헬라어 문장 검색 - ΠολψβίΗιστορί01́082́

(폴리비오스, Histories, book 1, chapter 82)

Ἀμίλκασ δὲ δυσχρηστούμενοσ τῇ τῶν πολεμίων ἀπονοίᾳ τὸν μὲν Ἄννωνα πρὸσ ἑαυτὸν ἐκάλει, πεπεισμένοσ ἁθροισθέντων ὁμοῦ τῶν στρατοπέδων θᾶττον ἐπιθήσειν τέλοσ τοῖσ ὅλοισ. τῶν δὲ πολεμίων οὕσ ποτε κρατήσειε, τοὺσ μὲν ἐν χειρῶν νόμῳ διέφθειρεν, τοὺσ δὲ ζωγρίᾳ πρὸσ αὐτὸν εἰσαναχθέντασ ὑπέβαλλε τοῖσ θηρίοισ, μίαν ὁρῶν λύσιν ταύτην, εἰ δυνηθείη τοὺσ ἐχθροὺσ ἄρδην ἀφανίσαι.

δοκούντων δὲ τῶν Καρχηδονίων ἐπικυδεστέρασ ἐλπίδασ ἔχειν ἤδη κατὰ τὸν πόλεμον, γίνεταί τισ ὁλοσχερὴσ καὶ παράδοξοσ περὶ αὐτοὺσ παλίρροια τῶν πραγμάτων.

οἵ τε γὰρ στρατηγοὶ συνελθόντεσ ἐπὶ ταὐτὸ διεστασίασαν πρὸσ σφᾶσ ἐπὶ τοσοῦτον ὥστε μὴ μόνον τοὺσ κατὰ τῶν ἐχθρῶν παραλείπειν καιρούσ, ἀλλὰ καὶ κατὰ σφῶν αὐτῶν πολλὰσ ἀφορμὰσ διδόναι τοῖσ ὑπεναντίοισ διὰ τὴν πρὸσ ἀλλήλουσ φιλονικίαν.

ἃ δὴ καὶ συνέντεσ οἱ Καρχηδόνιοι τῷ μὲν ἑνὶ τῶν στρατηγῶν ἀπαλλάττεσθαι προσέταξαν, τῷ δ’ ἑτέρῳ μένειν, ὃν ἂν αἱ δυνάμεισ προκρίνωσιν.

ἅμα δὲ τούτοισ καὶ τὰσ παρακομιζομένασ ἀγορὰσ ἐκ τῶν παρ’ αὐτοῖσ καλουμένων Ἐμπορίων, ἐφ’ αἷσ εἶχον τὰσ μεγίστασ ἐλπίδασ περί τε τῆσ τροφῆσ καὶ τῶν ἄλλων ἐπιτηδείων, διαφθαρῆναι συνέβη κατὰ θάλατταν ὁλοσχερῶσ ὑπὸ χειμῶνοσ.

τὰ δὲ κατὰ τὴν Σαρδόνα, καθάπερ ἐπάνω προεῖπον, ἐτύγχανεν ἀπηλλοτριωμένα, μεγάλασ αὐτοῖσ αἰεί ποτε χρείασ παρεχομένησ τῆσ νήσου ταύτησ κατὰ τὰσ περιστάσεισ.

τὸ δὲ μέγιστον, ἡ τῶν Ἱππακριτῶν καὶ τῶν Ἰτυκαίων ἀπέστη πόλισ, αἵτινεσ ἐτύγχανον μόναι τῶν κατὰ τὴν Λιβύην οὐ μόνον τὸν ἐνεστῶτα πόλεμον ἀναδεδεγμέναι γενναίωσ, ἀλλὰ καὶ τοὺσ κατ’ Ἀγαθοκλέα καιροὺσ καὶ τὴν Ῥωμαίων ἔφοδον εὐγενῶσ ὑπομεμενηκυῖαι καὶ συλλήβδην οὐδέποτε βεβουλευμέναι Καρχηδονίοισ οὐδὲν ὑπεναντίον.

τότε δὲ χωρὶσ τῆσ ἀλόγου πρὸσ τοὺσ Λίβυασ ἀποστάσεωσ καὶ διὰ τῆσ μεταθέσεωσ εὐθέωσ τούτοισ μὲν τὴν μεγίστην οἰκειότητα καὶ πίστιν ἐναπεδείξαντο, πρὸσ δὲ τοὺσ Καρχηδονίουσ ἀπαραίτητον ὀργὴν ἐνεστήσαντο καὶ μῖσοσ.

τοὺσ μὲν γὰρ παραβεβοηθηκότασ αὐτοῖσ παρ’ ἐκείνων, ὄντασ εἰσ πεντακοσίουσ, καὶ τὸν ἡγεμόνα τούτων ἀποκτείναντεσ ἅπαντασ ἔρριψαν κατὰ τοῦ τείχουσ, τὴν δὲ πόλιν ἐνεχείρισαν τοῖσ Λίβυσι·

τοῖσ γε μὴν Καρχηδονίοισ οὐδὲ θάψαι συνεχώρησαν τοὺσ ἠτυχηκότασ αἰτουμένοισ. τούτων δὲ συμβαινόντων οἱ μὲν περὶ τὸν Μάθω καὶ Σπένδιον ἐπαρθέντεσ τοῖσ συμβεβηκόσιν πολιορκεῖν ἐνεχείρησαν αὐτὴν τὴν Καρχηδόνα.

Βάρκασ δὲ παραλαβὼν Ἀννίβαν τὸν στρατηγόν·

τοῦτον γὰρ ἐξαπέστειλαν οἱ πολῖται πρὸσ τὰσ δυνάμεισ, ἐπεὶ τὸν Ἄννωνα τὸ στρατόπεδον ἔκρινε δεῖν ἀπαλλάττεσθαι κατὰ τὴν ὑπὸ τῶν Καρχηδονίων αὐτοῖσ δοθεῖσαν ἐπιτροπὴν περὶ τὰσ γενομένασ τῶν στρατηγῶν στάσεισ πρὸσ ἀλλήλουσ· διόπερ Ἀμίλκασ ἔχων τοῦτόν τε καὶ Ναραύαν ἐπῄει τὴν χώραν, διακλείων τὰσ χορηγίασ τοῖσ περὶ τὸν Μάθω καὶ Σπένδιον, μεγίστην αὐτῷ παρεχομένου χρείαν περί τε ταῦτα καὶ τἄλλα Ναραύα τοῦ Νομάδοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 1, chapter 82

(폴리비오스, Histories, book 1, chapter 82)

상위

목록

SEARCH

MENU NAVIGATION