헬라어 문장 검색 - ΠολψβίΗιστορί01́053́

(폴리비오스, Histories, book 1, chapter 53)

προστάξασ ἄφνω προσπεσόντα ταῖσ ὁρμούσαισ παρὰ τὸ Λιλύβαιον τῶν πολεμίων ναυσίν, ὧν μὲν ἂν δυνατὸσ ᾖ κυριεῦσαι, ταῖσ δὲ λοιπαῖσ πῦρ ἐμβαλεῖν. πεισθέντοσ δὲ τοῦ Καρθάλωνοσ καὶ ποιησαμένου τὸν ἐπίπλουν ὑπὸ τὴν ἑωθινὴν καὶ τὰ μὲν ἐμπιπρῶντοσ τὰ δ’ ἀποσπῶντοσ τῶν πλοίων, μεγάλην συνέπεσε γενέσθαι ταραχὴν περὶ τὸ τῶν Ῥωμαίων στρατόπεδον.

προσβοηθούντων γὰρ αὐτῶν ἐπὶ τὰσ ναῦσ καὶ γινομένησ κραυγῆσ, συννοήσασ Ἰμίλκων ὁ τὸ Λιλύβαιον τηρῶν καὶ θεωρῶν ἤδη τῆσ ἡμέρασ ὑποφαινούσησ τὸ συμβαῖνον, ἐπαποστέλλει τοὺσ ἐκ τῆσ πόλεωσ μισθοφόρουσ.

οἱ δὲ Ῥωμαῖοι, τοῦ δεινοῦ πανταχόθεν αὐτοὺσ περιστάντοσ, οὐκ εἰσ μικρὰν οὐδ’ εἰσ τὴν τυχοῦσαν ἦλθον διατροπήν.

ὁ δὲ τῶν Καρχηδονίων ναύαρχοσ ὀλίγα τῶν σκαφῶν τὰ μὲν ἀποσπάσασ τὰ δὲ συντρίψασ, μετὰ ταῦτα μικρὸν ἀπὸ τοῦ Λιλυβαίου παρακομισθεὶσ ὡσ ἐφ’ Ἡρακλείασ ἐτήρει, βουλόμενοσ διακωλύειν τοὺσ ἐπὶ τὸ στρατόπεδον πλέοντασ.

προσαγγειλάντων δὲ τῶν σκοπῶν πλῆθοσ ἱκανὸν πλοίων προσφέρεσθαι παντοδαπῶν καὶ συνεγγίζειν, ἀναχθεὶσ ἔπλει, συμμῖξαι σπεύδων διὰ τὸ καταφρονεῖν τῶν Ῥωμαίων ἐκ τοῦ προγεγενημένου προτερήματοσ.

ὁμοίωσ δὲ καὶ τοῖσ ἐκ τῶν Συρακουσῶν προαπεσταλμένοισ ταμίαισ ἀνήγγειλαν οἱ προπλεῖν εἰθισμένοι λέμβοι τὸν ἐπίπλουν τῶν ὑπεναντίων.

οἱ δὲ νομίσαντεσ οὐκ ἀξιόχρεωσ σφᾶσ αὐτοὺσ εἶναι πρὸσ ναυμαχίαν, καθωρμίσθησαν πρόσ τι πολισμάτιον τῶν ὑπ’ αὐτοὺσ ταττομένων, ἀλίμενον μέν, σάλουσ δ’ ἔχον καὶ προβολὰσ περικλειούσασ ἐκ τῆσ γῆσ εὐφυεῖσ.

οὗ ποιησάμενοι τὴν ἀπόβασιν καὶ τούσ τε καταπέλτασ καὶ τοὺσ πετροβόλουσ τοὺσ ἐκ τῆσ πόλεωσ ἐπιστήσαντεσ προσεδόκων τὸν ἐπίπλουν τῶν ὑπεναντίων.

οἱ δὲ Καρχηδόνιοι συνεγγίσαντεσ τὸ μὲν πρῶτον ἐπεβάλοντο πολιορκεῖν τούτουσ, ὑπολαβόντεσ τοὺσ μὲν ἄνδρασ καταπλαγέντασ εἰσ τὸ πολισμάτιον ἀποχωρήσειν, τῶν δὲ πλοίων ἀσφαλῶσ κυριεύσειν·

οὐ προχωρούσησ δὲ τῆσ ἐλπίδοσ, ἀλλὰ τοὐναντίον ἀμυνομένων γενναίωσ, καὶ τοῦ τόπου πολλὰσ ἔχοντοσ καὶ παντοδαπὰσ δυσχρηστίασ, ὀλίγα τῶν τὰσ ἀγορὰσ ἐχόντων πλοίων ἀποσπάσαντεσ ἀπέπλευσαν πρόσ τινα ποταμόν, ἐν ᾧ καθορμισθέντεσ ἐπετήρουν τὸν ἀνάπλουν αὐτῶν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 53

(폴리비오스, Histories, book 1, chapter 53)

상위

목록

SEARCH

MENU NAVIGATION