헬라어 문장 검색 - ΠολψβίΗιστορί01́076́

(폴리비오스, Histories, book 1, chapter 76)

τὴν γέφυραν φυλάττοντασ. οἱ δὲ περὶ τὸν Σπένδιον συνέντεσ τὸ γεγονὸσ ἀπήντων εἰσ τὸ πεδίον καὶ παρεβοήθουν ἀλλήλοισ, οἱ μὲν ἐκ τῆσ περὶ τὴν γέφυραν πόλεωσ ὄντεσ οὐκ ἐλάττουσ μυρίων, οἱ δ’ ἀπὸ τῆσ Ἰτύκησ ὑπὲρ τοὺσ μυρίουσ καὶ πεντακισχιλίουσ. ἐπεὶ δ’ εἰσ σύνοπτον ἧκον ἀλλήλοισ, νομίσαντεσ ἐν μέσῳ τοὺσ Καρχηδονίουσ ἀπειληφέναι, σπουδῇ παρηγγύων ἅμα παρακαλοῦντεσ σφᾶσ αὐτοὺσ καὶ συνῆπτον τοῖσ πολεμίοισ.

ὁ δ’ Ἀμίλκασ ἦγε μὲν τὴν πορείαν πρώτουσ ἔχων τοὺσ ἐλέφαντασ, ἐπὶ δὲ τούτοισ τοὺσ ἱππεῖσ καὶ τοὺσ εὐζώνουσ, τελευταῖα δὲ τὰ βαρέα τῶν ὅπλων.

κατιδὼν δὲ προχειρότερον ἐπιφερομένουσ τοὺσ ὑπεναντίουσ, ἀναστρέφειν παρήγγειλε πᾶσι τοῖσ ἑαυτοῦ.

καὶ τοὺσ μὲν ἀπὸ τῆσ πρωτοπορείασ ἀναστρέψαντασ σπουδῇ ποιεῖσθαι τὴν ἀποχώρησιν ἐκέλευσε·

τοὺσ δ’ ἐπὶ τῆσ οὐραγίασ ἐξ ἀρχῆσ ὑπάρχοντασ ἐξ ἐπιστροφῆσ περισπῶν ἐξέταττε πρὸσ τὴν τῶν πολεμίων ἐπιφάνειαν. οἱ δὲ Λίβυεσ καὶ μισθοφόροι νομίσαντεσ αὐτοὺσ καταπεπληγμένουσ φυγεῖν, λύσαντεσ τὴν τάξιν ἐπέκειντο καὶ συνῆπτον εἰσ τὰσ χεῖρασ ἐρρωμένωσ.

ἅμα δὲ τῷ τοὺσ ἱππεῖσ συνεγγίσαντασ τοῖσ παρατεταγμένοισ ἐκ μεταβολῆσ ὑποστῆναι, τὴν δὲ λοιπὴν δύναμιν ἐπάγειν, ἐκπλαγεῖσ γινόμενοι διὰ τὸ παράδοξον οἱ Λίβυεσ ἐγκλίναντεσ εὐθέωσ ἔφευγον, ὡσ ἂν εἰκῇ καὶ σποράδην ἐπικείμενοι.

λοιπὸν οἱ μὲν τοῖσ κατόπιν ἐπιφερομένοισ περιπίπτοντεσ ἐσφάλλοντο καὶ διέφθειρον αὑτούσ τε καὶ τοὺσ οἰκείουσ·

οἱ δὲ πλείουσ συνεπατήθησαν, ἐκ χειρὸσ τῶν ἱππέων ἐπικειμένων αὐτοῖσ καὶ τῶν θηρίων. ἀπώλοντο μὲν οὖν εἰσ ἑξακισχιλίουσ τῶν Λιβύων καὶ τῶν ξένων, ἑάλωσαν δὲ περὶ δισχιλίουσ·

οἱ δὲ λοιποὶ διέφυγον, οἱ μὲν εἰσ τὴν πρὸσ τῇ γεφύρᾳ πόλιν, οἱ δ’ ἐπὶ τὴν πρὸσ Ἰτύκῃ παρεμβολήν. Ἀμίλκασ δὲ ποιήσασ τὸ προτέρημα τὸν προειρημένον τρόπον, εἵπετο κατὰ πόδασ τοῖσ πολεμίοισ καὶ τὴν μὲν ἐπὶ τῆσ γεφύρασ πόλιν ἐξ ἐφόδου κατέσχεν, προεμένων καὶ φευγόντων εἰσ τὸν Τύνητα τῶν ἐν αὐτῇ πολεμίων, τὴν δὲ λοιπὴν χώραν ἐπιπορευόμενοσ τὰσ μὲν προσήγετο, πλείστασ δὲ κατὰ κράτοσ ἐξῄρει.

τοῖσ δὲ Καρχηδονίοισ βραχύ τι θάρσουσ ἐνειργάσατο καὶ τόλμησ, ἐπὶ ποσὸν αὐτοὺσ ἀπαλλάξασ τῆσ προγεγενημένησ δυσελπιστίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 76

(폴리비오스, Histories, book 1, chapter 76)

상위

목록

SEARCH

MENU NAVIGATION