Polybius, Histories, book 1, chapter 58

(폴리비오스, Histories, book 1, chapter 58)

Οὐ μὴν ἀλλ’ ὥσπερ ἀγαθὸσ βραβευτὴσ ἡ τύχη μεταβιβάσασα παραβόλωσ αὐτοὺσ ἐκ τοῦ προειρημένου τόπου καὶ τοῦ προϋπάρχοντοσ ἀθλήματοσ εἰσ παραβολώτερον ἀγώνισμα καὶ τόπον ἐλάττω συνέκλεισεν. ὁ γὰρ Ἀμίλκασ, τῶν Ῥωμαίων τὸν Ἔρυκα τηρούντων ἐπί τε τῆσ κορυφῆσ καὶ παρὰ τὴν ῥίζαν, καθάπερ εἴπομεν, κατελάβετο τὴν πόλιν τῶν Ἐρυκίνων, ἥτισ ἦν μεταξὺ τῆσ τε κορυφῆσ καὶ τῶν πρὸσ τῇ ῥίζῃ στρατοπεδευσάντων.

ἐξ οὗ συνέβαινε παραβόλωσ μὲν ὑπομένειν καὶ διακινδυνεύειν πολιορκουμένουσ τοὺσ τὴν κορυφὴν κατέχοντασ τῶν Ῥωμαίων, ἀπίστωσ δὲ τοὺσ Καρχηδονίουσ ἀντέχειν, τῶν τε πολεμίων πανταχόθεν προσκειμένων καὶ τῶν χορηγιῶν οὐ ῥᾳδίωσ αὐτοῖσ παρακομιζομένων, ὡσ ἂν τῆσ θαλάττησ καθ’ ἕνα τόπον καὶ μίαν πρόσοδον ἀντεχομένοισ.

τέλοσ οὐχ, ὡσ Φάβιόσ φησιν, ἐξαδυνατοῦντεσ καὶ περικακοῦντεσ, ἀλλ’ ὡσ ἂν ἀπαθεῖσ καὶ ἀήττητοί τινεσ ἄνδρεσ ἱερὸν ἐποίησαν τὸν στέφανον.

πρότερον γὰρ ἢ ’κείνουσ ἀλλήλων ἐπικρατῆσαι, καίπερ δύ’ ἔτη πάλιν ἐν τούτῳ τῷ τόπῳ διαγωνισαμένουσ, δι’ ἄλλου τρόπου συνέβη λαβεῖν τὸν πόλεμον τὴν κρίσιν.

Τὰ μὲν οὖν περὶ τὸν Ἔρυκα καὶ τὰσ πεζικὰσ δυνάμεισ τοιαύτην ἔσχε διάθεσιν.

τὰ δὲ πολιτεύματ’ ἦν ἀμφοτέρων παραπλήσια τοῖσ ψυχομαχοῦσι τῶν εὐγενῶν ὀρνίθων. ἐκεῖνοί τε γὰρ πολλάκισ ἀπολωλεκότεσ τὰσ πτέρυγασ διὰ τὴν ἀδυναμίαν, αὐτῇ δὲ τῇ ψυχῇ μένοντεσ ἐκβάλλουσι τὰσ πληγάσ, ἑώσ ἂν αὐτομάτωσ ποτὲ περιπεσόντεσ αὑτοῖσ καιρίωσ ἀλλήλων διαδράξωνται, κἄπειτα τούτου γενομένου συμβῇ τὸν ἕτερον αὐτῶν προπεσεῖν·

일치하는 문장이 없습니다.

SEARCH

MENU NAVIGATION