호흡부호 보기
강세부호 보기
장단부호 보기
작은 Iota 보기
모든 부호 보기
ἐν ᾧ Λακεδαιμόνιοι μὲν τὴν ἐπ’ Ἀνταλκίδου λεγομένην εἰρήνην πρὸσ βασιλέα τῶν Περσῶν ἐκύρωσαν καὶ πρεσβύτεροσ Διονύσιοσ τῇ περὶ τὸν Ἐλλέπορον ποταμὸν μάχῃ νενικηκὼσ τοὺσ κατὰ τὴν Ἰταλίαν Ἕλληνασ ἐπολιόρκει Ῥήγιον, Γαλάται δὲ κατὰ κράτοσ ἑλόντεσ αὐτὴν τὴν Ῥώμην κατεῖχον πλὴν τοῦ Καπετωλίου. πρὸσ οὓσ ποιησάμενοι Ῥωμαῖοι σπονδὰσ καὶ διαλύσεισ εὐδοκουμένασ Γαλάταισ καὶ γενόμενοι πάλιν ἀνελπίστωσ τῆσ πατρίδοσ ἐγκρατεῖσ καὶ λαβόντεσ οἱο͂ν ἀρχὴν τῆσ συναυξήσεωσ ἐπολέμουν ἐν τοῖσ ἑξῆσ χρόνοισ πρὸσ τοὺσ ἀστυγείτονασ.
γενόμενοι δ’ ἐγκρατεῖσ ἁπάντων τῶν Λατίνων διά τε τὴν ἀνδρείαν καὶ τὴν ἐν ταῖσ μάχαισ ἐπιτυχίαν μετὰ ταῦτ’ ἐπολέμουν Τυρρηνοῖσ, ἔπειτα Κελτοῖσ, ἑξῆσ δὲ Σαυνίταισ τοῖσ πρόσ τε τὰσ ἀνατολὰσ καὶ τὰσ ἄρκτουσ συντερμονοῦσι τῇ τῶν Λατίνων χώρᾳ.
Ῥωμαῖοι Τυρρηνοὺσ μὲν καὶ Σαυνίτασ ὑφ’ αὑτοὺσ πεποιημένοι, τοὺσ δὲ κατὰ τὴν Ἰταλίαν Κελτοὺσ πολλαῖσ μάχαισ ἤδη νενικηκότεσ, τότε πρῶτον ἐπὶ τὰ λοιπὰ μέρη τῆσ Ἰταλίασ ὡρ́μησαν, οὐχ ὡσ ὑπὲρ ὀθνείων, ἐπὶ δὲ τὸ πλεῖον ὡσ ὑπὲρ ἰδίων ἤδη καὶ καθηκόντων σφίσι πολεμήσοντεσ, ἀθληταὶ γεγονότεσ ἀληθινοὶ τῶν κατὰ τὸν πόλεμον ἔργων ἐκ τῶν πρὸσ τοὺσ Σαυνίτασ καὶ Κελτοὺσ ἀγώνων.
ὑποστάντεσ δὲ γενναίωσ τὸν πόλεμον τοῦτον καὶ τὸ τελευταῖον τάσ τε δυνάμεισ καὶ Πύρρον ἐκβαλόντεσ ἐκ τῆσ Ἰταλίασ αὖθισ ἐπολέμουν καὶ κατεστρέφοντο τοὺσ κοινωνήσαντασ Πύρρῳ τῶν πραγμάτων.
γενόμενοι δὲ παραδόξωσ ἁπάντων ἐγκρατεῖσ καὶ ποιησάμενοι τοὺσ τὴν Ἰταλίαν οἰκοῦντασ ὑφ’ αὑτοὺσ πλὴν Κελτῶν μετὰ ταῦτα πολιορκεῖν ἐνεχείρησαν τοὺσ τότε κατέχοντασ τὸ Ῥήγιον Ῥωμαίουσ.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기