Polybius, Histories, book 1, chapter 73

(폴리비오스, Histories, book 1, chapter 73)

Οὐ μὴν ἀλλὰ καίπερ ἐν τοιούτοισ κακοῖσ ὄντεσ οἱ Καρχηδόνιοι, προστησάμενοι τὸν Ἄννωνα στρατηγὸν διὰ τὸ δοκεῖν τοῦτον καὶ πρότερον αὐτοῖσ τὰ κατὰ τὴν Ἑκατοντάπυλον τῆσ Λιβύησ καταστρέψασθαι, συνήθροιζον μὲν μισθοφόρουσ, καθώπλιζον δὲ τοὺσ ἐν ταῖσ ἡλικίαισ τῶν πολιτῶν· ἐγύμναζον δὲ καὶ συνέταττον τοὺσ πολιτικοὺσ ἱππεῖσ·

παρεσκεύαζον δὲ καὶ τὰ περιλιπῆ τῶν πλοίων, τριήρεισ καὶ πεντηκοντόρουσ καὶ τὰ μέγιστα τῶν ἀκατίων. οἱ δὲ περὶ τὸν Μάθω, παραγενομένων αὐτοῖσ εἰσ ἑπτὰ μυριάδασ Λιβύων, ἐπιδιελόντεσ τούτουσ, ἀσφαλῶσ ἐπολιόρκουν τοὺσ Ἰτυκαίουσ καὶ τοὺσ Ἱππακρίτασ, βεβαίωσ δὲ τὴν ἐν τῷ Τύνητι στρατοπεδείαν κατεῖχον, ἀποκεκλείκεσαν δὲ τοὺσ Καρχηδονίουσ ἁπάσησ τῆσ ἐκτὸσ Λιβύησ.

ἡ γὰρ Καρχηδὼν αὐτὴ μὲν ἐν κόλπῳ κεῖται, προτείνουσα καὶ χερρονησίζουσα τῇ θέσει, τὸ μὲν τῇ θαλάττῃ τὸ δέ τι καὶ λίμνῃ περιεχομένη κατὰ τὸ πλεῖστον·

ὁ δὲ συνάπτων ἰσθμὸσ αὐτὴν τῇ Λιβύῃ τὸ πλάτοσ ὡσ εἴκοσι καὶ πέντε σταδίων ἐστιν.

τούτου δ’ ἐπὶ μὲν τοῦ πρὸσ τὸ πέλαγοσ νεύοντοσ μέρουσ οὐ μακρὰν ἡ τῶν Ἰτυκαίων κεῖται πόλισ, ἐπὶ δὲ θατέρου παρὰ τὴν λίμνην ὁ Τύνησ.

일치하는 문장이 없습니다.

SEARCH

MENU NAVIGATION