헬라어 문장 검색 - ΠολψβίΗιστορί01́061́

(폴리비오스, Histories, book 1, chapter 61)

ρον κατέστησε τοῖσ πολεμίοισ τὸν στόλον. οἱ δὲ Καρχηδόνιοι κατιδόντεσ τὸν διάπλουν αὐτῶν προκατέχοντασ τοὺσ Ῥωμαίουσ, καθελόμενοι τοὺσ ἱστοὺσ καὶ παρακαλέσαντεσ κατὰ ναῦν σφᾶσ αὐτοὺσ συνέβαλλον τοῖσ ὑπεναντίοισ. τῆσ δ’ ἑκατέρων παρασκευῆσ τὴν ἐναντίαν ἐχούσησ διάθεσιν τῇ περὶ τὰ Δρέπανα γενομένῃ ναυμαχίᾳ, καὶ τὸ τέλοσ ἑκατέροισ τῆσ μάχησ εἰκότωσ ἐναντίον ἀπέβη.

Ῥωμαῖοι μὲν γὰρ τήν τε ναυπηγίαν μετειλήφεσαν καὶ τὰ βάρη πάντα χωρὶσ τῶν πρὸσ τὴν ναυμαχίαν ἐπιτηδείων ἐξετέθειντο·

τά τε πληρώματα συγκεκροτημένα διαφέρουσαν αὐτοῖσ τὴν χρείαν παρείχετο, τούσ τ’ ἐπιβάτασ κατ’ ἐκλογὴν ἄνδρασ ἀπαραχωρήτουσ ἐκ τῶν πεζικῶν στρατοπέδων εἶχον. περὶ δὲ τοὺσ Καρχηδονίουσ τἀναντία τούτοισ ὑπῆρχεν.

αἱ μὲν γὰρ νῆεσ γέμουσαι δυσχρήστωσ διέκειντο πρὸσ τὸν κίνδυνον, τὰ δὲ πληρώματα τελέωσ ἦν ἀνάσκητα καὶ πρὸσ καιρὸν ἐμβεβλημένα, τὰ δ’ ἐπιβατικὰ νεοσύλλογα καὶ πρωτόπειρα πάσησ κακοπαθείασ καὶ παντὸσ δεινοῦ. διὰ γὰρ τὸ μηδέποτ’ ἂν ἔτι τοὺσ Ῥωμαίουσ ἐλπίσαι τῆσ θαλάττησ ἀντιποιήσασθαι καταφρονήσαντεσ ὠλιγώρουν τῶν ναυτικῶν δυνάμεων.

τοιγαροῦν ἅμα τῷ συμβαλεῖν κατὰ πολλὰ μέρη τῆσ μάχησ ἐλαττούμενοι ταχέωσ ἐλείφθησαν, καὶ πεντήκοντα μὲν αὐτῶν ναῦσ κατέδυσαν, ἑβδομήκοντα δ’ ἑάλωσαν αὔτανδροι·

τὸ δὲ λοιπὸν πλῆθοσ ἐπαράμενον τοὺσ ἱστοὺσ καὶ κατουρῶσαν αὖθισ ἀπεχώρει πρὸσ τὴν Ιἑρὰν νῆσον, εὐτυχῶσ καὶ παραδόξωσ ἐκ μεταβολῆσ αὐτοῖσ πρὸσ τὸν δέοντα καιρὸν τοῦ πνεύματοσ συνεργήσαντοσ.

Ὁ μὲν οὖν τῶν Ῥωμαίων στρατηγὸσ ἀποπλεύσασ πρὸσ τὸ Λιλύβαιον καὶ τὰ στρατόπεδα περὶ τὴν τῶν αἰχμαλώτων πλοίων καὶ τῶν σωμάτων οἰκονομίαν ἐγίνετο, μεγάλην οὖσαν·

οὐ γὰρ πολὺ τῶν μυρίων ἔλειπε σωμάτων τὰ ληφθέντα ζωγρίᾳ κατὰ τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 1, chapter 61

(폴리비오스, Histories, book 1, chapter 61)

상위

목록

SEARCH

MENU NAVIGATION