호흡부호 보기
강세부호 보기
장단부호 보기
작은 Iota 보기
모든 부호 보기
Πράξασ δὲ τὰ προδεδηλωμένα τοῖσ μὲν Καρχηδονίοισ αὖθισ ἐλπίδα παρέστησε μεγάλην πρὸσ τὸ βέλτιον, καίπερ ἀπεγνωκόσιν ἤδη τὴν σωτηρίαν· αὐτὸσ δὲ μετὰ Ναραύα καὶ μετ’ Ἀννίβου τὴν χώραν ἐπῄει καὶ τὰσ πόλεισ. προσχωρούντων δὲ καὶ μετατιθεμένων πρὸσ αὐτοὺσ τῶν Λιβύων διὰ τὸ γεγονὸσ εὐτύχημα, ποιησάμενοι τὰσ πλείστασ πόλεισ ὑφ’ ἑαυτοὺσ ἧκον ἐπὶ τὸν Τύνητα καὶ πολιορκεῖν ἐνεχείρησαν τοὺσ περὶ τὸν Μάθω.
κατὰ μὲν οὖν τὴν ἀπὸ Καρχηδόνοσ πλευρὰν προσεστρατοπέδευσεν Ἀννίβασ, κατὰ δὲ τὴν ἀπέναντι ταύτησ Ἀμίλκασ.
μετὰ δὲ ταῦτα προσαγαγόντεσ πρὸσ τὰ τείχη τοὺσ περὶ τὸν Σπένδιον αἰχμαλώτουσ ἐσταύρωσαν ἐπιφανῶσ.
οἱ δὲ περὶ τὸν Μάθω κατανοήσαντεσ τὸν Ἀννίβαν ῥᾳθύμωσ καὶ κατατεθαρρηκότωσ ἀναστρεφόμενον, ἐπιθέμενοι τῷ χάρακι πολλοὺσ μὲν τῶν Καρχηδονίων ἀπέκτειναν, πάντασ δ’ ἐξέβαλον ἐκ τῆσ στρατοπεδείασ, ἐκυρίευσαν δὲ καὶ τῆσ ἀποσκευῆσ ἁπάσησ, ἔλαβον δὲ καὶ τὸν στρατηγὸν Ἀννίβαν ζωγρίᾳ.
τῆσ τύχησ ὥσπερ ἐπίτηδεσ ἐκ παραθέσεωσ ἀμφοτέροισ ἐναλλὰξ διδούσησ ἀφορμὰσ εἰσ ὑπερβολὴν τῆσ κατ’ ἀλλήλων τιμωρίασ.
ὁ δὲ Βάρκασ ὀψὲ μὲν συνῆκε τὴν ἐπίθεσιν τῶν ἐκ τῆσ πόλεωσ διὰ τὴν ἀπόστασιν τῶν στρατοπέδων·
οὐδὲ μὴν συνεὶσ οὐδ’ οὕτωσ κατετάχει πρὸσ τὴν βοήθειαν διὰ τὰσ μεταξὺ δυσχωρίασ. διόπερ ἀναζεύξασ ἀπὸ τοῦ Τύνητοσ καὶ παρελθὼν ἐπὶ τὸν Μακάραν ποταμὸν κατεστρατοπέδευσε πρὸσ τῷ στόματι τοῦ ποταμοῦ καὶ τῇ θαλάττῃ.
호흡부호 보기
강세부호 보기
장단부호 보기
작은 Iota 보기
모든 부호 보기