Polybius, Histories, book 1, chapter 69

(폴리비오스, Histories, book 1, chapter 69)

ἀμφισβητουμένων. ὃσ παραγενόμενοσ κατὰ θάλατταν μετὰ τῶν χρημάτων καὶ προσπλεύσασ πρὸσ τὸν Τύνητα, τὸ μὲν πρῶτον λαμβάνων τοὺσ ἡγεμόνασ, μετὰ δὲ ταῦτα συναθροίζων κατὰ γένη τοὺσ πολλούσ, ἃ μὲν ἐπετίμα περὶ τῶν γεγονότων, ἃ δὲ διδάσκειν ἐπειρᾶτο περὶ τῶν παρόντων· τὸ δὲ πλεῖον παρεκάλει πρὸσ τὸ μέλλον, ἀξιῶν αὐτοὺσ εὔνουσ ὑπάρχειν τοῖσ ἐξ ἀρχῆσ μισθοδόταισ.

τέλοσ δ’ ὡρ́μησε πρὸσ τὸ διαλύειν τὰ προσοφειλόμενα τῶν ὀψωνίων, κατὰ γένη ποιούμενοσ τὴν μισθοδοσίαν.

ἦν δέ τισ Καμπανὸσ ηὐτομοληκὼσ παρὰ τῶν Ῥωμαίων δοῦλοσ, ἔχων σωματικὴν δύναμιν καὶ τόλμαν ἐν τοῖσ πολεμικοῖσ παράβολον, ὄνομα Σπένδιοσ.

οὗτοσ εὐλαβούμενοσ μὴ παραγενόμενοσ αὐτὸν ὁ δεσπότησ κομίσηται, καὶ κατὰ τοὺσ Ῥωμαίων νόμουσ αἰκισθεὶσ διαφθαρῇ, πᾶν ἐτόλμα καὶ λέγειν καὶ πράττειν, σπουδάζων διακόψαι τὰσ διαλύσεισ τὰσ πρὸσ Καρχηδονίουσ.

ἅμα δὲ τούτῳ καὶ Λίβυσ τισ Μάθωσ, ὃσ ἦν μὲν ἐλεύθεροσ καὶ τῶν συνεστρατευμένων, πλεῖστα δὲ κεκινηκὼσ κατὰ τὰσ προειρημένασ ταραχάσ.

ἀγωνιῶν οὖν μὴ τίσῃ καὶ τὴν ὑπὲρ τῶν λοιπῶν δίκην, ἐπὶ τῆσ αὐτῆσ ἐγένετο γνώμησ τοῖσ περὶ τὸν Σπένδιον. καὶ λαμβάνων τοὺσ Λίβυασ ὑπεδείκνυε διότι μετὰ τὸν ὀψωνιασμὸν χωρισθέντων τῶν ἄλλων γενῶν εἰσ τὰσ πατρίδασ ἀπερείσονται καὶ τὴν ὑπὲρ ἐκείνων ὀργὴν εἰσ αὐτοὺσ οἱ Καρχηδόνιοι καὶ βουλήσονται διὰ τῆσ εἰσ σφᾶσ τιμωρίασ ἅπαντασ καταπλήξασθαι τοὺσ ἐν τῇ Λιβύῃ.

ταχὺ δὲ προσανασεισθέντεσ οἱ πολλοὶ τοῖσ τοιούτοισ λόγοισ καὶ λαμβανόμενοι βραχείασ ἀφορμῆσ ἐκ τοῦ τὸν Γέσκωνα τὰ μὲν ὀψώνια διαλύειν τὰσ δὲ τιμὰσ τοῦ τε σίτου καὶ τῶν ἵππων ὑπερτίθεσθαι, συνέτρεχον εὐθέωσ εἰσ ἐκκλησίαν.

καὶ τοῦ μὲν Σπενδίου καὶ τοῦ Μάθω διαβαλλόντων καὶ κατηγορούντων τοῦ τε Γέσκωνοσ καὶ τῶν Καρχηδονίων ἤκουον καὶ προσεῖχον ἐπιμελῶσ τὸν νοῦν τοῖσ λεγομένοισ.

οὐδ’ αὐτὸ τοῦτο περιμείναντεσ ἑώσ τοῦ γνῶναι πότερον ἀντερῶν ἢ συνηγορήσων πάρεστι τοῖσ περὶ τὸν Σπένδιον, παραχρῆμα βάλλοντεσ τοῖσ λίθοισ ἀπέκτεινον.

καὶ πολλοὺσ δὴ τῷ τοιούτῳ τρόπῳ κατὰ τὰσ συνδρομὰσ καὶ τῶν ἡγεμόνων καὶ τῶν ἰδιωτῶν διέφθειρον.

καὶ μόνον τὸ ῥῆμα τοῦτο κοινῇ συνίεσαν τὸ βάλλε διὰ τὸ συνεχῶσ αὐτὸ πράττειν.

μάλιστα δὲ τοῦτ’ ἐποίουν, ὁπότε μεθυσθέντεσ ἀπὸ τῶν ἀρίστων συνδράμοιεν. διόπερ ὅτε τισ ἄρξαιτο βάλλε λέγειν, οὕτωσ ἐγίνετο πανταχόθεν ἅμα καὶ ταχέωσ ὥστε μηδένα δύνασθαι διαφυγεῖν τῶν ἅπαξ προελθόντων.

일치하는 문장이 없습니다.

SEARCH

MENU NAVIGATION