Polybius, Histories, book 1, chapter 15

(폴리비오스, Histories, book 1, chapter 15)

ἡμῶν εἰρημένα σκοπεῖν ἐκ τούτων πάρεστιν. ὁ γὰρ Φιλῖνοσ ἀρχόμενοσ ἅμα τῶν πραγμάτων καὶ τῆσ δευτέρασ βύβλου φησὶ προσκαθῆσθαι τῇ Μεσσήνῃ πολεμοῦντασ τούσ τε Καρχηδονίουσ καὶ τοὺσ Συρακοσίουσ, παραγενομένουσ δὲ τοὺσ Ῥωμαίουσ κατὰ θάλατταν εἰσ τὴν πόλιν εὐθὺσ ἐξελθεῖν ἐπὶ τοὺσ Συρακοσίουσ· λαβόντασ δὲ πολλὰσ πληγὰσ ἐπανελθεῖν εἰσ τὴν Μεσσήνην·

αὖθισ δ’ ἐπὶ τοὺσ Καρχηδονίουσ ἐκπορευθέντασ οὐ μόνον πληγὰσ λαβεῖν, ἀλλὰ καὶ ζωγρίᾳ τῶν στρατιωτῶν ἱκανοὺσ ἀποβαλεῖν. ταῦτα δ’ εἰπὼν τὸν μὲν Ιἕρωνά φησι μετὰ τὴν γενομένην συμπλοκὴν οὕτωσ ἔξω γενέσθαι τοῦ φρονεῖν ὥστε μὴ μόνον παραχρῆμα τὸν χάρακα καὶ τὰσ σκηνὰσ ἐμπρήσαντα φυγεῖν νυκτὸσ εἰσ τὰσ Συρακούσασ, ἀλλὰ καὶ τὰ φρούρια πάντα καταλιπεῖν τὰ κείμενα κατὰ τῆσ τῶν Μεσσηνίων χώρασ·

ὁμοίωσ δὲ καὶ τοὺσ Καρχηδονίουσ μετὰ τὴν μάχην εὐθέωσ ἐκλιπόντασ τὸν χάρακα διελεῖν σφᾶσ εἰσ τὰσ πόλεισ, τῶν δ’ ὑπαίθρων οὐδ’ ἀντιποιεῖσθαι τολμᾶν ἔτι·

διὸ καὶ συνθεωρήσαντασ τοὺσ ἡγουμένουσ αὐτῶν ἀποδεδειλιακότασ τοὺσ ὄχλουσ βουλεύσασθαι μὴ κρίνειν διὰ μάχησ τὰ πράγματα· τοὺσ δὲ Ῥωμαίουσ ἑπομένουσ αὐτοῖσ οὐ μόνον τὴν χώραν πορθεῖν τῶν Καρχηδονίων καὶ Συρακοσίων, ἀλλὰ καὶ τὰσ Συρακούσασ αὐτὰσ προσκαθίσαντασ ἐπιβαλέσθαι πολιορκεῖν.

ταῦτα δ’, ὡσ ἐμοὶ δοκεῖ, τῆσ πάσησ ἐστὶν ἀλογίασ πλήρη καὶ διαστολῆσ οὐ προσδεῖται τὸ παράπαν.

οὓσ μὲν γὰρ πολιορκοῦντασ τὴν Μεσσήνην καὶ νικῶντασ ἐν ταῖσ συμπλοκαῖσ ὑπέθετο, τούτουσ φεύγοντασ καὶ τῶν ὑπαίθρων ἐκχωροῦντασ καὶ τέλοσ πολιορκουμένουσ καὶ ταῖσ ψυχαῖσ ἀποδεδειλιακότασ ἀπέφηνεν·

οὓσ δ’ ἡττωμένουσ καὶ πολιορκουμένουσ ὑπεστήσατο, τούτουσ διώκοντασ καὶ παραχρῆμα κρατοῦντασ τῶν ὑπαίθρων καὶ τέλοσ πολιορκοῦντασ τὰσ Συρακούσασ ἀπέδειξε.

ταῦτα δὲ συνᾴδειν ἀλλήλοισ οὐδαμῶσ δύναται·

πῶσ γάρ; ἀλλ’ ἀναγκαῖον ἢ τὰσ ὑποθέσεισ εἶναι τὰσ πρώτασ ψευδεῖσ ἢ τὰσ ὑπὲρ τῶν συμβαινόντων ἀποφάσεισ. εἰσὶ δ’ αὗται μὲν ἀληθεῖσ·

καὶ γὰρ ἐξεχώρησαν οἱ Καρχηδόνιοι καὶ Συρακόσιοι τῶν ὑπαίθρων, καὶ τὰσ Συρακούσασ ἐπολέμουν οἱ Ῥωμαῖοι κατὰ πόδασ, ὡσ δ’ οὗτόσ φησι, καὶ τὴν Ἐχέτλαν, ἐν μέσῃ κειμένην τῇ τῶν Συρακοσίων καὶ Καρχηδονίων ἐπαρχίᾳ. λοιπὸν ἀνάγκη συγχωρεῖν τὰσ ἀρχὰσ καὶ τὰσ ὑποθέσεισ εἶναι ψευδεῖσ, καὶ νικώντων εὐθέωσ τῶν Ῥωμαίων ἐν ταῖσ περὶ τὴν Μεσσήνην συμπλοκαῖσ ἡττημένουσ αὐτοὺσ ἡμῖν ὑπὸ τοῦ συγγραφέωσ ἀπηγγέλθαι.

Φιλῖνον μὲν οὖν παρ’ ὅλην ἄν τισ τὴν πραγματείαν εὑρ́οι τοιοῦτον ὄντα, παραπλησίωσ δὲ καὶ Φάβιον, ὡσ ἐπ’ αὐτῶν δειχθήσεται τῶν καιρῶν.

ἡμεῖσ δ’ ἐπειδὴ τοὺσ ἁρμόζοντασ πεποιήμεθα λόγουσ ὑπὲρ τῆσ παρεκβάσεωσ, ἐπανελθόντεσ ἐπὶ τὰσ πράξεισ πειρασόμεθα προστιθέντεσ ἀεὶ τὸν ἑξῆσ λόγον εἰσ ἀληθινὰσ ἐννοίασ ἄγειν διὰ βραχέων τοὺσ ἐντυγχάνοντασ ὑπὲρ τοῦ προειρημένου πολέμου.

일치하는 문장이 없습니다.

SEARCH

MENU NAVIGATION