호흡부호 보기
강세부호 보기
장단부호 보기
작은 Iota 보기
모든 부호 보기
τὰ μὲν πεδία φεύγοντασ διὰ τὸ πλῆθοσ τῶν παρὰ τοῖσ ὑπεναντίοισ ἱππέων καὶ θηρίων, ταῖσ δ’ ὑπωρείαισ ἀντιπαράγοντασ καὶ συνεπιτιθεμένουσ κατὰ τὰσ ὑποπιπτούσασ ἀεὶ δυσχερείασ. ἅμα δὲ ταῖσ ἐπινοίαισ ταύταισ καὶ πρὸσ τοὺσ Νομάδασ καὶ τοὺσ Λίβυασ ἐξέπεμπε, δεόμενοσ βοηθεῖν σφίσι καὶ μὴ καταπροί̈εσθαι τοὺσ ὑπὲρ τῆσ ἐλευθερίασ καιρούσ.
ὁ δὲ Σπένδιοσ προσλαβὼν ἐκ τοῦ Τύνητοσ ἀφ’ ἑκάστου τῶν γενῶν τοὺσ πάντασ εἰσ ἑξακισχιλίουσ προῆγε, ταῖσ ὑπωρείαισ ἀντιπαράγων τοῖσ Καρχηδονίοισ, ἔχων ἅμα τοῖσ προειρημένοισ καὶ τοὺσ μετ’ Αὐταρίτου Γαλάτασ, ὄντασ εἰσ δισχιλίουσ.
τὸ γὰρ λοιπὸν μέροσ αὐτῶν τοῦ κατ’ ἀρχὰσ συστήματοσ ηὐτομολήκει πρὸσ τοὺσ Ῥωμαίουσ ἐν ταῖσ περὶ τὸν Ἔρυκα στρατοπεδείαισ.
τοῦ δ’ Ἀμίλκου παρεμβεβληκότοσ ἔν τινι πεδίῳ πανταχόθεν ὄρεσι περιεχομένῳ, συνέβη τὰσ παρὰ τῶν Νομάδων καὶ Λιβύων βοηθείασ εἰσ τὸν καιρὸν τοῦτον συνάψαι τοῖσ περὶ τὸν Σπένδιον.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기