헬라어 문장 검색 - Παυσαν́Δεσξριπ́2́11́

(파우사니아스, Description of Greece, Κορινθιακά, chapter 11)

ἐντεῦθεν δὲ ἀποτραπεῖσιν ἐπὶ πύλην καλουμένην Ιἑράν, οὐ πόρρω τῆσ πύλησ ναόσ ἐστιν Ἀθηνᾶσ, ὃν Ἐπωπεύσ ποτε ἀνέθηκε μεγέθει καὶ κόσμῳ τοὺσ τότε ὑπερβεβλημένον. ἔδει δὲ ἄρα χρόνῳ καὶ τοῦδε ἀφανισθῆναι τὴν μνήμην· κεραυνοῖσ θεὸσ αὐτὸν <κατέκαυσε,> βωμὸσ δὲ ἐκεῖνοσ ‐ οὐ γάρ τι ἐσ αὐτὸν κατέσκηψε ‐ μένει καὶ ἐσ τόδε οἱο͂ν Ἐπωπεὺσ ἐποίησε. πρὸ τοῦ βωμοῦ δὲ αὐτῷ μνῆμα Ἐπωπεῖ κέχωσται, καὶ τοῦ τάφου πλησίον εἰσὶν Ἀποτρόπαιοι θεοί· παρὰ τούτοισ δρῶσιν ὅσα Ἕλληνεσ ἐσ ἀποτροπὴν κακῶν νομίζουσιν. Ἐπωπέα δὲ καὶ Ἀρτέμιδι καὶ Ἀπόλλωνι τὸ πλησίον ἱερὸν ποιῆσαι λέγουσι, τὸ δὲ μετ’ αὐτὸ Ἥρασ Ἄδραστον· ἀγάλματα δὲ ὑπελείπετο οὐδετέρῳ. βωμοὺσ δὲ ὄπισθεν τοῦ Ἡραίου τὸν μὲν Πανὶ ᾠκοδόμησεν, Ἡλίῳ δὲ λίθου λευκοῦ. καταβαίνουσι δὲ ὡσ ἐπὶ τὸ πεδίον, ἱερόν ἐστιν ἐνταῦθα Δήμητροσ·

ἱδρῦσαι δέ φασιν αὐτὸ Πλημναῖον ἀποδιδόντα χάριν τῇ θεῷ τοῦ παιδὸσ τῆσ τροφῆσ. τοῦ δὲ ἱεροῦ τῆσ Ἥρασ, ἣν ἱδρύσατο Ἄδραστοσ, ὀλίγον ἀπωτέρω Καρνείου ναόσ ἐστιν Ἀπόλλωνοσ· κίονεσ δὲ ἑστήκασιν ἐν αὐτῷ μόνοι, τοίχουσ δὲ οὐκέτι οὐδὲ ὄροφον οὔτε ἐνταῦθα εὑρήσεισ οὔτε ἐν τῷ τῆσ Προδρομίασ Ἥρασ.

τοῦτον γὰρ δὴ Φάλκησ ἱδρύσατο ὁ Τημένου, τῆσ ὁδοῦ οἱ τῆσ ἐσ Σικυῶνα Ἥραν φάμενοσ ὁδηγὸν γενέσθαι. ἐκ Σικυῶνοσ δὲ τὴν κατ’ εὐθὺ ἐσ Φλιοῦντα ἐρχομένοισ καὶ ἐν ἀριστερᾷ τῆσ ὁδοῦ δέκα μάλιστα ἐκτραπεῖσι στάδια, Πυραία καλούμενόν ἐστιν ἄλσοσ, ἱερὸν δὲ ἐν αὐτῷ Προστασίασ Δήμητροσ καὶ Κόρησ.

ἐνταῦθα ἐφ’ αὑτῶν οἱ ἄνδρεσ ἑορτὴν ἄγουσι, τὸν δὲ Νυμφῶνα καλούμενον ταῖσ γυναιξὶν ἑορτάζειν παρείκασι· καὶ ἀγάλματα Διονύσου καὶ Δήμητροσ καὶ Κόρησ τὰ πρόσωπα φαίνοντα ἐν τῷ Νυμφῶνί ἐστιν. ἡ δὲ ἐσ Τιτάνην ὁδὸσ σταδίων μέν ἐστιν ἑξήκοντα καὶ ζεύγεσιν ἄβατοσ διὰ στενότητα· σταδίουσ <δὲ> προελθοῦσιν ἐμοὶ δοκεῖν εἴκοσι καὶ ἐν ἀριστερᾷ διαβᾶσι τὸν Ἀσωπόν, ἔστιν ἄλσοσ πρίνων καὶ ναὸσ θεῶν ἃσ Ἀθηναῖοι Σεμνὰσ, Σικυώνιοι δὲ Εὐμενίδασ ὀνομάζουσι·

κατὰ δὲ ἔτοσ ἕκαστον ἑορτὴν ἡμέρᾳ μιᾷ σφισιν ἄγουσι θύοντεσ πρόβατα ἐγκύμονα, μελικράτῳ δὲ σπονδῇ καὶ ἄνθεσιν ἀντὶ στεφάνων χρῆσθαι νομίζουσιν. ἐοικότα δὲ καὶ ἐπὶ τῷ βωμῷ τῶν Μοιρῶν δρῶσιν· ὁ δέ σφισιν ἐν ὑπαίθρῳ τοῦ ἄλσουσ ἐστίν. ἀναστρέψασι δὲ ἐσ τὴν ὁδὸν διαβᾶσί τε αὖθισ τὸν Ἀσωπὸν καὶ ἐσ κορυφὴν ὄρουσ ἥξασιν, ἐνταῦθα λέγουσιν οἱ ἐπιχώριοι Τιτᾶνα οἰκῆσαι πρῶτον·

εἶναι δὲ αὐτὸν ἀδελφὸν Ἡλίου καὶ ἀπὸ τούτου κληθῆναι Τιτάνην τὸ χωρίον.

δοκεῖν δὲ ἐμοὶ δεινὸσ ἐγένετο ὁ Τιτὰν τὰσ ὡρ́ασ τοῦ ἔτουσ φυλάξασ καὶ ὁπότε ἥλιοσ σπέρματα καὶ δένδρων αὔξει καὶ πεπαίνει καρπούσ, καὶ ἐπὶ τῷδε ἀδελφὸσ ἐνομίσθη τοῦ Ἡλίου. ὕστερον δὲ Ἀλεξάνωρ ὁ Μαχάονοσ τοῦ Ἀσκληπιοῦ παραγενόμενοσ ἐσ Σικυωνίαν ἐν Τιτάνῃ τὸ Ἀσκληπιεῖον ἐποίησε. περιοικοῦσι μὲν δὴ καὶ ἄλλοι καὶ τὸ πολὺ οἰκέται τοῦ θεοῦ, καὶ κυπαρίσσων ἐστὶν ἐντὸσ τοῦ περιβόλου δένδρα ἀρχαῖα·

τὸ δὲ ἄγαλμα οὔτε ὁποίου ξύλου γέγονεν ἢ μετάλλου μαθεῖν ἔστιν οὔτε τὸν ποιήσαντα ἴσασι, πλὴν εἰ μή τισ ἄρα ἐσ αὐτὸν τὸν Ἀλεξάνορα ἀναφέροι. φαίνεται δὲ τοῦ ἀγάλματοσ πρόσωπον μόνον καὶ ἄκραι χεῖρεσ καὶ πόδεσ· χιτὼν γάρ οἱ λευκὸσ ἐρεοῦσ καὶ ἱμάτιον ἐπιβέβληται. καὶ Ὑγείασ δ’ ἔστι κατὰ ταὐτὸν ἄγαλμα· οὐκ ἂν οὐδὲ τοῦτο ἴδοισ ῥᾳδίωσ, οὕτω περιέχουσιν αὐτὸ κόμαι τε γυναικῶν αἳ κείρονται τῇ θεῷ καὶ ἐσθῆτοσ Βαβυλωνίασ τελαμῶνεσ. ᾧ δ’ ἂν ἐνταῦθα τούτων ἱλάσασθαι θελήσῃ τισ, ἀποδέδεικταί οἱ τὸ αὐτὸ σέβεσθαι τοῦτο ὃ δὴ καὶ Ὑγείαν καλοῦσι. τῷ δὲ Ἀλεξάνορι καὶ Εὐαμερίωνι ‐ καὶ γὰρ τούτοισ ἀγάλματά ἐστι ‐ τῷ μὲν ὡσ ἡρ́ωι μετὰ ἥλιον δύναντα ἐναγίζουσιν, Εὐαμερίωνι δὲ ὡσ θεῷ θύουσιν.

εἰ δὲ ὀρθῶσ εἰκάζω, τὸν Εὐαμερίωνα τοῦτον Περγαμηνοὶ Τελεσφόρον ἐκ μαντεύματοσ, Ἐπιδαύριοι δὲ Ἄκεσιν ὀνομάζουσι. τῆσ δὲ Κορωνίδοσ ἔστι μὲν καὶ ταύτησ ξόανον, καθίδρυται δὲ οὐδαμοῦ τοῦ ναοῦ· θυομένων δὲ τῷ θεῷ ταύρου καὶ ἀρνὸσ καὶ ὑὸσ ἐσ Ἀθηνᾶσ ἱερὸν τὴν Κορωνίδα μετενεγκόντεσ ἐνταῦθα τιμῶσιν.

ὁπόσα δὲ τῶν θυομένων καθαγίζουσιν, οὐδὲ ἀποχρᾷ σφισιν ἐκτέμνειν τοὺσ μηρούσ· χαμαὶ δὲ καίουσι πλὴν τοὺσ ὄρνιθασ, τούτουσ δὲ ἐπὶ τοῦ βωμοῦ. τὰ δὲ ἐν τοῖσ ἀετοῖσ Ἡρακλῆσ καὶ Νῖκαι πρὸσ τοῖσ πέρασίν εἰσιν.

ἀνάκειται δὲ ἀγάλματα ἐν τῇ στοᾷ Διονύσου καὶ Ἑκάτησ, Ἀφροδίτη τε καὶ Μήτηρ θεῶν καὶ Τύχη· ταῦτα μὲν ξόανα, λίθου δὲ Ἀσκληπιὸσ ἐπίκλησιν Γορτύνιοσ. παρὰ δὲ τοὺσ δράκοντασ ἐσιέναι τοὺσ ἱεροὺσ οὐκ ἐθέλουσιν ὑπὸ δείματοσ· καταθέντεσ δέ σφισι πρὸ τῆσ ἐσόδου τροφὴν οὐκέτι πολυπραγμονοῦσι. κεῖται δὲ χαλκοῦσ ἀνὴρ ἐντὸσ τοῦ περιβόλου Γρανιανὸσ Σικυώνιοσ, ὃσ νίκασ ἀνείλετο Ὀλυμπίασι δύο μὲν πεντάθλου καὶ σταδίου τὴν τρίτην, διαύλου δὲ ἀμφότερα καὶ γυμνὸσ καὶ μετὰ τῆσ ἀσπίδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Κορινθιακά, chapter 11

(파우사니아스, Description of Greece, Κορινθιακά, chapter 11)

상위

목록

SEARCH

MENU NAVIGATION