헬라어 문장 검색 - ΠολψβίΗιστορί01́037́

(폴리비오스, Histories, book 1, chapter 37)

δοσ ἔπλεον αὖθισ ἐπὶ τῆσ Σικελίασ. διάραντεσ δὲ τὸν πόρον ἀσφαλῶσ καὶ προσμίξαντεσ τῇ τῶν Καμαριναίων χώρᾳ τηλικούτῳ περιέπεσον χειμῶνι καὶ τηλικαύταισ συμφοραῖσ ὥστε μηδ’ ἂν εἰπεῖν ἀξίωσ δύνασθαι διὰ τὴν ὑπερβολὴν τοῦ συμβάντοσ. τῶν γὰρ ἑξήκοντα καὶ τεττάρων πρὸσ ταῖσ τριακοσίαισ ναυσὶν ὀγδοήκοντα μόνον συνέβη περιλειφθῆναι σκάφη, τῶν δὲ λοιπῶν τὰ μὲν ὑποβρύχια γενέσθαι, τὰ δ’ ὑπὸ τῆσ ῥαχίασ πρὸσ ταῖσ σπιλάσι καὶ τοῖσ ἀκρωτηρίοισ καταγνύμενα πλήρη ποιῆσαι σωμάτων τὴν παραλίαν καὶ ναυαγίων.

ταύτησ δὲ μείζω περιπέτειαν ἐν ἑνὶ καιρῷ κατὰ θάλατταν οὐδ’ ἱστορῆσθαι συμβέβηκεν.

ἧσ τὴν αἰτίαν οὐχ οὕτωσ εἰσ τὴν τύχην ὡσ εἰσ τοὺσ ἡγεμόνασ ἐπανοιστέον· πολλὰ γὰρ τῶν κυβερνητῶν διαμαρτυραμένων μὴ πλεῖν παρὰ τὴν ἔξω πλευρὰν τῆσ Σικελίασ τὴν πρὸσ τὸ Λιβυκὸν πέλαγοσ ἐστραμμένην διὰ τὸ τραχεῖαν εἶναι καὶ δυσπροσόρμιστον, ἅμα δὲ καὶ τὴν μὲν οὐδέπω καταλήγειν ἐπισημασίαν, τὴν δ’ ἐπιφέρεσθαι·

καὶ κυνὸσ ἐπιτολῆσ οὐθενὶ προσσχόντεσ τῶν λεγομένων ἔπλεον ἔξω πελάγιοι, σπουδάζοντέσ τινασ τῶν ἐν τῷ παράπλῳ πόλεισ τῇ τοῦ γεγονότοσ εὐτυχήματοσ φαντασίᾳ καταπληξάμενοι προσλαβέσθαι.

πλὴν οὗτοι μὲν μικρῶν ἐλπίδων ἕνεκα μεγάλοισ περιτυχόντεσ ἀτυχήμασι τότε τὴν αὑτῶν ἀβουλίαν ἔγνωσαν.

καθόλου δὲ Ῥωμαῖοι πρὸσ πάντα χρώμενοι τῇ βίᾳ καὶ τὸ προτεθὲν οἰόμενοι δεῖν κατ’ ἀνάγκην ἐπιτελεῖν καὶ μηδὲν ἀδύνατον εἶναι σφίσι τῶν ἅπαξ δοξάντων, ἐν πολλοῖσ μὲν κατορθοῦσι διὰ τὴν τοιαύτην ὁρμήν, ἐν τισὶ δὲ προφανῶσ σφάλλονται, καὶ μάλιστ’ ἐν τοῖσ κατὰ θάλατταν.

ἐπὶ μὲν γὰρ τῆσ γῆσ πρὸσ ἀνθρώπουσ καὶ τὰ τούτων ἔργα ποιούμενοι τὰσ ἐπιβολὰσ τὰ μὲν πολλὰ κατορθοῦσι διὰ τὸ πρὸσ παραπλησίουσ δυνάμεισ χρῆσθαι τῇ βίᾳ, ποτὲ δὲ καὶ σπανίωσ ἀποτυγχάνουσι·

πρὸσ δὲ τὴν θάλατταν καὶ πρὸσ τὸ περιέχον ὅταν παραβάλλωνται καὶ βιαιομαχῶσι, μεγάλοισ ἐλαττώμασι περιπίπτουσιν.

ὃ καὶ τότε καὶ πλεονάκισ αὐτοῖσ ἤδη συνέβη καὶ συμβήσεται πάσχειν, ἑώσ ἄν ποτε διορθώσωνται τὴν τοιαύτην τόλμαν καὶ βίαν, καθ’ ἣν οἰόνται δεῖν αὑτοῖσ πάντα καιρὸν εἶναι πλωτὸν καὶ πορευτόν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 37

(폴리비오스, Histories, book 1, chapter 37)

상위

목록

SEARCH

MENU NAVIGATION