Polybius, Histories, book 1, chapter 5

(폴리비오스, Histories, book 1, chapter 5)

Ὑποθησόμεθα δὲ ταύτησ ἀρχὴν τῆσ βύβλου τὴν πρώτην διάβασιν ἐξ Ἰταλίασ Ῥωμαίων. αὕτη δ’ ἔστιν συνεχὴσ μὲν τοῖσ ἀφ’ ὧν Τίμαιοσ ἀπέλιπεν, πίπτει δὲ κατὰ τὴν ἐνάτην καὶ εἰκοστὴν πρὸσ ταῖσ ἑκατὸν ὀλυμπιάδα. διὸ καὶ ῥητέον ἂν εἰή πῶσ καὶ πότε συστησάμενοι τὰ κατὰ τὴν Ἰταλίαν καὶ τίσιν ἀφορμαῖσ μετὰ ταῦτα χρησάμενοι διαβαίνειν ὡρ́μησαν εἰσ Σικελίαν·

ταύτῃ γὰρ τῇ γῇ πρῶτον ἐπέβησαν τῶν ἐκτὸσ τόπων τῆσ Ἰταλίασ. καὶ ῥητέον αὐτὴν τὴν τῆσ διαβάσεωσ αἰτίαν ψιλῶσ, ἵνα μὴ τῆσ αἰτίασ αἰτίαν ἐπιζητούσησ ἀνυπόστατοσ ἡ τῆσ ὅλησ ὑποθέσεωσ ἀρχὴ γένηται καὶ θεωρία.

ληπτέον δὲ καὶ τοῖσ καιροῖσ ὁμολογουμένην καὶ γνωριζομένην ἀρχὴν παρ’ ἅπασι καὶ τοῖσ πράγμασι δυναμένην αὐτὴν ἐξ αὑτῆσ θεωρεῖσθαι, κἂν δέῃ τοῖσ χρόνοισ βραχὺ προσαναδραμόντασ κεφαλαιώδη τῶν μεταξὺ πράξεων ποιήσασθαι τὴν ἀνάμνησιν.

τῆσ γὰρ ἀρχῆσ ἀγνοουμένησ ἢ καὶ νὴ Δί’ ἀμφισβητουμένησ οὐδὲ τῶν ἑξῆσ οὐδὲν οἱο͂́ν τε παραδοχῆσ ἀξιωθῆναι καὶ πίστεωσ·

ὅταν δ’ ἡ περὶ ταύτησ ὁμολογουμένη παρασκευασθῇ δόξα, τότ’ ἤδη καὶ πᾶσ ὁ συνεχὴσ λόγοσ ἀποδοχῆσ τυγχάνει παρὰ τοῖσ ἀκούουσιν.

일치하는 문장이 없습니다.

SEARCH

MENU NAVIGATION