὲ ἐκεῖνον ἀνελὼν ἐτυράννησεν αὐτόσ.

ἐπὶ τοῦτον τὸν Νικοκλέα Ἄρατοσ ἀφικόμενοσ Σικυωνίων φυγάσι καὶ Ἀργείοισ μισθωτοῖσ τοὺσ μὲν ἔλαθεν ἅτε ἐν σκότῳ ‐ νύκτωρ γὰρ δὴ τὴν ἐπιχείρησιν ἐποιεῖτο ‐ , τοὺσ δὲ καὶ βιασάμενοσ τῶν φυλασσόντων ἐγένετο ἐντὸσ τείχουσ· καὶ ‐ ὑπέφαινε γὰρ ἑώσ ἤδη ‐ προσλαβὼν τὸν δῆμον ἐπὶ τὴν οἰκίαν σπουδῇ τὴν τυραννικὴν τρέπεται. καὶ ταύτην μὲν εἷλεν οὐ χαλεπῶσ, ὁ δὲ Νικοκλῆσ αὐτὸσ ἔλαθεν ἀποδράσ. Σικυωνίοισ δὲ ἀπέδωκεν Ἄρατοσ ἐξ ἴσου πολιτεύεσθαι διαλλάξασ τοῖσ φεύγουσιν, οἰκίασ μὲν φυγάσι καὶ ὅσα τῶν κτημάτων ἄλλα ἃ ἐπέπρατο ἀποδούσ, τιμὴν δὲ τοῖσ πριαμένοισ διέλυσεν αὐτόσ. καὶ ‐ ἦν γὰρ δέοσ τοῖσ πᾶσιν Ἕλλησι Μακεδόνων καὶ Ἀντιγόνου Φίλιππον ἐπιτροπεύοντοσ τὸν Δημητρίου ‐ , τοῦδε ἕνεκα τοὺσ Σικυωνίουσ ἐσ τὸ Ἀχαιῶν συνέδριον ἐσήγαγε Δωριεῖσ ὄντασ.

αὐτίκα δὲ στρατηγὸσ ὑπὸ τῶν Ἀχαιῶν ᾕρητο, καὶ σφᾶσ ἐπὶ Λοκροὺσ τοὺσ Ἀμφισσέασ ἀγαγὼν καὶ ἐσ τὴν Αἰτωλῶν πολεμίων ὄντων τὴν γῆν ἐπόρθησε·

Κόρινθον δὲ ἔχοντοσ Ἀντιγόνου καὶ φρουρᾶσ Μακεδόνων ἐνούσησ τοὺσ Μακεδόνασ τῷ αἰφνιδίῳ τῆσ ἐπιθέσεωσ κατέπληξε καὶ ἄλλουσ τε κρατήσασ μάχῃ διέφθειρε καὶ Περσαῖον ἐπὶ τῇ φρουρᾷ τεταγμένον, ὃσ παρὰ Ζήνωνα τὸν Μνασέου κατὰ μάθησιν σοφίασ ἐφοίτησεν. ἐλευθερώσαντοσ δὲ Ἀράτου Κόρινθον προσεχώρησαν μὲν ἐσ τὸ συνέδριον Ἐπιδαύριοι καὶ Τροιζήνιοι οἱ τὴν Ἀργολίδα Ἀκτὴν οἰκοῦντεσ καὶ τῶν ἐκτὸσ ἰσθμοῦ Μεγαρεῖσ, συμμαχίαν δὲ πρὸσ Ἀχαιοὺσ Πτολεμαῖοσ ἐποιήσατο.

Λακεδαιμόνιοι δὲ καὶ Ἆγισ ὁ Εὐδαμίδου βασιλεὺσ ἔφθησαν μὲν Πελλήνην ἑλόντεσ ἐξ ἐπιδρομῆσ, ἥκοντι δὲ Ἀράτῳ καὶ τῇ στρατιᾷ συμβαλόντεσ ἐκρατήθησαν καὶ τὴν Πελλήνην ἐκλιπόντεσ ἀναχωροῦσιν οἴκαδε ὑπόσπονδοι. Ἄρατοσ δέ, ὥσ οἱ τὰ ἐν Πελοποννήσῳ προεκεχωρήκει, δεινὸν ἡγεῖτο Πειραιᾶ καὶ Μουνυχίαν, ἔτι δὲ Σαλαμῖνα καὶ Σούνιον ἐχόμενα ὑπὸ Μακεδόνων περιοφθῆναι, καὶ ‐ οὐ γὰρ ἤλπιζε δύνασθαι πρὸσ βίαν αὐτὰ ἐξελεῖν ‐ Διογένην πείθει τὸν ἐν τοῖσ φρουροῖσ ἄρχοντα ἀφεῖναι τὰ χωρία ἐπὶ ταλάντοισ πεντήκοντα καὶ ἑκατόν, καὶ τῶν χρημάτων συνετέλεσεν αὐτὸσ Ἀθηναίοισ ἕκτον μέροσ.

ἔπεισε δὲ καὶ Ἀριστόμαχον τυραννοῦντα ἐν Ἄργει δημοκρατίαν ἀποδόντα Ἀργείοισ ἐσ τὸ Ἀχαϊκὸν συντελεῖν, Μαντίνειάν τε Λακεδαιμονίων ἐχόντων εἷλεν. ἀλλὰ γὰρ οὐ πάντα ἀνθρώπῳ τελεῖται κατὰ γνώμην, εἰ δὴ καὶ Ἄρατον κατέλαβεν ἀνάγκη γενέσθαι Μακεδόνων καὶ Ἀντιγόνου σύμμαχον·

ἐγένετο δὲ οὕτωσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 8

(파우사니아스, Description of Greece, Κορινθιακά, chapter 8)

상위

목록

SEARCH

MENU NAVIGATION