Polybius, Histories, book 1, chapter 70

(폴리비오스, Histories, book 1, chapter 70)

στρατηγοὺσ Μάθω καὶ Σπένδιον. παρεβάλλετο καὶ προσεκαρτέρει, ποτὲ μὲν τοὺσ προεστῶτασ αὐτῶν εἰσ τὰσ χεῖρασ λαμβάνων, ποτὲ δὲ κατὰ γένη συναθροίζων καὶ παρακαλῶν.

οὐ μὴν ἀλλὰ τῶν Λιβύων οὐδέπω κεκομισμένων τὰσ σιταρχίασ, οἰομένων δὲ δεῖν ἀποδεδόσθαι σφίσι καὶ προσιόντων θρασέωσ, βουλόμενοσ ὁ Γέσκων ἐπιπλῆξαι τὴν προπέτειαν αὐτῶν, Μάθω τὸν στρατηγὸν ἀπαιτεῖν ἐκέλευεν.

οἱ δ’ ἐπὶ τοσοῦτον διωργίσθησαν ὥστ’ οὐδὲ τὸν τυχόντα χρόνον ἀναστροφὴν δόντεσ ὡρ́μησαν τὸ μὲν πρῶτον ἐπὶ τὸ διαρπάζειν τὰ πρόχειρα τῶν χρημάτων, μετὰ δὲ ταῦτα συλλαμβάνειν τόν τε Γέσκωνα καὶ τοὺσ μετ’ αὐτοῦ Καρχηδονίουσ.

οἱ δὲ περὶ τὸν Μάθω καὶ τὸν Σπένδιον ὑπολαμβάνοντεσ τάχιστ’ ἂν οὕτωσ ἐκκαυθῆναι τὸν πόλεμον, εἰ παράνομόν τι πράξειαν καὶ παράσπονδον, συνήργουν ταῖσ τῶν ὄχλων ἀπονοίαισ καὶ τὴν μὲν ἀποσκευὴν τῶν Καρχηδονίων ἅμα τοῖσ χρήμασι διήρπαζον, τὸν δὲ Γέσκωνα καὶ τοὺσ σὺν αὐτῷ δήσαντεσ ὑβριστικῶσ εἰσ φυλακὴν παρεδίδοσαν.

καὶ τὸ λοιπὸν ἐπολέμουν ἤδη φανερῶσ πρὸσ τοὺσ Καρχηδονίουσ, συνωμοσίασ ἀσεβεῖσ καὶ παρὰ τὰ κοινὰ τῶν ἀνθρώπων ἔθη ποιησάμενοι.

Ὁ μὲν οὖν πρὸσ τοὺσ ξένουσ καὶ Λιβυκὸσ ἐπικληθεὶσ πόλεμοσ διὰ ταῦτα καὶ τοιαύτην ἔλαβε τὴν ἀρχήν.

οἱ δὲ περὶ τὸν Μάθω συντελεσάμενοι τὰ προειρημένα παραυτίκα μὲν ἐξαπέστελλον πρέσβεισ ἐπὶ τὰσ κατὰ τὴν Λιβύην πόλεισ, παρακαλοῦντεσ ἐπὶ τὴν ἐλευθερίαν καὶ δεόμενοι σφίσι βοηθεῖν καὶ συνεπιλαμβάνεσθαι τῶν πραγμάτων.

일치하는 문장이 없습니다.

SEARCH

MENU NAVIGATION