Polybius, Histories, book 1, chapter 83

(폴리비오스, Histories, book 1, chapter 83)

τούτοισ ἦν. οἱ δὲ Καρχηδόνιοι περικλειόμενοι πανταχόθεν ἠναγκάζοντο καταφεύγειν ἐπὶ τὰσ συμμαχίδων πόλεων ἐλπίδασ. τότε δὲ καὶ μᾶλλον ἐφιλοτιμεῖτο, πεπεισμένοσ συμφέρειν ἑαυτῷ καὶ πρὸσ τὴν ἐν Σικελίᾳ δυναστείαν καὶ πρὸσ τὴν Ῥωμαίων φιλίαν τὸ σῴζεσθαι Καρχηδονίουσ, ἵνα μὴ παντάπασιν ἐξῇ τὸ προτεθὲν ἀκονιτὶ συντελεῖσθαι τοῖσ ἰσχύουσι, πάνυ φρονίμωσ καὶ νουνεχῶσ λογιζόμενοσ.

οὐδέποτε γὰρ χρὴ τὰ τοιαῦτα παρορᾶν οὐδὲ τηλικαύτην οὐδενὶ συγκατασκευάζειν δυναστείαν, πρὸσ ἣν οὐδὲ περὶ τῶν ὁμολογουμένων ἐξέσται δικαίων ἀμφισβητεῖν.

οὐ μὴν ἀλλὰ καὶ Ῥωμαῖοι τηροῦντεσ τὰ κατὰ τὰσ συνθήκασ δίκαια προθυμίασ οὐδὲν ἀπέλειπον.

ἐν ἀρχαῖσ μὲν γὰρ ἐγένετό τισ ἀμφισβήτησισ ἐξ ἀμφοῖν διά τινασ τοιαύτασ αἰτίασ.

τῶν Καρχηδονίων τοὺσ πλέοντασ ἐξ Ἰταλίασ εἰσ Λιβύην καὶ χορηγοῦντασ τοῖσ πολεμίοισ καταγόντων ὡσ αὑτούσ, καὶ σχεδὸν ἁθροισθέντων τούτων εἰσ τὴν φυλακὴν εἰσ τοὺσ πεντακοσίουσ, ἠγανάκτησαν οἱ Ῥωμαῖοι.

μετὰ δὲ ταῦτα διαπρεσβευσάμενοι καὶ κομισάμενοι διὰ λόγου πάντασ ἐπὶ τοσοῦτον εὐδόκησαν ὥστε παραχρῆμα τοῖσ Καρχηδονίοισ ἀντιδωρήσασθαι τοὺσ ὑπολειπομένουσ παρ’ αὐτοῖσ αἰχμαλώτουσ ἐκ τοῦ περὶ Σικελίαν πολέμου.

ἀπὸ δὲ τούτου τοῦ καιροῦ πρὸσ ἕκαστα τῶν παρακαλουμένων ἑτοίμωσ καὶ φιλανθρώπωσ ὑπήκουον.

διὸ καὶ πρὸσ μὲν τοὺσ Καρχηδονίουσ ἐπέτρεψαν τοῖσ ἐμπόροισ ἐξαγαγεῖν αἰεὶ τὸ κατεπεῖγον, πρὸσ δὲ τοὺσ πολεμίουσ ἐκώλυσαν.

μετὰ δὲ ταῦτα τῶν μὲν ἐν τῇ Σαρδόνι μισθοφόρων, καθ’ ὃν καιρὸν ἀπὸ τῶν Καρχηδονίων ἀπέστησαν, ἐπισπωμένων αὐτοὺσ ἐπὶ τὴν νῆσον οὐχ ὑπήκουσαν·

τῶν δ’ Ἰτυκαίων ἐγχειριζόντων σφᾶσ, οὐ προσεδέξαντο, τηροῦντεσ τὰ κατὰ τὰσ συνθήκασ δίκαια.

일치하는 문장이 없습니다.

SEARCH

MENU NAVIGATION